السايس والبلطجة , فى كل زنقة فى مصر فى سايس عايز فلوس بلطجة , ايه الحل ؟
انا عايز اعرف الحل , هل هنفضل فى البلطجة والقرف ده كتير
النهاردة ركنت عند القصر العينى الفرنساوى وانا ماشى لاقيته طالعلي يقولى..
السايس : باركن يابيه ؟
انا : باركن ايه ! انا راكن فى شارع !
السايس : لا يابا ده باركن ,,,,,,,
انا : طلعت جنيه وادتهوله علشان المشاكل .
السايس : مسك الجنيه , بص فيه , رماه فى وشى وقالى الباركن خمسة جنيه ياعم .
انا : يابنى انت تبع المستشفى ؟
السايس : لا , واخلص
انا : بلطجة يعنى ولا ايه ؟!
السايس : شخرة كبيرة , ياعم بقولك ايه,,,
انا: قبل ما يكمل الجملة , نزلت طرشمت خلقته , ورزعت راسه فى الرصيف وفتحتها ودمه ساح , والناس قالوى امشى بسرعة !!!!!
مرة واحدة لقيت قبيلة جاية من بعيد تجرى عليا من البلطجية
للاسف ركبت العربية وجريت زى الحرامى , وللاسف ما عدتش ينفع ااقف فى المكان ده تانى , ومش عارف اعمل ايه .
المهم انهم كترو جدا اى واحد وسخ مش عايز يتعب ويشتغل بيعمل بلطجى وسايس ,
عايز اعرف هو احنا هنفضل كده كتير ؟ لاشرطة بتشتغل ولا فى نظام ولا اى مظهر من مظاهر الدولة خالص ,غير الاعتقالات , طب اعتقلو دول كمان بالمرة !!!!!!!!!