من فضلك يا جماعة
فية واحد صاحبي جاب عربية 2013 جديدة
وعاوز يرخصها
هل ممكن اعرف تكلفة ترخيصها كام لسنة ولو سنتين او ثلاثة
بارك الله فيكم
عرض للطباعة
من فضلك يا جماعة
فية واحد صاحبي جاب عربية 2013 جديدة
وعاوز يرخصها
هل ممكن اعرف تكلفة ترخيصها كام لسنة ولو سنتين او ثلاثة
بارك الله فيكم
السنه الواحدة ترخيص ضريبه وتأمين في حدود ٤٠٠ جنيه
ترخيص 3 سنين اوكتافيا فانتازيا .. كله على بعضه شاكب راكب من ساعه ما تخش من باب المرور لغايه ما تاخد الرخصه فى ايديك وانت مروح .. تكلفه 1200 جنيه
خلى بالك 400ج دول بدون النمر وبيان الفحص لأول مرة حتزود حوالى 150ج نمر ونموذج فحص يبقى اجمالى 550 ج تقريبآ
لآول مرة فقط وبعد كدة 400ج للسنة وبالتوفيق
انا معايا فانتازيا 2013 ولسه مرخصها من كام اسبوع دفعت ضريبة ورسوم ودمغات 850 جنيه بما فيهم رسوم لوحات جديدة ..
زائد تأمين اجباري 3 سنين 318 جنيه
زائد نمودج فحص وطفاية 10 مع انهم 3 نماذج كل واحد مكتوب عليه 2 جنيه !!!
زائد 30 مقابل 3 نماذج وطوابع نموذج واحد لكل سنة ترخيص
زائد 40 جنيه تمن الشاسيه من قطعتين اختياري ممكن ما تجيبوش بس دا مهم لتثبيت اللوح عشان ما تخرمش صاج العربية هو اصلا فتحات المسامير بتاعته مطابقة لفتحات الفابريكة اللى معمولة ف العربية (ودا ممكن تشتري منه فردة واحدة ب 20 تركبها ورا عشان لو خرم الصاج بشنيور ممكن يقطع كابلات توصيل الكهربا لقفل الشنطة )
بس خللى بالك انت مش موضح هي 1600 وللا 1400 عشان الفانتازيا لو ال tsi 1400 ضريبتها حتكون اقل كتير يعني اللى حيختلف بس ال 850 ممكن يكونوا حوالى 600 وباقي البتود ثابته
جمعهم انت بمعرفتك عشان انا مش شاطر ف الحساب :Oc_sun1[1]:
لوز اوي كدا
انا تصورت انة مبلغ اكبر من كدا