الموضوع: شدايه مابين Audi R8 وموتوسيكل Kawasaki دماااااااااااااااااار

المشاركة الأصلية كتبت بواسطة mido_soliman

وطالما سيبك انت وبتاع طب ما تسيبك انت كمان من تعليقى وتخليك فى الوهم الجميل دة :)

الكلام اللي انتا قولته كله بخصوص "سيبك من تعليقي وقول رأيك وانت مالك بتعليقي" ياريت تقول الكلام ده لنفسك، حاجة غريبة جدًا! انتا مش عارف اللي كتبته؟ ولا معندكش إدراك لمعنى كلامك؟ شوف انتا كاتب ايه:

"كنا حنقول بردة راقى ونامى وحمصى وشامى"

هسألك سؤال في حد غيري اتكلم عن: "راقي ونامي"؟ الجواب طبعًا: لا، طيب، ده كده مش استخفاف دم حضرتك وتريقة غير مبررة وغير مقبولة على ردي؟ انتا تعرفني عشان تتريق على كلامي؟ ولا انتا أساسًا مش مدرك إنك بتتريق على حد؟ انتا مالك يا أخي بتعليقي، "كن هنقول راقي ونامي وحمصي وشامي؟" يا أخي أنا أقول راقي ونامي زي منا عايز، انتا ايه اللي دخلك؟ ايه اللي حشرك؟ أوعى تفتكر إن التريقة على رأيك المخالف هتخلي حجتك قوية ورأيك مسموع، بالعكس. انتا ضريت فكرتك بأسلوبك وخفك دمك غير المبررة، "السباق يكون في الحلبة مش في طرق مدنية" فكرة راقية جدًا، ياريتك كنت عرضتها بأسلوب أفضل من غير تريقة على حد.

نت عضو جديد زى ماهو واضح يعنى ملكش اى مشاركات تذكر علشان اركز معاك

يا سعادة العضو القديم، العبرة بالمضمون حتى لو المشاركات قليلة.

انت بردة مقتنع ان تعليقى كان تريقه على تعليقك اللى انا قريته من ضمن كل التعليقات اللى فى الموضوع !!!!
وهوه انا علشان قلت راقى ونامى يبقى اقصدك انت ؟؟
على فكرة المشكلة دى مشكلتك مش مشكلتى
بس لو ركزت فى سياق الموضوع والتعليقات حتلاقى ان فى اكتر من تعليق متفق على المحتوى والمضمون
تعليقى كان مخالف
واوعدك مش حجيب كلمه راقى ونامى تانى فى تعليقاتى لان واضح انك معاك صكوك ملكيتهم

يعني حسب ما فهمت من كلامك، إنك قريت كل الردود واتريقت بوجه عام، مشكلتي أنا إني خدت التريقة على نفسي لمجرد إنك اتريقت على "راقي ونامي" اللي أنا قولتهم، طيب احنا هنخرج "راقي ونامي" من الموضوع، وهعتبر نفسي مجرد واحد من الناس اللي أعجبت بالفيديو واللي سعاتاك اتريقت عليهم إجمالاً، وفي الحالة دي برضه من حقي إني أرد عليك. ولو لاحظت إني رديت عليك رد عام انتقدت فيه أسلوبك وطريقة عرضك للفكرة ساخرًا من زملائك اللي رأيهم مخالف، ومقولتش انتا مالك برأيي، بتكلمني ليه، زي منتا عملت، وللأسف سعاتك جريت الموضوع لخلاف شخصي عشان تداري خطأك واستخفافك بزملائك.

لما اكون بوجهلك كلام او بوجه لاى حد كلام
حاخد تعليقك اقتباس وارد عليه زى مانت عملت كدة وبالتالى انا رديت عليك
غير كدة انا فعلا مبعلقش على كلامك ولا ركزت فى انت كاتب ايه اصلا (دى حاجة علشان انت بس جديد لسة متعرفهاش لما تاخد الخبرة بتاعه المكان حتعرف مين بيوجهلك كلام ومين بيتكلم فى العموم)

اسمح لي، بس ده منطق عيل في ابتدائي. التريقة واضحة زي الشمس، مش عارف إزاي "عقلك" متصور إنك لو اتريقت على ناس مخالفاك في الرأي، بس محطيتش كلام حد فيهم في اقتباس يبقى مفيش حد ليه دعوة بيك ومحدش يكلمك؟! سيبوني أتريق زي منا عايز ما دام من غير اقتباس!

مجموع التعليقات ومئات الكلمات اللى كانت فيها هى اللى كونت التعليق بتاعى
وكون اية حشرنى والكلام الفاضى اللى انت قلتة دة مش حرد عليه لان انا وضحت انها مشكلتك انك اخدت الكلام على نفسك مش مشكلتى

برضه نفس النقطة الأولانية، قصدك إنك قريت كل الردود واتريقت بوجه عام على المعجبين بالفيديو وأنا اللي خدت الكلام على نفسي، اقرى نفس الرد في الفقرة الأولى.

متحطنيش ف جمله مفيدة معاك

يا أخي والله أنا حزين إني بكلمك وبتناقش معاك، بس والله أنا مضطر أرد عليك اضطرارًا، لأن الكثيرين مثلك بيفتكروا التريقة على الرأي المخالف قوة، ولو أنا سمحت لك تتريق عليا (كفرد من مجموعة) عمرك ما هتحس إنك غلطان وهتعد تتريق على خلق الله كل ما تخش موضوع ويبقى ليك رأي مخالف. السخرية عندك وزنها أكبر من أدب الخلاف.