الموضوع: واقع فمشكله وعايز الحل منكم

هقولك علي الحكمه
اي حاجه هتتنازل عنها في البدايه مش هتعرف تاخدها تاني
و بالنسبه للموضوع بتاعك ااصبر طالما الفلوس جايه مجتش من شهر تأخير
مبروك مقدما

القرار اللى انت وصلت ليه انك متخدش الفلوس قرار سليم جداً لكذا سبب
اول سبب ان والدك قالك متخدهومش لو كان قالك خدهم كان ماشى انما والدك اكبر منك وعنده خبره بالحياة اكتر منك ويعرف هوه بيقول كده ليه

تانى سبب ان بعد الجواز مهما كان الزوج والزوجه بيحبوا بعض بتحصل مشاكل بينهم فممكن فى اى مشكله كنوع من الغيظ فقط حد يقولك كلمه تضايقك

تالت سبب ان لسه فاضلك 5 شهور وديه فترة كويسه جداً تخلص فيها اللى باقى ليك
واحجز الفرح بعد ما تخلص الشقه ويكون فاضلك العفش بس

وألف مبروك مقدماً

صديقي المواطن
ثق وإعتقد وقولا واحدا ومهما إختلفت الطبقات اﻹجتماعية الجنيه اللي حتاخده من أهل مراتك النهارده لو سددته عشر مرات كل ما حيقابلوك حيحسسوك إنهم أصحاب فضل عليك وعند كل خناقة إحنه عملنا وإحنه سوينا مهما بلغ رقي مستواهم اﻹجتماعي قولا واحدا أرجوك لو وصلت تفسخ الخطوبة إياك تاخد منهم جنيه صدقني أنا رحت أخطب بنت وعشان محدش يكسر عيني وديت دبله وخاتم ب 8000 وهدايا بحدود 15 ألف على سنة وكتبت مؤخر 20 ألف وقايمة ب 70 ألف وإديتهم في إديهم مقدم 20 ألف وأنا جايب الشقة وفارشها وقلتلهم أي حد من إخواتك يفكر يجيب هديه حرفضها وكمان محدش من طرفهم حط شماعة بلاستك بشقتي والقايمة دي كلها تبرع مني
فإياك تطاطي
ماين وطاطي في كل حاجة إلا إنك تقبل فلوس وإوعه تصدق عبارة إحنه واحد دي عبارة عندنا نحن الشعب المصري تتقال باللسان فقط ساعة التنفيذ يقلك بصراحة أنا شفتك بس مش عارف فين
وعليه إفرض يا مواطن شاءت التقادير وضاقت بك الدنيا ومعرفتش تسد ساعتها تبتدي حياتك معاهم بكسوفة
وعليه أرجوك بلاش ومتديش لحد مسكه يمسك عليك غلطه وصدقني كل ما.تكون متمسك بالمثاليات وتتصدر في الحاجات دي حتكبر في نظرهم ويوم ميوقفوا جنبك يوقغوا جنبك بحاجة تسوى مش 30 ألف جنيه يجيبولهم 4 ساندوتشات فول وتموينتين بنزين 80

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال