الحمد لله بقيت من ملاك الشاريد
السلام عليكم
الحمد لله بقيت من ملاك الشاريد 1992
كنت بدور علي عربيه صغيره كده امشي بيها وفي نفس الوقت تكون فيها بعض الرفاهايات بصراحه افضل حاجه لقيتها في فئه ما قبل ال 20 الف هي الشاريد . وربنا كرمني بواحده موديل 1992 مكيفه . تعتبر تاني يد من الزيرو وحالتها نوعا ماا كويسه .
انا بس طالب من اخواتي هنا شويه حاجات علشان مطولش عليكم
المروحه بتاعه التبريد شغاله مباشر مع الكونتاكت علشان الترمسوتات فيه مشكله . بكام وموجود فين في اسكندريه . وهل لو ملقيتش في اي انواع تانيه بتركب بداله ولا لاء
المساعدين الخلفي جداد بكام تقريبا . وتفضلو الاستعمال ولا لاء
الاكصدام الخلفي والامامي اسعارهم ايه تقريبا .
ايه انسب مقاس كاوتش وجنط يتفع يركبو علي العربيه
وياسلام بقي لو حد حسب قبل كده تقريبا استهلاك العربيه في الصفيحه اد ايه يقولي عشان اعرف العربيه معايا تمام ولا ايه ..
اخر حاجه بقي
العربيه بحس ان صوتها عالي شويه مع الدوسه . زي مايكون تاكيهات .هل ليها ظبطه تاكيهات معينه . ولا هي مش تاكيهات اصلا .
معلش طولت عليكو
ومستني ردكم الجميل