الموضوع: واقع فمشكله وعايز الحل منكم

مساء الخير على أجمل واحلى صحاب فالدنيا
دلوقتي انا واقع فمشكله لا كبيرة ولا صغيرة هى رخمه اوووووى بس
انا بجهز شقتى عشان الحواز عقبال عندكم جميعاً وماشى فتشطيبها وطالع عينى المهم ان انجزت حاجات كتييييير جدا فيها وبعتمد ان يجيلى فلوس من شغلى الحر امشى بيها الشقه مع جمعيات مع مسانده الحج الجامده ليا وكله ماااشى تمام
لحد ماوقفت كل حاجه فالشقه من أسبوع عشان للأسف الفلوس خلصت ومعتمد ان شاءالله ان فى فلوس جايه اخر الشهرده كنت هكمل بيهم حاجات كتييره لان الشقه كبيرة ماشاءالله حوالى 185م

المهم فالرغى ده كله ان خطيبتى عرفت ووالدتها وعارضين عليا انى اخد فلوس منهم اكمل الحاجات دى لحد ما تيجى فلوسي واسددلهم طبعا انا اول ماعرضوا زعلت واتخنقنا جامد انا وخطيبتى وقولتلها مستحيييييل يحصل لو هموووت ووالدتها دخلت فالموضوع وبقالهم 5 ايام نازلين فدماغى زن وخناقات انى اخد الفلوس وكلام من عينه احنا واحد ولازم اقف جنبك والفلوس جايه جايه بس عشان نكسب وقت وكمل شغل فشقتك والموضوع هيفضل سر بينا وكلام من ده
علما انى صارف على الشقه لحد دلوقتي فو ق ال50 الف ولسه 30 كمان اللى هما عايزين يدهوملى بس اقسم بالله انا مش عايز اى حاجه منهم ولو عايز مكنتش جبت شبكه ب20 الف او احرمها من اى حاجة بس انا مش مقصر وهما مش عايزين يصبروا وقالبنها خناقه وزعل جااااامد والميعاد بتاع الفرح لسه 5شهور عليه وهكون خلصت وزياده كمان على حسبتى
بس انا تعبااااان ومحتار اعمل ايه اجى على كرامتى ونفسى واخد الفلوس ومزعلهمش ولا استحمل الخناقات والحساسية اللي هما عاملنها دى لان حماتى وصلت انها حلفت متكلم نى لة مخدتش الفلووس منها وخلاص مش قادر افكر اعمل ايه

ووالدى مش مقصر معايا بس خلاص مش عايز لحمل عليه واما قولتله الموضوع ده قالى ايااااااك ساعتها ولا اعرفك فهتجنن خلالاص
يا ريت تفيدونى بخبراتكم ورايكم