ههههههههههههههههههههههههه هههههه وربنا دم حضرتك زي العسل .. هوة انا حاليا بمدح في الامجراند ؟؟؟
انا محايد بدافع في الحق وبهاجم في الحقيقة
وعلي فكرة انا مازلت عند رايي الامجراند حاليا فيها مشاكل كتير ومش اي حد هيشتريها وانا حاجزها وايدي علي قلبي وربنا يستر لاني حاليا مصير ولست مخير مفيش وقت لازم اشتري ومفيش بدائل ومفيش فلوس اطلع لفئة اعلي يبقي امري لله ولو قابلني مشاكل لاقدر الله هصبر للصيانات وامري لله ..
هقول لحضرتك علي موقف ..
اول امبارح راجع من الكلية وراكب ميكروباص و امجراند معدية جمبنا كنت قاعد جمب السواق وواحد جمبي فالي جمبي بيقول العربية دي خطيييييييرة انا حاجزها وهستلم قريب قلتلة هية مين الي خطيرة لا مؤاخذة قالي الامجراند قلتلة يا باشا العربية حلوة بس فيها مشاكل عندك التكييف . فبرة التانك . اللمبة بتاعة التشيك . السحب ضعيف علي ار بي ام اقل من 3 وقلتلة العيوب الشائعة فيها كلها قالي انت خوفتني منها لية قلتلة مبخوفكش دي الحقيقة وانا حاجز العربية علي فكرة وهستلم قريب قالي حاجزها وعارف مشاكلها قلتلة اة مفيش اختيارات تانية و العربية حلوة لولا التقفيل المصري ولو قابلني مشاكل لاقدر الله هستني للصيانات وامري لله بس كعربية هيكون المستقبل ليها بسبب مبيعاتها العالية ودخولها تاكسي هيوفر قطع غيار بسعر معقول وانا باصص للمستقبل مش حاليا ...
دة احنا فضلنا نتكلم ساعة علي فكرة
لو انا بمدح بقي مكنتش هقول المشاكل دي وكنت هفضل اقول دي روعة وبتاع وبس ولا اية ؟؟؟
شوف مشاركاتي حاليا لو لاقتني قلت علي حاجة واحدة بس قبل كدة وحشة وجيت دلوقتي غيرت كلامي وقلت حلوة طلعها .....
المفضلات