اهم شىء اركز عليه و انا بشترى فانتازيا؟

صباح الفل عليكم

انا بدور و بتفرج دلوقتى على اوكتافيات و لسة مارستش على حاجة
و بقالى اسبوع قريت اغلب المواضيع اللى انتوا كاتبينها
ولكن ياريت لو حد يوضحلى ايه الحاجات اللى لازم اخد باللى منها و انا بشترى الفانتازيا ( غير الطفاية المكسورة اللى بيت الكرسيين) بالذات مع العلم انى اخرى يا 2009 يا 2010 على قد اللى معايا
مثلا: اتأكد منين الفيتيس حالتة كويسة؟ سواء ماشية قليل او كتير
و هل اقلق من الفيتيس لدرجة انى ابعد عن العربية خالص؟
و اتأكد ازاى انه عداد العربية الحقيقى غير النظر و احساسى الشخصى؟
هل الكشف بالجهاز يوضح العداد الحقيقى؟
و ياريت ماتبخلوش عليا بأى معلومة عشان ثمنها مبلغ كبير بالنسبالى ، بس انا مش هجيب كورى لو قطعوا منى حته
علما بأن العربيات اللى اشتريتها من اول ما ابتديت السواقة كالتالى
بولو 95
بولو 97
بولو99
بولو 2000
جولف 2000
كورسا 2007
فيكترا 2008
فانتازيا انشاء الله

شكرا مقدما

اهم حاجة تكشف في التوكيل وهما يطلعولك كل حاجة فيها

ربنا يوفقك ان شاء الله فى حاجه كويسة
وخلى بالك ان اهم حاجه تبقى حاسس ان فعلا العربية فبريكا مش مشغولة وده بيبان من
عداد الكيلو يكون مناسب مع حالة العربية ازاى يعنى مثلا عربية عاملة50000كم وتلاقى فيها من الداخل
حاجه مكسوره فى طابلوه فى الكنسول فى كرتونة باب او دريكسيون معضعض او كراسى العربية مطحونة
او العتاب من الداخل لونها راح من كثرة الاستخدام
وزى ماقالك الاعضاء اهم حاجة كشف التوكيل . موفق ان شاء الله

اولا عدم الكسوف في الكشف الجيد علي السيارة عند احد المركز الثقه وبما ان حضرتك قريت مواضيع كتير في المنتدي فأكيد حضرتك مبدئيا تقدر تقوم بتجربه الفتيس بالسواقه الهادئه جداً واحساسك بتغير النقله وعلي الأخص بين الثاني والثالث والعربيه تبقي لسه جايه من مشوار وطبعا بعد كده تبص علي حاله الطارة والفرش الداخلي وزراير النور ومفتاح المرايه لأن دول اول حاجه بتتبهدل في العربيه
لو العربيه بنظرك واحتك النفسيه بعد تجربتها من سيادتك لاقت القبول حضرتك تتفق مع صاحبها علي الذهاب للكشف عليها سواء في التوكيل او مركز الخدمه وورش الصيانه
وبالتوفيق ان شاء الله وتلاقي حاله كويسه وان شاء الله تنبسط بركوبتها
تحياتي

باالتوفيق زي ماقالوا الشباب بس انا ليا تعليق ليه البايع و المشتري مايبقاش عرف انه لو العربيه تمام الشاري يحاسب على كشف العربيه و هوا كده عرف عربيته فيها ايه و لو طلع فيها مشاكل في الكشف و طبعا البايع مش حيقول امال اللي وداهم التوكيل البايع يحاسب على الكشف من نفس فكره انه عرف عيوب عربيته عداله يعني

التوكيل ثم التوكيل ثم التوكيل

الف شكر يا رجالة
انا بعت عربيتى مخصوص عشان اجبها رغم ان عربيتى كانت ماشية 35000 فقط
فا مش عايز ابيع عربية ممتازة عشان اشترى عربية يطلعلى فيها عيب يلففنى حوالين نفسى