سرقة بإلاكراه في دقيقتين

السلاك عليكم ورحمه الله
والله الواحد زهق من البلد دي
أرسلت مهندس الى شركة بمساكن شيراتون
ش المشير أحمد إسماعيل
وهو معهوش عربية واول ماخلص المهمة وفطريقة يطلع تاني الى الاوتوستراد عشان يركب لمكرم عبيد
واحد واخد كل اللي فجيبه وكان لسه قابض مرتبه
طبعا الواحد حاسس بتأنيب ضمير ومعرفش ليه
عشان الموقف اللي حصل واني انا السبب في إرساله هذا المشوار
فكان موقفي ان صرفت مرتبه مرة أخرى على سبيل السلفة وتخصم قيمة ثابته شهريا على مدار سنة
والسؤال هنااااااا
فين أجهزة ألامن
هل الكسل من المواطن بعدم عمل محضر سرقة ولا الكسل من الشرطة ولا ايه
بجد مش معقول اللي بيحصل ده كثير
ده أبسط حق من الحقوق إنك تبقا عايش في أمااااااان
حسبنا الله ونعم الوكيل فاللي كان السبب

خليه يروح يبلغ و هاتعرف بالظبط المشكلة فين

اقتباس:

---

المشاركة الأصلية كتبت بواسطة تامر.محمد

خليه يروح يبلغ و هاتعرف بالظبط المشكلة فين

---

مش فاهم المشكله هتبقى فين. رجاء التوضيح

العيب من الشرطة طبعا لأنها مش وظيفتها تقبض على المجرمين فقط ولكن وظيفتها تمنع الجريمة من أصله ...... ياريت يجوا يشوفوا في السعودية الشرطة بتعمل اية ......... عربيات الشرطة في كل مكان وفيه في الاماكن الحيوية دوريات ثابتة غير لو اتصلت عليهم أقصى حاجة نصف ساعة ويبقوا عندك أيا كان المتصل مواطن أو مقيم ......... وده عن تجربة صديق ليا ......... لو عطلت في الطريق لأي سبب سيارة شرطة تبقى واقفة معاك لحد ما تخلص مشكلتك وتتحرك ........ لو فيه حادثة في ثواني تلاقي عربيات الاسعاف والشرطة ........ في طريق مكة الرياض اللي هو طريق سفر عربيات شرطة تلاقيها بتتحرك على طول في الطريق .......... بجد بيشوفوا شغلهم بكل احترافية ........... أكيد فيه سلبيات بس الايجابيات أكتر بكتير .......... حصلت أزمة من يومين عمال أثيوبيين بيتظاهروا وبدأو يكسروا في العربيات ويحدفوا طوب شوية وتحولت المنطقة لثكنة عسكرية والتعامل بكل حزم معاهم ......... وكتير من المواقف اللي الواحد شافها تخليه يحزن على بلده أعظم بلد في العالم

البلد خربت
ان شاء الله ترجع تانى احسن من الاول.
بارك الله فيك انك صرفت المرتب تانى ليه
وياريت فى نصف المده تعفيه من البقيه
واعتبره زكا عن اولادك وصحتك
ده ان كان كلامه صحيح وانت واثق فيه
وتقبل تحياتى

الشرطة في الخدمة
بس هي غالباً خارج نطاق الخدمة
فالعيب مش في الشرطة ... العيب في الخدمة ... أيه اللي يخليها تمشي خارج النطاق !
أنا أختى ساكنة في فيلا والفيلا لها جنينة
في يوم شافت حرامي بيحاول يدخل من بين إطار زرعي حول الجنينة
فجريت تتصل بالنجدة
وقالت لهم ألحقوا عندي حرامي في جنينة البيت
والعنوان .... !!
قبل ما تكمل ....
اللي بيرد قال لها : سرق حاجة ؟!
قالت له : لأ !
قال لها : أذى حد ؟!
قالت له : لأ !
قال لها : طيب يا هانم نيجي نعمل أيه ؟
قالت له : أنا أسفة - واضح إني أتصلت بيكم بدري شوية ، لما يموتني !! هتصل بيكم
وأخيراً : الشرطة في خدمة الحرامية
ربنا ينجينا يارب من كل سوء
حاول تعوض المهندس المسروق بقيمة الراتب بمكافئة إستثنائية أو مكافئة شهرية أو ما شابه
وربنا يعوض عليك وعليه

الغريب ان فيه ناس قرايب للى شغالين فى الشرطه
تضرروا من عدم شغلهم
ومنهم من مات فى حادثه مرور او حادث سطو على سياره
ورغم ذلك برضه مش عاوزين يشتغلوا وبيمدوا ايديهم للمرتب اخر الشهر رغم انه مصروف من ضرائبنا
البلد عاوزه واحد يطبق مبدأ الصواب والعقاب ويكون فيه متابعه دائمه

الموضوع دة مشهور جدااا فى مساكن شيراتون والنزهة الجديدة

وكذا مرة قدامى موتسيكل يشد شنطه من ست كبيرة ومرة تانية عربية لانسر بومة

واحد زميلنا راح مع الست القسم علشان يعمل معاها محضر ست كبيرة بردة ومخضوضة ,,, عملنا محضر فى قسم النزهة وشكرا على كدة

thanks u 4 call 911 :)

المشكلة ان كل اجهزة الامن مش فاضية للحرامية والبلطجية .. بيحاربو "الارهاب"

الشرطه بتتشطر على اصحاب الدقون بس والنساء انما الحرميه لا

معلش هوا كان ماشى فى شارع المشير أحمد إسماعيل على رجله مع نفسه كده ؟!! ... الشارع ده بالليل لازم عربية و مينفعش تمشى على رجلك خالص

يا باشا الشرطه للاخوان والدقون بس

انت نسيت ولا ايه

الشعب والشرطه فى خدمه الوطن ( سى سى )

هى نشل ولا سرقه بالأكراه حضرتك ما وضحتش ؟ علشان الناس تقدر تحكم على صدق روايه الموظف عندك . فى جميع الأحوال المنظومه فاسده من ساسها لراسها , جيش شرطه حكومه شعب قطاع عام قطاع خاص وربنا عليه صلاح الحال

اقتباس:

---

المشاركة الأصلية كتبت بواسطة fo1fo

هى نشل ولا سرقه بالأكراه حضرتك ما وضحتش ؟ علشان الناس تقدر تحكم على صدق روايه الموظف عندك . فى جميع الأحوال المنظومه فاسده من ساسها لراسها , جيش شرطه حكومه شعب قطاع عام قطاع خاص وربنا عليه صلاح الحال

---

كاتب فى العنوان انها سرقه بالأكراه

ربنا يرحمنا و يجازى كل مقصر

اقتباس:

---

المشاركة الأصلية كتبت بواسطة ahmed_ramadan

معلش هوا كان ماشى فى شارع المشير أحمد إسماعيل على رجله مع نفسه كده ؟!! ... الشارع ده بالليل لازم عربية و مينفعش تمشى على رجلك خالص

---

ياباشا ده الساعة 10 الصبح سيادتك
بالليل ده حوارات تاني
انا بتكلم فالصبح
البهوات لا بيشتغلو صبح لا ليل

سرقه بالاكراه؟؟....يعني اتعمل محضر بيها على كده

لقد قمت بتغيير مسار الموضوع بعيداً عن الهدف الرئيسي الذي قصدة صاحب الموضوع وهو ما يخالف القاعدة رقم 4 من قواعد المنتدى.

يرجى مراجعة قواعد المنتدى

م 3 أ

اقتباس:

---

المشاركة الأصلية كتبت بواسطة أبو بودي وعمر

---

حسبنا الله ونعم الوكيل

اقتباس:

---

المشاركة الأصلية كتبت بواسطة أبو بودي وعمر

---

جيت على الجرح وقلبت علينا الموااجع

هيا البلد دى امتى يمسكها واحد بقى يعرف ربنا ويصلحها؟؟؟؟؟؟؟؟؟؟؟؟؟

حضرتك ممكن تشوف الموضوع ده

http://www.nilemotors.net/Nile/280355-a.html

واكيد هتعرف المشكلة من مين

الشرطه دلوقتى فى الخلاط .....وانا بحترم رد فعلك فى انك اديته المرتب مرة تانيه..
وممكن حضرتك تعمل اجراء وقائى يبقى من قواعد الشركه ان لو اى حد رايح ماموريه تبع الشغل مايخدش معاة لوس كتير او مرتبه الا بعد الماموريه.
او ممكن ان حضرتك توفرلهم عربيه فى حاله الاماكن البعيدة توديهم وتجبهم الماموريات.

لقد قمت بتغيير مسار الموضوع بعيداً عن الهدف الرئيسي الذي قصدة صاحب الموضوع وهو ما يخالف القاعدة رقم 4 من قواعد المنتدى.

يرجى مراجعة قواعد المنتدى

م 3 أ

هو أتسرق في شيراتون ؟!
بالأكراه, يعني تحت تهديد سلاح وللا أيه اللي حصل ؟!

اقتباس:

---

المشاركة الأصلية كتبت بواسطة hamisa08

الموضوع دة مشهور جدااا فى مساكن شيراتون والنزهة الجديدة

وكذا مرة قدامى موتسيكل يشد شنطه من ست كبيرة ومرة تانية عربية لانسر بومة

واحد زميلنا راح مع الست القسم علشان يعمل معاها محضر ست كبيرة بردة ومخضوضة ,,, عملنا محضر فى قسم النزهة وشكرا على كدة

thanks u 4 call 911 :)

---

موضوع سرقة شنط السيدات ده منتشر أوي فعلاً و حصل مع أختي و بعدها والدتي في نفس الأسبوع في عز الصبح عن طريق موتوسيكلات برضه,
و لما رحنا نبلغ في نقطة الشرطة قالوا أستنوا و اللي سرقها هيكلمكم عشان يرجعها..
و منتشر أوي برضه سرقة الناس اللي خارجة من البنوك, و في ناس أتسرق منها مبالغ كبيرة..
بس أن واحد ماشي لوحده كده في الشارع يتثبت و يتسرق فده اللي جديد في شيراتون..

...................................
..........................................


لقد خالفت قواعد المنتدى بوضع الفاظ لا تليق مع المنتدى
تم وقفك لمدة اسبوع
مشرف عام 9

انا عمري ما هدافع عن الشرطة
لأنهم مقصرين ولولا تقصيرهم وغرورهم وتكبرهم علي الشعب وعدم تفرقتهم في المعاملة بين المجرم والمحترم وتعمدهم اهانة الكبير والصغير لما وصلنا لما نحن فيه الآن من فوضي وضياع وانحطاط اخلاقي وسياسي واجتماعي واقتصادي

لكن الوم ايضاً الجموع اللي نزلت في يناير وهاجموا الشرطة وحرقوا الاقسام ودمروا البلد لأنهم تسببوا في خروج المارد من القمقم
و"المارد" هم المجرمون والبلطجية والحرامية وقطاع الطرق وعصابات التهريب وغيرهم

فالجميع شركاء في هذه المهزلة والفوضي وحالة الضياع والتخلف الذي وصلنا له

اما بالنسبة للاخوة اللي بيدافعوا عن الاخوان والاخوات"حريفة قطع الفيديوهات والصور الموجهة"...ممن يستغلون الدين والمعتقدات الدينية للمتاجرة وحشد وتأجيج الرأي العام ضد الشرطة والجيش والحكومة لمجرد انهم رافضين لها ورافضين لحكم آخر غير حكمهم فاما ان يحكم رموزهم هم واما أن يظلوا يأججون الرأي العام ضد الدولة بكل مؤسساتها بالعنف والتخريب والارهاب احياناً وكل وسائل التهديد والتظاهر الغير سلمي وقطع الطرق واساليب كلها لن تنفع ولن ترجع التاريخ الي الوراء فما حدث قد حدث ولا رجوع للماضي

افيقوا من اوهامكم ودعونا نبني وطناً اذا كنتم تعتبرونه وطنكم وليس بلاد كفر وشعب كافر كما تطلقون علينا

لن يسمح الشعب لكم بأن تخدعوه مرة ثانية

واعيدها ثانيةً اني لا ادافع عن الشرطة ولكني مع الجيش الذي اذا سقط سقطت الدولة وضاعت وهناك امثلة كثيرة حولنا سقطت جيوشها فضاعت ولكننا لا نتلعم الدرس وان تكرر اكثر من مرة

ولنا في العراق وليبيا وسوريا امثلة فمتي سنتعلم الدرس؟؟؟؟؟

اما في حالة الفوضي والانفلات الأمني فهذا ما جنته ايدينا ولابد ان نصبر وندعم الحكومة واجهزتها والشرفاء من ضباط الشرطة وبمرور الوقت ستبسط الشرطة سيطرتها بمساعدة الجيش علي مجريات الأمور بعد أن تنتهي من مشاغبات الاخوان واتباعهم وجماعاتهم التكفيرية والتفجيرية وسيتوجه كل التركيز علي فرض حالة السيطرة الأمنية وسيعود المجرمين الي جحورهم والسجون

وهذا مانتمناه من الله سبحانه وتعالي ان يقينا شر كل من يريد الضرر بهذا البلد

"اللهم أرنا الحق حقاً ارزقنا اتباعه وأرنا الباطل باطلاً وارزقنا اجتنابه"

مواطن مضرور من الفوضي "والله مضرور في مبلغ كبير تقريباً كل أموالي سرقت"

لكن الحمد لله علي أي حال

"اللهم أجرنا في مصائبنا واخلفنا خيراً منها"

اقتباس:

---

المشاركة الأصلية كتبت بواسطة أبو بودي وعمر

لقد قمت بتغيير مسار الموضوع بعيداً عن الهدف الرئيسي الذي قصدة صاحب الموضوع وهو ما يخالف القاعدة رقم 4 من قواعد المنتدى.

يرجى مراجعة قواعد المنتدى

م 3 أ

---

الهدف الرئيسي الذي قصده صاحب الموضوع هو نقد تخاذل الشرطة اللي كلنا عارفينه وشايفينه ومحدش يقدر ينكره وتعليقي بأن الشرطة مش فاضية غير للقبض على النساء والصور اللي جبتها بتدل على كده مغيرتش مسار الموضوع بل بتصب في نفس مسار الموضوع اللي هو إثبات أن الشرطة بتاعتنا أسد علينا وعلى نسائنا ونعامة على البلطجية والمجرمين وقطاع الطرق ومعتقدش إني عشان أكون في نفس مسار الموضوع إني لازم أمدح في الشرطة وأشتم في الإخوان زي ما في أعضاء بيعملوا ومشاركاتهم بتتساب زي ما هي !
أرجو قليل من الإنصاف في التعامل مع المشاركات وعدم التسلط في حذف المشاركات طالما لم تخرج عن نطاق الآداب العامة وقواعد اللياقة والأدب لأن دي مش أول مرة تتحذف ليا مشاركات بنفس الأسلوب ومش هنصم آذاننا عن اللي بيحصل في مصر وننافق ونقول غير الحقيقة علشان منزعلش حد شايف البلد زي الفل وارتاحت من احتلال الإخوان كل واحد حر في رأيه طالما لم تخرج النقاشات عن إطار الحوار المقبول ولم تدخل في اتجاه السب والشتم والتخوين واللي يعمل كده تتحذف مشاركته ويتعاقب بالإيقاف لكن مش عشان رأيي مش بيعجب بعض الناس يبقى يتحذف ويبقى خرج عن مسار الموضوع !
أنا مش بحب أعلق على قرارات المشرفين بس الموضوع ده اتكرر أكتر من مرة وبلاحظ إن في ناس بتقول آراء مخالفة لرأيي وبتتساب مشاركاتها بدون تدخل فنرجو شيء من الإنصاف وعدم التحامل على طرف دون الآخر

اقتباس:

---

المشاركة الأصلية كتبت بواسطة أبو بودي وعمر

الهدف الرئيسي الذي قصده صاحب الموضوع هو نقد تخاذل الشرطة اللي كلنا عارفينه وشايفينه ومحدش يقدر ينكره وتعليقي بأن الشرطة مش فاضية غير للقبض على النساء والصور اللي جبتها بتدل على كده مغيرتش مسار الموضوع بل بتصب في نفس مسار الموضوع اللي هو إثبات أن الشرطة بتاعتنا أسد علينا وعلى نسائنا ونعامة على البلطجية والمجرمين وقطاع الطرق ومعتقدش إني عشان أكون في نفس مسار الموضوع إني لازم أمدح في الشرطة وأشتم في الإخوان زي ما في أعضاء بيعملوا ومشاركاتهم بتتساب زي ما هي !
أرجو قليل من الإنصاف في التعامل مع المشاركات وعدم التسلط في حذف المشاركات طالما لم تخرج عن نطاق الآداب العامة وقواعد اللياقة والأدب لأن دي مش أول مرة تتحذف ليا مشاركات بنفس الأسلوب ومش هنصم آذاننا عن اللي بيحصل في مصر وننافق ونقول غير الحقيقة علشان منزعلش حد شايف البلد زي الفل وارتاحت من احتلال الإخوان كل واحد حر في رأيه طالما لم تخرج النقاشات عن إطار الحوار المقبول ولم تدخل في اتجاه السب والشتم والتخوين واللي يعمل كده تتحذف مشاركته ويتعاقب بالإيقاف لكن مش عشان رأيي مش بيعجب بعض الناس يبقى يتحذف ويبقى خرج عن مسار الموضوع !
أنا مش بحب أعلق على قرارات المشرفين بس الموضوع ده اتكرر أكتر من مرة وبلاحظ إن في ناس بتقول آراء مخالفة لرأيي وبتتساب مشاركاتها بدون تدخل فنرجو شيء من الإنصاف وعدم التحامل على طرف دون الآخر

---

الكلام ده صحيح و انا اشاطرك الرأي و الدليل علي ذلك المشاركة الي قبل دي مباشرة . و لم نري تحذير لصاحبها . قليل من الإنصاف يا ساده ..نايل موتورز من نوافذ الحرية القليلة المتبقية في هذه البلد.فأرجوا من المشرفين المحافظة عليها كما عهدناها و البعد عن الميول السياسية في الحكم علي المشاركات حتي لو كانت تخالف ما تعتقده

اقتباس:

---

المشاركة الأصلية كتبت بواسطة qkash.com

لكن الوم ايضاً الجموع اللي نزلت في يناير وهاجموا الشرطة وحرقوا الاقسام ودمروا البلد

---

حزب وطنى :POINTIy2[2]::POINTIy2[2]:
بتتعرفوا من وسط مليون :wink10:

اللي بيحصل في القاهرة كوم واللي بيحصل فالصعيد كوم
اختطاف لرجالة كبار من داخل البيوت
والبلطجية بيلبسو لبس شرطة
حدثت في بلد منفلوط بمحافظة أسيوط
والفيدية كانو طالبين 5 مليون
واللي مش بيدفع بيقولو ولدك مرمي فالمكان الفلاني وبيدبجوهم
غير البلطجة وسرقة العربيات وخلافه
اخر امل لينا كان الامن والامان
دلوقتي فيه ايه تاني يامصر

اقتباس:

---

المشاركة الأصلية كتبت بواسطة banzai

حزب وطنى :pointiy2[2]::pointiy2[2]:
بتتعرفوا من وسط مليون :wink10:

---

عيبنا انا كل واحد فاكر انه ابو العريف وفاهم كل حاجة وبيقدر يحس باللي قدامه اذا كان اخوان او فلول او حزب وطني او ليبرالي او علماني (الحاسة السابعة بقي)

وده برده من مكاسب ثورة يناير "المجيدة" ان كل واحد شايف نفسه هو اللي صح والباقيين خونة وعملاء وولاد ستين في سبعين

علي العموم انا قولت رأيي وماتهمتش حد بحاجة من غير دليل

يعني انا انتقدت الاخوان وادينا شايفين هما بيعملوا ايه وبدل الدليل في مليون دليل علي انهم بيمارسوا العنف والارهاب والتخويف ضد الشعب والجيش والشرطة وكل يوم نسمع عن قتلي بسببهم وبسبب تمسكهم بالسلطة واعتبارهم ان ما حدث في مصر انقلاب وكل من ضدهم كفرة وعلمانيين ومصر ديار كفر ويجب حرقها وقتل شعبها وهو ما يطبقونه بالفعل

وعموماً الحاسة السابعة عندك طلعت فشنك
لأني والله ولا عمري كان ليا في السياسة ولا احبها وعمري ما كان ليا اي نشاط سياسي ولا بحب الحزب الوطني ولا ليا اي علاقة بيه
ولا كنت مستفيد من الفساد في عهد مبارك بالعكس انا محصلتش حتي علي ابسط حقوقي كخريج جامعة وهي وظيفة واعتمدت علي نفسي في كل مراحل حياتي واشتغلت شغلي الخاص وبدأت من الصفر ويمكن من تحت الصفر كمان والحمد لله
ربنا كرمني وعايش حياة كريمة وراضي ومبسوط

وشايف ان السياسة كدب ورياء ونفاق "ومعظم النخبة السياسية ومن يتحدثون في السياسة غير محترمين ولا اثق بأياً منهم الا من رحم ربي"

وندعو الله ان يصلح حال مصرنا الحبيبة ويصلح ذات بيننا وينصرنا علي اعداء الوطن

ده على اساس ان الشرطة مش بتكافح المجرمين لانها غلبانة و منكسرة و ان المجرمين شجعهم ان الشرطة بتطبطب عالمظاهرات

اه ياني

اقتباس:

---

لأني والله ولا عمري كان ليا في السياسة ولا احبها وعمري ما كان ليا اي نشاط سياسي

---

طيب طالما ملكش فى السياسه بتتكلم بعنتريه فى حاجات ممكن تكون غلط فيها ليه ؟
يعنى طالما انك اعترفت انك ملكش فى السياسه بتنتقى اخبارك منين ؟
من قنوات الحراميه الكبار (رجال الاعمال ) اللى بينحلو وبر الشعب و سايقين عليهم شياطينهم يلعبو البخت فى عقولهم فى التليفزيون ؟
ثورة يناير ايه اللى دمرت البلد يا زعيم ؟ nock nock
الحزب الوطنى قبل الثوره كان مخلص على البلد لدرجة انه ملقاش حاجه يبيعها راح بايع الافلام الابيض و الاسود بتاعة الخمسينات للتيس السعودى بتاع ايه ار تى
طيب ملكش فى السياسه بس اكيد ليك فى الاقتصاد من اليوزر نام بتاعك صح :wink10:
يعنى واحد بتاع اقتصاد متعرفش الحزب الوطنى كان خارب البلد و بيدوس على الناس ازاى و الجاهله عيشة عبد الهادى بتجبر الناس تطلع على المعاش المبكر يا اما هتدوسهم بالجزمه
هو انت البلد اتدمرت عندك تمثلك ايه ؟
اتفرج على الفيديو ده عشان تعرف ازاى البلد اتدمرت ده لو انت فعلا عايز تعرف و على فكره عشان فوبيا الاخوان احب اقولك ان الخبير الاقتصادى احمد النجار اللى بيتكلم فى الفيديو ده ضد الاخوان
HD دولة رجال الاعمال | الجزيرة الوثائقية - YouTube

اقتباس:

---

المشاركة الأصلية كتبت بواسطة banzai

طيب طالما ملكش فى السياسه بتتكلم بعنتريه فى حاجات ممكن تكون غلط فيها ليه ؟
يعنى طالما انك اعترفت انك ملكش فى السياسه بتنتقى اخبارك منين ؟
من قنوات الحراميه الكبار (رجال الاعمال ) اللى بينحلو وبر الشعب و سايقين عليهم شياطينهم يلعبو البخت فى عقولهم فى التليفزيون ؟
ثورة يناير ايه اللى دمرت البلد يا زعيم ؟ nock nock
الحزب الوطنى قبل الثوره كان مخلص على البلد لدرجة انه ملقاش حاجه يبيعها راح بايع الافلام الابيض و الاسود بتاعة الخمسينات للتيس السعودى بتاع ايه ار تى
طيب ملكش فى السياسه بس اكيد ليك فى الاقتصاد من اليوزر نام بتاعك صح :wink10:
يعنى واحد بتاع اقتصاد متعرفش الحزب الوطنى كان خارب البلد و بيدوس على الناس ازاى و الجاهله عيشة عبد الهادى بتجبر الناس تطلع على المعاش المبكر يا اما هتدوسهم بالجزمه
هو انت البلد اتدمرت عندك تمثلك ايه ؟
اتفرج على الفيديو ده عشان تعرف ازاى البلد اتدمرت ده لو انت فعلا عايز تعرف و على فكره عشان فوبيا الاخوان احب اقولك ان الخبير الاقتصادى احمد النجار اللى بيتكلم فى الفيديو ده ضد الاخوان
hd دولة رجال الاعمال | الجزيرة الوثائقية - youtube

---

انا بقول كنت مليش في السياسة قبل الثورة بس هو في حد دلوقتي مبيتكلمش في السياسة وبيتابع تصريحات واخبار وتحركات كل من يطلقون عليهم نخبة وسياسيين اللي هما في نظري شوية مرتزقة كذابين افاقين والاعلاميين والنشطاء السياسيين والنخبة هم فقط من استفاد من الثورة واخذوا شهرة اكبر وعائد مادي اكثر بكثير مما يحلمون به
انما باستقي الاخبار من تصريحات قائلها والمصادر الرسمية يعني اي خبر عن الرئاسة بدور علي فيديو المتحدث الرسمي او الرئيس نفسه وبالمثل في حالة الجيش في متحدث رسمي

انما بقي الاعلام المصري قنوات عامة بقي أوخاصة فلا اعتري اهمية لما يقولون نهائياً ولا لمن يستضفونهم اياً ما كان الضيف
فجميعهم عندي سواء ولكل منهم حساباته ومصالحه الخاصة التي يدافع عنها الا قلة قليلة ممن احس تجاههم بالوطنية وحب مصر

ولكن بالتأكيد لا استقي الاخبار من قناة الجزيرة الصهيونية (الناطقة بالعربية) فأنا لست مغيب وبالتأكيد لست اخواني

اما بالنسبة لثورة يناير"المجيدة" فمكاسبها لا تعد ولا تحصي ولا ينكرها الا حاقد وحاسد ومغيب

فالفقراء اصبحوا اغنياء وتحققت العدالة الاجتماعية فلا تجد فقراء في الشوارع ونعاني الآن من الرفاهية المطلقة والشوارع في غاية الهدوء والنظافة فلا اكوام زبالة ولا ضوضاء ولا باعة جائلين والحياة بيسسسسسسسسسسسس

اما الأمن والامان فحدث ولا حرج فمصر الآن اهدي منطقة في العالم ومعدل الجريمة صفر والمجرمين اعتزلوا وبيبيعوا سبح وسواك والدليل ان صاحب الموضوع عامل موضوع انه مش لاقي مجرم يسرق الموظف بتاعه
وكل واحد دلوقتي بيتحرك براحته وبيبقي مطمن علي مراته وبنته واطفاله في المدارس علشان مبقاش فيه سواقين تكاتك او موتوسيكلات بتخطف الاطفال والبنات والستات ولو مقتلهمش بيغتصبوهم ويرموهم

اما بقي الحرية في فكل واحد دلقوتي يقدر يشتم اي ظابط براحته يعني انت مثلا معدي قدام قسم ولا كمين ولا حتي في الجامعة تقدر تشتم اي حد من اول موظف الكلية لحد عميد الكلية واي رتبة في الشارع مهما كان تقدر تشتمه وحتي رئيس الدولة تطلع علي اي قناة تشتم زي مانت عايز...ماهو احنا الحرية عندنا انا تطلق العنان للسانك وتشتم وتسب وتلعن في اي حد وتقول دي حرية رأي وكمان وصلت لأنك تحرق المؤسسات وتولع الكنايس وطبعاص دي حرية التعبير

ما اجمل عيشة الحــــــــــــــــــــــ ـرية

المهم انك تكون مبسوط بالثورة مش مهم تحقق اهدافها المهم اننا عملنا ثورة (الثورة حلوة مفيش كلام)

اما بقي بالنسبة للفساد
مفيش نظام مش فاسد حتي رمز الديموقراطية امريكا فيها رجال اعمال موالية للنظام ولكل حزب له اعضائه المستفيدين من الفساد ويستغلون علاقاتهم بالرموز من اجل مصالح خاصة
واوباما واي مرشح رئاسي في امريكا بيكون حواليه من يدعموه وعندما يفوز عليه ان يرد الجميل بتسهيلات مالية واقتصادية
"السياسة مصالح مشتركة وفساد اجباري"

واذا كان فساد الحزب الوطني جعله يتحكم في الحكومة ويسهل عمليات بيع وخصخصة للشركات
فنظام الاخوان

لم يكن فاسداً مالياً فقط بل فاشلاص ايضاً في ادارة شئون البلاد في الداخل والخارج فانظر لمدي استحقار الدول لرئيس اكبر دولة عربية ومدي الاستهان به

ناهيك عن اخونة الدولة ووضع اشخاص لا خبرة لهم في اي شيء ليديروا مؤسسات الدولة

بالاضافه لسيطرة رجال اعمال الاخوان بقيادة خيرت الشاطر وحسن مالك علي مقدرات الاقتصاد المصري وتحكمهم في العلاقات الاقتصادية لمصر بدول العالم وايضاَ في الداخل فقد ورثوا رجال اعمال نظام مبارك بالعنوة والبلطجة

وفي النهاية الفساد المالي مقدور عليه لكن
انك تتصرف في اصول الدولة وتبيع ارضها وتمنحها بلا مقابل لتوطين الأهل والعشيرة فهذا ما لا يقبله عقل ولا منطق (ومشروع توطين اهل غزة وبيع قناة السويس لقطر ومنح السودان حلايب وشلاتين امثلة علي ذلك)

واخيراص لا يسعني الا الدعاء

"اللهم ارفع مقتك وغضبك عنا ولا تؤخذنا بما فعل السفهاء منا"

اقتباس:

---

المشاركة الأصلية كتبت بواسطة qkash.com

لكن
انك تتصرف في اصول الدولة وتبيع ارضها وتمنحها بلا مقابل لتوطين الأهل والعشيرة فهذا ما لا يقبله عقل ولا منطق (ومشروع توطين اهل غزة وبيع قناة السويس لقطر ومنح السودان حلايب وشلاتين امثلة علي ذلك)

---

اه انت منهم ؟!!!!!!!
معلش يا باشا انا اسف انى فتحت حوار مع حضرتك انا واحد ............. قده غلطه و مش هتتكرر تانى
*ملاحظه اخيره ................. انا ولا اخوان ولا بقبلهم

تنبيه بحسن اختيار الالفاظ
مشرف عام 9

شفتوا...قلبتوها سياسه واختلفتوا عشان كل واحد عنده وجهه نظر مختلفه مع خلفيه راي متضاربه.وده اللي حنفضل عايشين فيه لفتره.الموضوع لو رجعناله من الاول مش سياسي اصلا الموضوع امني.وعلى شان كده انا سالت ايه خط سير الموضوع عشان مش كل حد ياخد بيه لفه في طريق مختلف .انا لفيت حتت كتير في العالم وعشت كمقيم مش سائح ولا مواطن.اه عندي فكره عامه وخاصه عن البعد الامني ونجاحاته وبقول الامن جوه مصر زيه زي اي مكان في العالم.ايوه مصر افضل امنيا دلوقتي من دول اعلى منها بمراحل اقتصاديا وحتى سياسيا.لكن احنى بنصبوا وحلوه بنصبوا ديه الى نموذج مثالي يشبه في نتائجه نتائجه بس.فتره سابقه ويختلف في اليته وفاعليته عن نفس ذات الفتره.والموضوع مش نناقش سلبياته اد ما نناقش حلوله اللي بتيجي من الدماغ وباراده مجتمعيه.ارجو اننا نبطل تسييس المواضيع الامنيه.الموضوع قعد يترهل ويترهل حتى وصلت ان القارئ لاخره احس انه تاه واختطف في احد حارات قسم احوال الشارع المصري المغلقه مواضيعه الغير ماسووف عليه مره اخرى.ازيكو يا شباب عاملين ايه

اعزائي المخطوفين زهنياً ....بطلوا كلام في السياسة احسن ...فعلاً مشكلة مصر مش في الأمية.
و الدليل امام اعينكم ...ناس متعلمه و بيضحك عليها زي اي واحد مش متعلم ...بل بالعكس فيه ناس أمية و علي قدر كبير من الوعي و مش من السذاجة و لا السطحية انها تصدق هطل من عينة تأجير الأهرامات .

اصلهم واخدين تفويض
وبكرا تثوفو مثر

معلث النور راح وانا بكتب مثر :d

اقتباس:

---

المشاركة الأصلية كتبت بواسطة aldesha989

اصلهم واخدين تفويض
وبكرا تثوفو مثر

معلث النور راح وانا بكتب مثر :d

---

هههههههههههه ....مش عايزين ضحك في الهزار لو ثمحت ... وممنوع الكلام في الثياثة :wink10: