الموضوع: استفسار بخصوص اوبل فيكترا هااام !!

العربية من 96 الى 2003 انجيكشن
طول الفترة دى العربية نزلت ب 4 مواتير

الاول 1.6 رشاش واحد - مانيوال من 96 الى 2003 (كامة واحدة)
التانى 2.0 رشاش لكل اسطوانة "4 رشاشات" - اوتو من 96 الى 99 ( كامة واحدة)
الثالث 1.6 رشاش لكل اسطوانة "4 رشاشا" - اوتو من 2000 الى 2003 .... ايكوتك (2 كامة)
الرابع 2.0 رشاش لكل اسطوانة " 4 رشاشات " - اوتو من 2000 الى 2003 .... ايكوتك (2كامة)

تمام يعنى افهم من كدا ان العربية انجيكشن
تمام اوى طيب اية احسن موديلات فى الفيكترا فى المانيوال
و اية احسن الموديلات فى الاوتو

صديقي المواطن
أفضل ما أنتجته فيكترا هو موديلات من 88 وحتى أفضلهم 93 وأفضل محرك بها هو 2000 سي سي أوتوماتيك عربية أصيلة الشعب المصري طبعا حيقلك ال 1600 روعة وده حقيقي ولكن عيبه بيجيب صبابات كتير للأسف غير إن مكنة ال 2000 دي مكنة جبارة عالعربية ال 1600 جميلة مرة سقت واحدة 1600 على سرعة 200 مسافة 1400 كيلومتر قولا واحدا لعربية كانت مركونة 7 سنين حسب ما أظن وخدت شوية مطبات وشوية جبال وشوية صحرا وعلى فكرة مشيت بالزيت القديم ووصلت ومقالتش آخ لكن من الركنة في بلد أوربي ثلوج فقبل موصل ب 20 كيلو بالظبط كتت حاطط الشكمان في الشنطة من النص دايب علبتين وشد شديد فيص وباع القضيه
لو عايز فيكترا دور على موديل 92 أو 91 أو 93 وهاتها مكنه 2000 أقل واجب هات ال 1800 لكن ال 1600 مش بنصح بيها بطيئه جدا وبتجيب صبابات كل ربع ساعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

خيار صدام لك موفق جدا والرجل تكلم عن تجربه وانا جربت 200سي سي بصراحه ماتور قوي واقتصادي وسيبك من المحركات الصغيره اللي توفره بالوقود بتطلعه بحاجات تانيه الصبابات وغيره
تحياتي

يعنى الموتور ال 2000 سى سى افضل من ال 1600 سى سى علشان اقوى منة بس ولا علشان مفيهوش عيوب زى ال 1600 سى سى و هل فى من الموتور ال 2000 سى سى دا مايوال ولا كلو اوتومايتك ؟؟؟؟
وواضح من الكلام ان الموتور اللى اسمو ايكو تك دا افضل فا كنت عاوز اعرف افضل فى اية و ال 1600 سى سى فية برضو وحش و ال 2000 سى سى احسن ولا دا موتور متطور و ال1600 زى ال 2000 ؟؟؟؟
اسف على الاطالة ولكن كنت محتاج اعرف معلومات علشان انا مقبل على شراء هذه السيارة اوبل فيكترا ( b ) و معرفش عنها اى حاجة
وشكرا على الردود و المساعدة