عرض للطباعة
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
يا جماعة انا نويت ان شاء الله انى اشترى سوبارو2013 زيرو
ياريت حد يفيدنى اخبار قطع الغيار ومركز الصيانة ... ايه عيوب العربية
وايه افضل مكان اشتريها منه ... لان ابوغالى الصراحة طريقته مش كويسة فى التعامل
Frozen Pain
نصيحة من أخ جرب مرار هذه السيارة اللعينة. اصرف نظرك عنها تماماً إحنا كان معانا وحدة. 2010. زيرو. خسرنا فيها 70000 ودخنا علشان نبعوها. مفيش حد راضي يبص علها من المعارض. وقطع الغيار. ناااااااااااار. الزجاج الأمامي. 4000. المرايا. 2000. الفانوس الأمامي 2500 الفوج. 850. وحلني. عبال ميطلبوهالك. من اليابان. ومفيش حد بيشتغل. فيها برة التوكيل. إحنا مرة المرايا انكسرت. دخنا. في إسكندرية علشان. نجيبو. وحدة وملقناش وجبنلها مراية. عربيه تانية. عبال. التوكيل. ميجيبها. من اليابان. وبعد شهر جبها. والتيل بردة كدا. جبنلها. تيل هيونداي. عبال التوكيل. ميجيب. من اليابان. عربية. فاشلة. والسحب. زبالة. واستهلاك البنزين. ناااااارر. ولا الترلا.
لو عجباك ممكن تشتريها من عند سيارات القرش موزع معتمد
انا شايف بردو انك تصرف نظر عن العربية وكمان مافيهاش esp وإعادة البيع في الارض يعني مش حتمسك فلوس لما تبيع
دنتا لو جبت نيو سيراتو هايلاين حتقدر تبعها اسرع كتير من السوبارو وانا لحد دلوقتي مشفتها غير مرة وحدة في الشارع مع اني بنزل كتير
انت ممكن تبص على حاجة زي الاسترا كوزمو عربية ممتازة وألماني وثبات عالي وفيها esp لزيادة التوازن
ده الناس بتقول على الفلوانس و الاسترا تقال فى سعر اعاده البيع فمابالك بالسوبارو والله اعلم و رايى اصرف نظر عنها لان فيه عربيات كثير فى نفس فئه السعر افضل منها كعربيه و كقطع غيار و كاعاده بيع
اقتباس:
المشاركة الأصلية كتبت بواسطة برنس الليالي
السوبارو فيها esp
سيدي الفاضل
انا بقي هأختلاف اختلاف كلي مع الزملا الاعضاء
العربيه ياباني 100 %
العربيه ثابته عن أي عربيه فيكي يا بلد في نفس الفئه , ALL WHEEL DRIVE
لو علي سعر اعاده البيع ما ال BMW بتخسر و بتخسر أوي كمان و مع ذلك مفيش حد يقول تلت التلاته كام في حق ال BMW ولا الناس بطلت تشتريها :]
و بعدين هو انا أجيب عربيه أتكيف بيها و تريحني ولا بأدور علي اللي هيشتريها بعدي !
انا أركب و أتمتع طبعااا !
قطع غيار الكوري مش رخيصه و ما بقيتش رخيصه بل العكس بقيت HEAD TO HEAD مع الياباني و ساعات الالماني مع فارق الجوده اكيد للياباني و الاوروبي
التوكيل لا أفقه شيء لاجل الامانه من حيث الاعتماديه و بعدين من أبو غالي ل منصور يا قلبي لا تحزن
روح بنفسك و شوف قطع الغيار و الصيانات و ما تسمعشي لحد غير لما تشوف بعينيك و قارن مع الاسترا لو عاوز
ال XV شفت فيها ال ESP و لكن الامربيزا مش فاكر بس طبقا للموقع الاتنين واحد في الفرامل بس شوف بردو
عندك ABS +EBD+ Brake Assist + Brake Over ride !
الهاي لاين فيها كل حاجه تقريبا و الاعلي تزيد سقف و جلد حاجه كمان مش فاكرها
Overview | SUBARU
حاجه كمان
أدي صفحه سوبارو لمقتنيها في مصر
اسألهم و شوف رأيهم ايه الشباب متجاوبه و كان لسه فيه ايفينت في الرحاب
https://www.facebook.com/groups/4729614106/
لو هتقارن فعلا يبقي الفوكس قصاد الامبريزا لكن الاسترا مش بأقتنع بيها
و الفورد توكيلها عبد اللطيف جميل (اتسحب من فكري جروب خلاص) اتقل و شوف كده و بالتوفيق
اقتباس:
المشاركة الأصلية كتبت بواسطة kareem.elaraby
العربية طبعا لا غبار عليها كعربية
بس انت لما بتشتري عربية بتشتري معاها وكيل و قطع غيار
يعني لو العربية كويسة و الوكيل وحش و قطع الغيار مش موجودة تبقى العربية في المجمل مش كويسة
في نقطة تانية .. اعادة البيع حاجة مهمة .. انا بركب فعلا علشان نفسي مش علشان الناس .. وعلشان نفسي ما انا هبقى عايز اغير بعد سنتين ولا تلاته ولا خمسة .. ساعتها مش ها اعرف اركب عربية احسن .. اعادة البيع لازم تكون في المعقول ( مش لازم كوري و ما يخسرش و النظام ده بس خسارة معقولة ) .. ده غير ان في عربيات صعب اساسا تلاقيلها مشتري حتى لو هتبيع رخيص
انا عاجباني العربية جدا بس الباقي كله يخلي الواحد يقلق
اقتباس:
المشاركة الأصلية كتبت بواسطة kareem.elaraby
اقتباس:
المشاركة الأصلية كتبت بواسطة kareem.elaraby
لا يا باشا الامبريزا مافيهاش esp وياريت دليل على الكلام دا لا لقتها في اوتوماك ولا لقتها حتى في الموقع الرسمي لمصر
حتلاقيها في الـxv مش في الامبريزا وحتلاقيها في الفوكاس والاسترا وبالنسبة للفوكاس العربية تعتبر اقتصادية سعر الفانوس الامامي 1550 جنيه من التوكيل
خش شوف التقارير والمراجعات الفوكاس تفوقت ع الامبريزا في نقطة الثبات بس في حاجة مش متأكد منها ..
وهي انهم بيقولو ان الفوكاس كانت بمحرك 125 حصان تسارع للـ100 في 11.9 ثانية ودلوقتي بيقولو نزلت بمحرك 105 حصان بس وتسارع للـ100 في 15 ثانية
بس انا مش متأكد من النقطة دي بصراحة عموماً هي الاسترا افضل في الاجواء المصرية يعني منتشرة اكتر واتعرفت واكيد قطع غيارها موجودة اكتر من الامبريزا والفوكاس
وكمان اكيد اعادة البيع وعربية شيك بردو من جوا وبرا وفيها الـesp
+1 بلاش عربية تبستك وبعد كدا تضايقك وعشان كدا بقول الاسترا وبعدين احنا مش كل يوم حنجري على الـ200 عشان نجرب ثبات الفوكاس وكدااقتباس:
المشاركة الأصلية كتبت بواسطة hunting_eagle
ياباشا esp مش موجود فى العربيه لان كلها 4x4اقتباس:
المشاركة الأصلية كتبت بواسطة برنس الليالي
وبعدين السوبارو دى تعدم على العربيات كلها ثبات ده ماتور بوكسر
على فكره انا معايا استرا كوزمو وثباتها رائع بس حبيت اوضح معلومه مهمه
عليه الصلاه والسلاماقتباس:
المشاركة الأصلية كتبت بواسطة Frozen_Pain
مع كامل الاحترام لكل اراء الزملاء
اذا انت من الناس اللى بتحتفظ وبتحافظ على عربيتك يبقى توكل على الله سواء فى امبريزا او xv
تقدر تقول ان التوكيلات كلها فى مصر تعبانه بس لاحظ كده فى اخر سنتين كميه العربيات السويارو اللى اتباعت مقارنه بقبل كده وده دليل على ان ثقافه بعض الناس ابتدت تتغير وبتدفع فلوس عشان تركب مش عشان باقى الناس بيقولوا كذا
عربيات محترمه وثبات وامان ويابانى ١٠٠٪ و awd وكماليات ومحرك بوكسر وابتدت تتواجد
يعيبها اعاده البيع وده موجود حتى فى المرسيدس والبى ام ويعيبها يعض الخامات البلاستيك الداخليه المستخدمه
والله اعلم وبالتوفيق
[QUOTE=برنس الليالي;3875280531]
لا يا باشا الامبريزا مافيهاش esp وياريت دليل على الكلام دا لا لقتها في اوتوماك ولا لقتها حتى في الموقع الرسمي لمصر
هأتأكدلك و أقولك بس مبدأيا
http://www.nilemotors.net/Nile/32068...za-2013-a.html
حتلاقيها في الـxv مش في الامبريزا وحتلاقيها في الفوكاس والاسترا وبالنسبة للفوكاس العربية تعتبر اقتصادية سعر الفانوس الامامي 1550 جنيه من التوكيل
خش شوف التقارير والمراجعات الفوكاس تفوقت ع الامبريزا في نقطة الثبات بس في حاجة مش متأكد منها ..
عربيه أمامي قصاد عربيه دفع رباعي مستمر مش دفع رباعي عادي و STABLE عنها ؟!؟!
وهي انهم بيقولو ان الفوكاس كانت بمحرك 125 حصان تسارع للـ100 في 11.9 ثانية ودلوقتي بيقولو نزلت بمحرك 105 حصان بس وتسارع للـ100 في 15 ثانية
لا أفتي أخر حاجه عندي انها 125 حصان !
بس انا مش متأكد من النقطة دي بصراحة عموماً هي الاسترا افضل في الاجواء المصرية يعني منتشرة اكتر واتعرفت واكيد قطع غيارها موجودة اكتر من الامبريزا والفوكاس
سيدي الفاضل مش بالانتشار !
ما الالفا و الفيات مش منتشرين, هل ده معناه انهم زفت و الالنترا أحسن ؟!؟!
الاودي وحشه (هل نفس الانتشار بتاع الباسات مثلاا) أكيد لا؟!
وكمان اكيد اعادة البيع وعربية شيك بردو من جوا وبرا وفيها الـesp
منعا للمجادلات بس عاوز أعرف هل انت شوفت المستعمل بتاعها ولا لمجرد انها منتشره فتبقي أحسن ؟!
علي العموم لو علي دخلت كونتاكت هتلاقي أسترا 2013 بالعبيط مستعمل بيع و أكبر عداد
20000
مش ده INDICATION غريب شويه ؟!؟!
لا يا باشا الامبريزا مافيهاش esp وياريت دليل على الكلام دا لا لقتها في اوتوماك ولا لقتها حتى في الموقع الرسمي لمصر
موجود في كله باشا و ده كلام الصفحه الرسميه بتاعتهم كمان
:]
عربية شكلها مش عاجبنى -اعادة البيع مسالة مهمة-قطع الغيار لا غنى عنها
طالما قررت تجيب العربيه يبقى انت عارف بتعمل ايه و ان شاء الله مش هتندم.
انا كنت جايب عربيتي في 2007 من ابو غالي روكسي و ايامها اشهر موزع للسوبارو غير الوكيل كان "عبد الهادي"
السوبارو اكيد عربيه محترمه
يكفي انها ياباني اصلي مش من المضروب
ودفع رباعي مش موتور يتسقط في الحوض وكوبلنين ودومتم
لكن المبلغ اللي هايندفع مش قليل
وفي بلد زي مصر اي حد بيحسب كل حاجه مكسب وخساره
لاءن مفيش حاجه فيها بتيجي بالساهل
فكركويس
وشوف مصلحتك فين واماكانياتك والشيء اللي يناسبها
بص ياباشا انا معايا السوبارو موديل ١٩٩٨ وبجيب حجات كتير ليها من التوكيل مفيش مره طلبت حاجه و ملقتهاش مش معنى كده ان ده مش ممكن يحصل لا ممكن وخصوصا الموديلات الحديثه بس ده فى الاول بس وبعد كده الحاجه بتتوفر وده حال اى عربيه جديدهاقتباس:
المشاركة الأصلية كتبت بواسطة Frozen_Pain
بالنسبه للاسعار بتاعت قطع الغيار فى المستوى العادى لليابانى ان لم تكن اقل فى بعض الاشياء يعنى مثلا الفانوس الامامى لموديل ٢٠١٣ ب ٢٥٠٠ اسال كده على عربيات تانيه يابانى او كورى وشوف الاسعار غير كده انا ممكن اركب قطعه غيار غاليه تقعد عشر سنين احسن ما اجبها رخيصه واغيرها كل سنه وده عن تجربه مش مجرد كلام
نيجى بقه للصيانه التوكيل منظم جدا و محترمين فى التعامل ولو عندك مشكله بترجعلهم و يحلوها ممكن يكون فى ناس حصلها مشاكل مع التوكيل بس ده عادى وبيحصل فى اى توكيل لكن فى راي الشخصي ومن خلال التعامل هو توكيل محترم
بالنسبه لموضوع الESP فى نظام اسمه ESC estability system control وده زى الESP و بينزل فى العربيات باسامى مختلفه بس بيقوم بنفس الدور تقريبا وموجود فى الامبريزا و اسمه VDC vehicle dynamic control
بمنتهى الامانه العربيه لما تقارن المميزات الى انت واخدها بالسعر اللى انت دافعه حتحس انك كسبان وطبعا انا بتكلم بالنسبه لمعايير السوق المصري يعنى عربيه يابانى ١٠٠ ١٠٠ اول ويل درايف ٨ اير باج وفرش جلد و فتحة سقف جنوط ١٦ وسيفتى عالى ب ١٨٥٠٠٠
عيوب العربيه ان قليلين الى بيشتغلو فيها بره التوكيل بس معتقدش واحد جايب عربيه بالمبلغ ده ممكن يخلى ميكانيكى يلعب فيها وبعدين انت لو صلحت فى التوكيل بيكون فى ضمان على الصيانه يعنى لو حصل حاجه ترجعلهم تانى
سعر اعاده البيع على سبيل المثال موديل ٢٠٠٩ الى عامله ٥٠٠٠٠ بتتباع ب ١١٠٠٠٠ ده لو حاله كويسه فى حين انها زيرو كانت عامله ١٤٥٠٠٠
كل العربيات بتخسر ممكن السوبارو تكون بتخسر اكتر شويه بس ده مش انعكاس انها عربيه وحشه والدليل ان قليل لما تشوف حد بيبعها
انا مره وقفت واحد معاه موديل ٢٠٠٥ وبساله لو يبيع قالى انا عايز بس مش قادر افرط فيها
وبعدين انا واثق انك لو جبت اى عربيه اىان كانت مش حتكون عارف حتبعها امتى وبعدين السوبارو ليه زبونه وهو الى بيدور عليك مش انت الى بتدور عليه
من الاخر لو عايز تجيب عربيه خد راى الناس الى راكبنها و لو عايز تجيب حاجه تانيه برضو خد راى الناس الى راكبنها و المقارنه و القرار فى الاخر ليك انت و قبل ده كله تستخير ربنا
صديقي العزيز اولا ربنا يوفقك ان شاء الله لأختيار العربيه المناسبه ليك
حضرتك طبعا هتسمع كلام كثير من عينه انها عربيه تقيله في بيعها و قطع غيرها نار و مش هتلاقي حد يشتغل فيها و خلافه, هو ممكن يكون كلام في ظاهره صحيح بس بيعكس تقيم مش سليم في السوق المصري يعني قطع الغيار اللي هيتعب نفسه بس و يسأل عن قطع غيار الألنترا و لا السيراتو الجديده و يقارنه بأمبريزا و لا تيوتا و لا فلونس مش هيلاقي فرق كبير بالعكس يمكن يلاقي الكوري اغلى احيانا , كان في مقارنه هنا في القسم بين الأمبريزا و التيدا و اللانسر و السيفك و المزدا ثري موديل 2009 في قطع الغيار و الأمبريزا كانت ارخص من الهوندا و المزدا و اغلى من اللانسر و التيدا فموضوع سعر قطع الغيار و انك كمان تحت في اعتبارك انها معمره عن قطع الغيار الكوري او القطع المضروبه اللي ماليه السوق للمركات التانيه فده اظن نقطه لصالح العربيه مش العكس .
كمان شوف حضرتك سعر العربيه مقارنه بعربيات تانيه كوري او يباني و متقفل في تركيا و لا تايلند و لا تايون فلما تلاقي عربيه يباني 100% سعرها مقارب او يمكن ارخص للعربيات حاول حضرتك تلاقي للموضوع ده تفسير , انا شخصيا مش بلاقيله تفسير غير انها سرقه علنا , عربيه دفع رباعي فتيس عمره الأفتراضي اطول بكثييييير من معظم انواع الفتيس اللي في العربيات الموجوده في السوق حتى الأوربي منها , عوامل امان مكتمله المنطقى انك تلاقي سعرها ضعف عربيه زي الألنترا مثلا و لا السيراتو لكن المعاير المغلوطه في السوق المصري هي اللي بتخلي المعادله متمشيش كده
عن تجربه شخصيا للعربيه فبجد هي عربيه ممتازه في ادائها و ثباتها , يمكن السحب في الأول في عربيات كثير ممكن تطلع منك بس صدقني في اقل من دقيقتين هتكون معوض الفارق ده كله و معديهم و انت سايق عادي جدا مش حارق على الماتور و لا حاجه
النقطه بس اللي هنصح حضرتك بيها لو حضرتك في مقدرتك توصل ل 200 الف القي نظره على الفورد فوكاس , عربيه بردو محترمه جدا جدا و الماني 100% مش بولندي زي الأسترا - ده غير ان الأسترا من جوه ضيقه جدا مقارنه بالأمبريزا و بالوكاس - و الماتور بتعها فيه ميزه عن الأمبريزا انه اتوتوماتيك 6 نقلات الأمبريزا 4 بس لكن الأمبريزا بيتفوق انه بوكسر انجين , بس بردو الفوكاس فيها شويه اوبشنز من جوه جميله جدا جدا جدا , بصراحه العربيتين لا يعلى عليهم بس كل واحده بتتفوق على الأخرى في حاجات فحضرتك انزل شوفهم و قارن بين الأثنين
بالنسبه للوكيل انا مش هقدر احكم عليه لأني لسه جديد بس كان في أثنين زملاء هنا كان عندهم مشاكل مع الوكيل في الأمبريزا واحد فيهم الوكيل متفهامش معاه كما يجب و للاسف الموضوع وصل للمحاكم و كده و الزميل الأخر الوكيل وقف جنبه في المشكله اللي حصلت على حد تعبيره هو لغايه لما المشكله اتحلت
ان شاء الله ربنا يوفقك و تجيب عربيه كويسه , و ابقى طمنا عملت ايه
صديقي العزيز اولا ربنا يوفقك ان شاء الله لأختيار العربيه المناسبه ليك
حضرتك طبعا هتسمع كلام كثير من عينه انها عربيه تقيله في بيعها و قطع غيرها نار و مش هتلاقي حد يشتغل فيها و خلافه, هو ممكن يكون كلام في ظاهره صحيح بس بيعكس تقيم مش سليم في السوق المصري يعني قطع الغيار اللي هيتعب نفسه بس و يسأل عن قطع غيار الألنترا و لا السيراتو الجديده و يقارنه بأمبريزا و لا تيوتا و لا فلونس مش هيلاقي فرق كبير بالعكس يمكن يلاقي الكوري اغلى احيانا , كان في مقارنه هنا في القسم بين الأمبريزا و التيدا و اللانسر و السيفك و المزدا ثري موديل 2009 في قطع الغيار و الأمبريزا كانت ارخص من الهوندا و المزدا و اغلى من اللانسر و التيدا فموضوع سعر قطع الغيار و انك كمان تحت في اعتبارك انها معمره عن قطع الغيار الكوري او القطع المضروبه اللي ماليه السوق للمركات التانيه فده اظن نقطه لصالح العربيه مش العكس .
كمان شوف حضرتك سعر العربيه مقارنه بعربيات تانيه كوري او يباني و متقفل في تركيا و لا تايلند و لا تايون فلما تلاقي عربيه يباني 100% سعرها مقارب او يمكن ارخص للعربيات حاول حضرتك تلاقي للموضوع ده تفسير , انا شخصيا مش بلاقيله تفسير غير انها سرقه علنا , عربيه دفع رباعي فتيس عمره الأفتراضي اطول بكثييييير من معظم انواع الفتيس اللي في العربيات الموجوده في السوق حتى الأوربي منها , عوامل امان مكتمله المنطقى انك تلاقي سعرها ضعف عربيه زي الألنترا مثلا و لا السيراتو لكن المعاير المغلوطه في السوق المصري هي اللي بتخلي المعادله متمشيش كده
عن تجربه شخصيا للعربيه فبجد هي عربيه ممتازه في ادائها و ثباتها , يمكن السحب في الأول في عربيات كثير ممكن تطلع منك بس صدقني في اقل من دقيقتين هتكون معوض الفارق ده كله و معديهم و انت سايق عادي جدا مش حارق على الماتور و لا حاجه
النقطه بس اللي هنصح حضرتك بيها لو حضرتك في مقدرتك توصل ل 200 الف القي نظره على الفورد فوكاس , عربيه بردو محترمه جدا جدا و الماني 100% مش بولندي زي الأسترا - ده غير ان الأسترا من جوه ضيقه جدا مقارنه بالأمبريزا و بالوكاس - و الماتور بتعها فيه ميزه عن الأمبريزا انه اتوتوماتيك 6 نقلات الأمبريزا 4 بس لكن الأمبريزا بيتفوق انه بوكسر انجين , بس بردو الفوكاس فيها شويه اوبشنز من جوه جميله جدا جدا جدا , بصراحه العربيتين لا يعلى عليهم بس كل واحده بتتفوق على الأخرى في حاجات فحضرتك انزل شوفهم و قارن بين الأثنين
بالنسبه للوكيل انا مش هقدر احكم عليه لأني لسه جديد بس كان في أثنين زملاء هنا كان عندهم مشاكل مع الوكيل في الأمبريزا واحد فيهم الوكيل متفهامش معاه كما يجب و للاسف الموضوع وصل للمحاكم و كده و الزميل الأخر الوكيل وقف جنبه في المشكله اللي حصلت على حد تعبيره هو لغايه لما المشكله اتحلت
ان شاء الله ربنا يوفقك و تجيب عربيه كويسه , و ابقى طمنا عملت ايه
قبل ان تقرر الشراء ، أقرأ هذا الموضوع المثبت فى منتدى السوبارو علشان تبقى عارف التوكيل اللى هتتعامل معاه
http://www.nilemotors.net/Nile/238823-2008.html
مع احترامى ليك : اللى حضرتك بتعرضه ده تجربة فردية ... يعنى مينفعش تحكم على توكيل من تجربة فردية و تقول ( علشان تبقى عارف التوكيل اللى هتتعامل معاه)اقتباس:
المشاركة الأصلية كتبت بواسطة hazem_hazem
التوكيل من تجربتى انا و اخى بعربيتين من سنة 2004 و حتى الأن (ناس محترميين جدا , و حدث معايا مشكلة فى بلية العجل ايام الضمان و تم تغيرها بدون دفع اية رسوم نهائيا) و غير كده التعامل طوال هذه المدة محترم جدا و ده اللى شجعنا و جبنا عربية 2009 كمان .
ابو غالى توكيل محترم .. و افضل بكتيييييير من توكيلات تانية بالسوق بدون ذكر اسماء .. ادخل على الأقسام المختلفة للماركات هنا و شوف الشكاوى من توكيلاتهم و شوف نسبة كام واحد بيشتكى و كام واحد بيحكى تجارب ممتازة و انت تعرف ان توكيل ابو غالى محترم بالنسبة لتوكيلات مصر ..
و طبعا مفيش حاجة بتكون كاملة بالدنيا و كل شئ له عيوبه اكيد ( بس الدنيا نسبة و تناسب).
على فكره مفيش توكيل فى الدنيا مفيهوش مشاكل بس المهم النسبه قد ايه وزي ما اسلام قال ادخل وشوف الناس كاتبه ايه عن كل التوكيلات اذا كان سكودا او فولكس او تويوتا و غيره وقارن بالنسب الحالات هنا و هنا و رغم كده الاسكودا من اكترالعربيات مبيعااقتباس:
المشاركة الأصلية كتبت بواسطة hazem_hazem
وفعلا عن تجربه حوالى ٩ سنين توكيل سوبار يعتبر ممتاز بالنسبه للتوكيلات فى مصر ويعتبر ميزه من مميزات العربية مش عيب
وبعدين الامبريزا الجديده بقالها سنتين فى السوق سمعتلها على اى شكوى ؟