صديق ليا من ايام ثانوي اجنبي الجنسيه (سوري) عايز يبيع عربيته و انا مش عارف سعرها كام في السوق و الاسعار علي كونتاكت متفاوته اوي ... فقولت اخد راي اصدقائي (قسم أوبل الشقيق)
العربيه هاصورها ان شاء الله و ارفع الصور علي النت
العربيه مرشوشه من 7 سنين نضافه علي يدي و مركونه من 5 سنين تقريبا لانهم قاعدين في السعوديه بعد ماخلص الكليه و بييجوا اسبوع في السنه بيركبوا فيه العربيه و بترجع تتركن في الجراج تاني
العربيه حالتها كويسه صالون و عفشه و من بره ... مش متهانه ... الدبرياج فيه ثقل و بس علي كده لافيها فانوس مكسور ولا حاجه علي ماذكر بردوا و عدادها 220 ألف
السؤال بقي العربيه دي تتباع في حدود كام علشان مايبقاش حد ظالمني ولا انا ظالم صحبي اللي موسطني في بيع العربيه دي بالامانه
و ان شاء الله انتظروا الصور بردوا ... العربيه موجوده عند نادي الشمس للمهتم بعمليه الشراء