الموضوع: شدايه مابين Audi R8 وموتوسيكل Kawasaki دماااااااااااااااااار

الاتنين مجانين ومعاتيه وميفرقوش خالص عن اى واحد هنا حاول انه يعمل الكلام دة على اى طريق حتى لو حرير وحواليه عربيات فيها بنى ادمين عايزين يروحوا او يقضوا مشاويرهم فى امان الله
تخيل كدة لو البيكر دة وقع !!! مجرد تخيل ؟ كنا حنقول بردة راقى ونامى وحمصى وشامى ؟
السرعه فى طرق فيها مدنين وغير مخصصة للسباقات تهور وقله ادب سواء كان عربى او عجمى :)
خلص الكلام

ههههههه الاودي v10 و 600 حصان ههههههههههههههههههه كل الي اقدر اقوله من حقه يعمل اكتر من كده ما هو ما اتلطعش قدام بنذينه بالنص يوم علشان يلحق له تفويله

المشاركة الأصلية كتبت بواسطة mido_soliman

الاتنين مجانين ومعاتيه وميفرقوش خالص عن اى واحد هنا حاول انه يعمل الكلام دة على اى طريق حتى لو حرير وحواليه عربيات فيها بنى ادمين عايزين يروحوا او يقضوا مشاويرهم فى امان الله
تخيل كدة لو البيكر دة وقع !!! مجرد تخيل ؟ كنا حنقول بردة راقى ونامى وحمصى وشامى ؟
السرعه فى طرق فيها مدنين وغير مخصصة للسباقات تهور وقله ادب سواء كان عربى او عجمى :)
خلص الكلام

الرد العصبي المشحون ده بيتكلم عن حاجة مختلفة تمامًا غير اللي موجودة في الفيديو. سيبك انتا من الفيديو خالص، انتا في فكرة معينة عايز ترزعها وخلاص بغض النظر عن أي حاجة، بغض النظر عن اللي احنا شفناه واللي حكمنا عليه بإنه شيء راقي. ألفاظ مثل "مجانين ومعاتيه وقلة أدب وتهور وحمصي وشامي" متركبش خالص على الفيديو.

سيادتك ممكن تجيب فيديو تاني في ناس مجانين مش بتحترم بعضها وبتزنق على بعض ومش بتحي بعض بشكل راقي، ولازم يعملوا حادثة في الفيديو عشان تقول للناس شوفوا أخرة التهور؟ ولازم الناس اللي بتعلق على الفيديو ده تكون ساذجة وشايفها حاجة راقية، ساعتها ممكن تعرض فكرتك بشكل "راقي" بعيد عن الألفاظ اللي استخدمتها.

بخصوص العربي والعجمي، انتا بتلمح لعقدة الخواجة، ودي حاجة لا تنطبق هنا إطلاقًا، المفترض في الناس اللي عندها عقدة الخواجة اللي بتمجد الأجنبي تمجيد أعمى أن يكون عندك تطابق بين الحالتين في جميع النواحي، مع عامل واحد متغير، اللي هو عامل الجنسية، ده عربي وده أجنبي، ساعتها لو الناس فضلت العجمي تبقى عقدة خواجة فعلاً.

سيبك انتا من تخيل إن البايك وقع وحصلت حوادث، تخيل انتا لا قدر الله إن فيه اتنين اتسابقوا مع بعض في طريق فيه مدنيين، ولا قدر الله كل واحد فيهم راعى الطريق وراعى المدنيين وراعى المتسابق الآخر واحترمه، وتخيل إن محدش فيهم زنق على التاني، وتخيل لا قدر الله إن الطرق كانت وهمية، والمركبات اللي سايقينها كانت وهمية، وتخيل لو انتا حطيت فيديو عن اللي حصل واتنين مليون واحد شافوه و7 آلاف واحد أبدوا إعجابهم، وتخيل إن فيها واحد بس على الأقل من الناس دي مش ساذج ومش معجب بالتهور وقلة الأدب وبيقول عليه "رقي". طبعًا أنا بتكلم عن حاجة افتراضية غير الواقع اللي انتا اتكلمت عنه.

المشاركة الأصلية كتبت بواسطة abdelmoneem

الرد العصبي المشحون ده بيتكلم عن حاجة مختلفة تمامًا غير اللي موجودة في الفيديو. سيبك انتا من الفيديو خالص، انتا في فكرة معينة عايز ترزعها وخلاص بغض النظر عن أي حاجة، بغض النظر عن اللي احنا شفناه واللي حكمنا عليه بإنه شيء راقي. ألفاظ مثل "مجانين ومعاتيه وقلة أدب وتهور وحمصي وشامي" متركبش خالص على الفيديو.

معرفش ان فى المنتدى مخصص طبيب نفسى يحلل الكومنتات لو اعرف مكنتش كتبت الكومنت دة خالص :)
وبعدين مين قالك ان ردى عصبى ومشحون ؟ ولو فرضنا يعنى انت مالك ؟؟؟ زى مانت حكمت عليه انة راقى انا حكمت علية انة تهور وقله ادب انا حر يا اخى :)
وموضوع الفكرة اللى عايز ارزعها وخلاص اولا مسمحلكش تكلمنى بالاسلوب دة لانك متعرفنيش ولا انا اعرفك علشان تبحبحها معايا اوى كدة فى الكلام ارزع او مرزعش ميحصكش
علق فى الموضوع براحتك وملكش دعوه بتعليقات متخصكش او موجهتلكش الكلام فيها

سيادتك ممكن تجيب فيديو تاني في ناس مجانين مش بتحترم بعضها وبتزنق على بعض ومش بتحي بعض بشكل راقي، ولازم يعملوا حادثة في الفيديو عشان تقول للناس شوفوا أخرة التهور؟ ولازم الناس اللي بتعلق على الفيديو ده تكون ساذجة وشايفها حاجة راقية، ساعتها ممكن تعرض فكرتك بشكل "راقي" بعيد عن الألفاظ اللي استخدمتها.

سيادتك مين بس الاول علشان تقولى اتكلم بشكل راقى او لاء ؟ ثم ان سعادتك لتانى مره ملكش اصلا دعوه خالص باللى بيتكتب انت ليك وجهه نظرك تعبر عنها دون المساس بوجهات نظر الاخرين كلامك ليا مش مقبول من الاساس بالطريقه دى وان كان في تعليقى اسلوب غير راقى كان من باب اولى ان الادارة هى اللى تتخذ قرار بشان تعليقى دة غير كدة سعادتك كلامك كله صفر ع الشمال لا قيمه له

بخصوص العربي والعجمي، انتا بتلمح لعقدة الخواجة، ودي حاجة لا تنطبق هنا إطلاقًا، المفترض في الناس اللي عندها عقدة الخواجة اللي بتمجد الأجنبي تمجيد أعمى أن يكون عندك تطابق بين الحالتين في جميع النواحي، مع عامل واحد متغير، اللي هو عامل الجنسية، ده عربي وده أجنبي، ساعتها لو الناس فضلت العجمي تبقى عقدة خواجة فعلاً.

يا سعادة الطبيب النفسى انا مبلمحش لانى مش حخاف اقول دى عقدة خواجه وعقدة صعيدى مش عارف انت اخدت الكلام على نفسك لية او على جوه اوى كدة لية ؟؟ مع انى والله ما اعرف انك معلق فى الموضوع من الاساس ولا اعرفك انت شخصيا انت عضو جديد زى ماهو واضح يعنى ملكش اى مشاركات تذكر علشان اركز معاك

سيبك انتا من تخيل إن البايك وقع وحصلت حوادث، تخيل انتا لا قدر الله إن فيه اتنين اتسابقوا مع بعض في طريق فيه مدنيين، ولا قدر الله كل واحد فيهم راعى الطريق وراعى المدنيين وراعى المتسابق الآخر واحترمه، وتخيل إن محدش فيهم زنق على التاني، وتخيل لا قدر الله إن الطرق كانت وهمية، والمركبات اللي سايقينها كانت وهمية، وتخيل لو انتا حطيت فيديو عن اللي حصل واتنين مليون واحد شافوه و7 آلاف واحد أبدوا إعجابهم، وتخيل إن فيها واحد بس على الأقل من الناس دي مش ساذج ومش معجب بالتهور وقلة الأدب وبيقول عليه "رقي". طبعًا أنا بتكلم عن حاجة افتراضية غير الواقع اللي انتا اتكلمت عنه.

وطالما سيبك انت وبتاع طب ما تسيبك انت كمان من تعليقى وتخليك فى الوهم الجميل دة :)