حرااااااااااااااااااااامي ة

**dynamic_alpha** · 16-09-2008 09:00 PM

المشاركة الأصلية كتبت بواسطة tutankhamoun

ده مفيش أسهل من إزالتها
بموس صغير أو سكينة صغيرة و تتقطع بكل سهولة

الحل الوحيد هو إننا نركن في البالكونة

أو نشوف جراج مضمون و بكدا نحميها من السرقة و الشمس كمان

هي فكرتها مش انها تمنع السرقة

هي بتصعبها , و في الحالة ده ممكن تلاقي الحرامي ده يتردد في خلعها زي ما اتقال قبل كدة من بقية الأعضاء
على اساس انها موجودة في مكان مش مظلم

و كفائتها في كدة دليله انه فيه عربيات كتير مركباها

**ENG\AHMED** · 16-09-2008 09:02 PM

المشاركة الأصلية كتبت بواسطة fahd_628

فعلا والله ممكن تنزل تلاقى الجنوط بالكاوتش مسروقين و على فكرة حصلت مع واحد صاحب والدى نزل لقى عربيتة على طوب :( تخيل بقى الأحساس بتاعة كان عامل ازاى دة انا عن نفسى لو كنت قفشن واحد بيعمل كدة فى عربيتى مش عارف بس والله ممكن اقتلة بجد

احمد ربنا مرة ناس دخلو السينما وطلعوا لقو عربيتهم على الطنابير مش طوب حتى

فيه حل عملي جدا لحماية الطاسات من السرقة وحتلاقي ناس كتيرة مستخدماه

و هي انك تشتري قطعة بلاستيك بيضاء طويلة و هي من مسلتزمات المنزل لربط الأسلاك و كدة (مش متأكد من اسمها )

و تلفها حوالين الطاسة و في الأخرام الموجودة بالعجل و بتربطها , و تقطع الزيادة

مشكلتها انه شكلها مش ظريف لكنها بتحمي الطاسة اكيد علشان صعب جدا فكها

هتتسرق بردو اللى بيخليهم يسرقو الجنوط يبقى الشريط البلاستيك دة ولا حاجة
انا اتسرقت طاسة من العربية ادام جنينة مول وكانت مربوطة باتنين

فعلا الغطا ممكن يكون افضل واوفر الحلول لان مفيش حرامى هيقعد تحت العربيه يفك الطاسه كل الناس هتعرف انو حرامى لانو لو صاحبها هايشيل الغطا ويعمل اللى هو عاوزه

مرة من زماان واحد قريبى اتسرقت عربيتو وهيا متغطية.. كان سهران بليل ومسع جههاز الانذار ضرب مرة واحدةبص من البلكونة لقى العربية متغطية زى ماهيا ومفيش اى حاجة ومفيش حد جنبها فا افتكر عربية تانية ولا حاجة فادخل تانى , تانى يوم الصبح نازل شغلة وبيكشف العربية لقى البطارية والاستبن وحاجات تانية متقلبة من العربية... اتارى الحرامى دخل من تحت الغطا وسابها متغطية زى ماهيا وكان جوة ساعة لما بص.. بس العربية متغطية!!:D:D

**MedaSam** · 16-09-2008 10:54 PM

هيا الجنوط ممكن تتسرق يا جدعان ؟!!!!!!!!!
ازاي هيفكها أصلا ....... محدش يقولي الحرامي هيشيل العربيه بدراع و بالتاني هيفك الجنط ..... ده يبقى حرامي تنيييين مش طبيعي :d

**mostafabakry** · 17-09-2008 12:32 AM

انا سمعت في مره ان واحد ساكن في نفس العمارة اللي انا فيها بس ما ليش علاقة بيه كان معاه عربية لاتسر جديدة مش عارف ان كانت 2007 او 2008 المهم الراجل كان نازل يصلي الفجر و كانت العربية ما فيهاش اي مشكلة و المكان امان
المهم الراجل رجع من صلاة الفجر لقي العربية من غير باب الشنطة ورا
انا بصراحة لغاية دلوقتي مش متخيل الحكاية دي ازاي ممكن تحصل و في الوقت القليل دا

حاجات غريبة سرقة باحترافية عالية جدا

**drhaytham** · 17-09-2008 12:38 AM

المشاركة الأصلية كتبت بواسطة tutankhamoun

ده مفيش أسهل من إزالتها
بموس صغير أو سكينة صغيرة و تتقطع بكل سهولة

الحل الوحيد هو إننا نركن في البالكونة

أو نشوف جراج مضمون و بكدا نحميها من السرقة و الشمس كمان

لا وكمان من الخدوش

**WalidAdel** · 17-09-2008 12:57 AM

اقنع نفسك ان العربيه شكلها احلي من غير طاسات و خلاص علي كده الحرامي مش بيغلب سواء بقي في غطي او البتاعه البلاستيك البيضه دي ولا حتي جراج و كيس انها جت علي قد كده
انا واحد صحبي هندسة عين شمس دخل يركن في الباركينج بتاع الكليه علشان يحضر محاضره و كانت الساعه 2 الظهر و معاه عربيه شاهين لقيته بيكلمني بيقولي الكاوتش بتاع العربيه اتسرق فهم بصراحه مش بيغلبوا يعني
اقنع نفسك ان شكلها احلي من غير طاسات و خلاص

**nnff909909** · 17-09-2008 03:28 AM

يا جماعة دول ناس محترفين
أنا لما سألأت البواب قالي انه في نفس المكان اللي اتسرقت أنا فيه
كان واحد راكن اللانسر بتاعته ""سبحان الله لانسر برده """ شكلها مستهدفة من قبل الحرامية اليومين دول
فوروله الباب بشينيور مش عارف وصلوه على الكهربا ازاي
وفتحو الباب والشنطة
سرقوا الراديو والاستبن والكوريك والبطارية ومحدش حس في الشارع
وقالي احمد ربنا انها جت على الطاسات
يالله الحمدلله

أقنع نفسي إن شكلها أحلى من غير طاسات دا صعب
فعلا شكلها وحش جدا

الموضوع: حرااااااااااااااااااااامي ة

LinkBack

أدوات الموضوع

عرض

-

الكلمات الدلالية لهذا الموضوع

المفضلات

المفضلات

ضوابط المشاركة