عرض للطباعة
قمت بإلغاء خرطوم مياة السخن فى اللاونس علشان كان الخرطوم بيجيب مياة والميكانيكى قالى ملوش لازمة فى مصر ارجوا الافادة هلى ما فعله الميكانيكى صح ولا غلط :crashcomputer5::crashcomputer5::crashcomputer5::c rashcomputer5::crashcomputer5::crashcomputer5::cra shcomputer5::crashcomputer5::crashcomputer5::crash computer5:
كده التكييف السخن راح مبدئيا
بس في رأيي الراجل استسهل يدور على العيب كده
ياما عربيات ماشية و فيها السخن و البارد عادي يعني
مبدئيا كل المشكلة انك مش هتعرف تشغل التكييف السخن وداخل عليك فصل الشتا
تانى حاجة انت بتقول انة كان بيجيب مية
هل المقصود انة كان بيجيب مية فى ارضية الدواسة
ولا فين بالظبط
اللى أتعمل صح لو موديل العربيه قديم انما لو الموديل حديث كده انت بتعيبها . والموضوع ده أضراره ثلاثه حاجات ما لهومش اى لازمه :- 1- الغاء التدفئه شتاءا 2- عدم أمكانيه أزاله الغباش ( بخار الماء المتكثف على البرابريز الأمامى فى ايام البرد الشديد وتقفيل العربيه مع تواجد عدد كبير داخل العربيه - بتوجيه الهواء الساخن عليه ) 3- الحاجه التالته اذا كان فى سخونه زايده فى الموتور ومش قادر تقف بالعربيه وعقبال ما تروح للميكانيكى ممكن فى الحاله دى تجيب البكره على الساخن وتشغل المروحه على أخر درجه من غير ما تشغل زر التكييف فى الحاله دى السخونه اللى فالرادياتير كلها ها تبقى فى كابينه القياده ( وأتحمل ) عقبال ما توصل للميكانيكى - انا كنت بعمل الحكايه دى ايام الريتمو كتير جدا .
لو المشكله كانت في سربنتينه التدفئه فالصنايعيه بيستسهلوا ويوصلو الخرطومين ببعض لان فك وصيانه السربنتينه دي صعب ومكلف .مفيش اي ضرر غير ان مفيش هوا سخن معاك دلوقتي..