أزيكم يا أحلى وحوش.....
أنا أنشاء الله حاجز فلوانس فيس ليفت موديل ٢٠١٤ هاى لاين لون أسود أستلام يناير ٢٠١٤
النهارده الشركة كلمتنى و قالتلى فى واحدة هاى لاين لون شامبين أستلام فورى......أنا بصراحة متخيلتش نفسى أجيب اللون الشامبين قبل كده و مش ميال له قوى....أنا من هواه الغوامق على العربيات أو ممكن أقبل الموكا أو الأبيض السكرى لكن مش شامبين (ذهبى)
محتاج مشورتكم علشان لازم أرد النهارده....هل أخد الشامبين و لا أنتظر ليناير و أستلم الأسود زى ما طلبت؟؟
تحياتي
استلم انهاردة ماحدش عارف من هنا ليناير اه اللي هيحصل
ممكن تزيد او اي حاجة تاني
انا كان نفسي في تيدا الشامبين و كنت حاجز اربع شهور و في الاخر مالقتش غير سودا
الاسود طبعا جميل بس بيلم تراب و خرابيش و حر موت في الصيف
بالتوفيق و اهم حاجة تكون مرتاح
رأيي خدها ولو اني مش من هواه الشامبين بس احسن ماتستني اكتر من شهرين كمان
انا حجزت الشامبين والعربيه دي بالذات الفواتح اجمل فيها علشان الشبكه الاماميه تبان:satelite:
اقتباس:
المشاركة الأصلية كتبت بواسطة beshoyyy
متشكر لحضراتكم جدا....أنا معنديش مشكلة أستنى كمان شهرين و أخد اللون اللى بفضله....الواحد مش بيركب كل يوم عربية جديدة.....السعر لو زاد مش فارق معايا قوى علشان مش المفروض ينط جامد و بعدين أنا جايبها إيجار تمويلى فكده كده بتدفع أقساط شهرية مش هتبان فيها الزيادة الطفيفة....اقتباس:
المشاركة الأصلية كتبت بواسطة zangry
بصراحة اللون الدهبى على الحليات و الجنوط و البادج الكبير و النواكل الفضى مع فرش أسود مش جايين مع بعض خالص....و بعدين العربية كبيرة....الأسود هيحجمها شوية و يديها شياكة و شبابية أكتر....الشامبين هيطولها زيادة و هتبقى عربية لفئة عمرية كبيرة و أنا مش عايز أكبر نفسى بدرى....:7_9_6v[2]::7_9_6v[2]:
يا باشا واضح من كلامك انك مكرر انك عاوز اسود
خلاص استني اللون اللي عاوزة
بص يا باشا الحكايه اذواق عشان كده هتلاقى كل عضو فاضل براى غير العضو التانى المهم انت تكون مرتاح للون عشان انت الى هتشترى و الشامبين فى رايى لون جامد جدا و حضرتك تستلم فورى كمان الاسود افخم و افضل بس عيبه طبعا بيتبهدل اسرع من الالوان العاديه لو مكانك هشترى الشامبين فورى او استنى و اشوف الموكا او السيلفر مثلا
الاسود بيتبهدل بسرعة جدا (اسأل مجرب)
و بيبان فيه التراب و الخدوش
باختصار هتلاقي نفسك محتاج تدي العربية طقم تلميع محترم كل سنة مثلا (انا لمعت عربيتي من سنة و حاليا بافكر المعها تاني )
طالما مش مقتنع باللون متجبوش
هتقعد تانب نفسك كل ما تركبها عشان مجبتش اللي انت عايزه و نفسك فيه
بص هو انت سؤالك ملوش علاقة باللون .. اللون ده حاجه بتختلف من شخص للاخر .. انت عاوز تعرف هل اللون المفضل يستحق الانتظار ولا لأ .. انا رأيي .. يستحق طبعا .. لأنك بعد كده كل ما هتشوف فلوينس سودا .. هتقول ياريتني استنيت .. فرأيي انك تنتظر و خلاص .. و ممكن في الفترة دي يكلموك و يقولوا لك في واحدة سودا استلام فوري مين عارف.
و ان كنت أنا شخصيا ببعد تماما عن الاسود في العربيات .. عشان مبحبش العربيات السودا ولا النبيتي.