معروض عليا البدل (( بيجو 405 مع الفليشيا بتاعتي ))

السلام عليكم ورحمة الله وبركاتة

زي ماهو باين من العنوان واحد جاري عارض عليا يبادلني

أخد منه بيجو 405 وأديله الفليشيا بتاعتي

وسبب البدل اني أكبر عربيتي وهوة كمان كان جايب العربية لبنته بس هيا عاوزة عربية صغيرة وعجبتها عربيتي

البيجو مواصفاتها

فبريقة برة وجوة موديل اخر التسعينات فرنساوي كانت معوقين ولسة فاكة حظر من فترة بسيطة حالة معقولة دة بالنظركدة

عربيتي فليشيا 96 glx عاملة كيلوهات حوالي 240 الف
فبريقة جوة راشة برة نضافة كاوتش وبطارية وعفشة وموتور ممتازين
مخبوطة من الشنطة الاكصدام كان مكسور والشنطة اطبقت واتردت ع البارد منغير رش
عملت سمكرة وبوية للعربية والخبطة مش باينة
هيا حالة كويسة مفيهاش مشاكل غير معتادة وموضوعاتي كلها حوالين موبينة ومشط وحاجات بسيطة


المفروض أرد على الراجل فى أقرب وقت فكنت عاوز أعرف عربيتي لو حبيت اتمنها تعمل كام دلوقتي والبيجو كام تقريبا والفرق ممكن يكون فى حدود كام


منتظر أراء الزملاء واشكركم

اللى تعرفه احسن من اللى متعرفوش وفى الاول والاخر القرار ليك

اقتباس:

---

المشاركة الأصلية كتبت بواسطة المنسي

اللى تعرفه احسن من اللى متعرفوش وفى الاول والاخر القرار ليك

---

اشكرك يا استاذ منسي أنتا كدة زودتني حيرة على حيرتي أنا طبعا متمسك بالفليشيا وبحبها وخلاص عرفنا بعض وبنعرف نتعامل مع بعض

بس البيجو اكبر وشنطة اوسع ...... أنا محتار

انا رأيى ان البيجو 405 ممتازة جدا و مواصفاتها عالية بس انا سمعت ان مشكلتها فى غلو اسعار قطع الغيار .. حضرتك ممكن تتأكد ان كان الكلام ده مظبوط و لا لأ و ربنا يوفقك

[QUOTE=ahmedvaio;3875281849]انا رأيى ان البيجو 405 ممتازة جدا و مواصفاتها عالية بس انا سمعت ان مشكلتها فى غلو اسعار قطع الغيار .. حضرتك ممكن تتأكد ان كان الكلام ده و لا لأ و ربنا يوفقك[/QUOT البيجو لو .. لو سليمة وحالتها ممتازة !! تبقى صفقة رابحة بالنسبة لك .. لكن لامحيص عن الكشف عليها فى مركز بيجو - 250 جنية - والفرنسى أخرة 94 ورانج السعر 35 الف لو فلة وشمعة منورة .... تأكد أنها وحش فعلا وعن تجربة ... وقطع غيارها متوفرة ورخيصة بالنسبة لسيارات كتير .. الا أذا كان موتورها مش 1600 أو 2000 يبقى تبعد عنها .. لندرة قطع غيارها .وربنا يوفقك .

البيجو 405 فئة أعلى من الفيليشيا
طبعا 405 معروفة بالقوة والمتانة والثبات في السرعات مع ارتفاعها عن سطح الأرض، عربية محترمة.
بس معلوماتي البسيطة إن بيجو 405 الفرنساوي آخرها 1994 وبعد كده وجيه أباظة (مصري) وده مش فارق رهيب بس ياريت تتأكد.
تاني حاجة موتور 405 المحبب في مصر هو 1600 لأن لها موتور 2000 وده قوي وممتاز بس استهلاكه أعلى (علما بأن 1600 بيستهلك برضه بس معقول ومش موفر عشان تبقى عارف) وموتور تالت وده نادر وبلاش منه ألا وهو 1400، برضه اعرف انهي موتور لأن حضرتك بتقول إنها موافقة استيرادية!! صح؟
إنما بصفة عامة لو حضرتك حابب تكبر العربية اللي معاك وتحس بفارق قوة وعزم يبقى 405 هتعجبك (بشرط الحالة الجيدة والفحص المتأني)
مقابل القوة والمتانة والحجم طبعا قطع غيارها أغلى بس معمرة برضه.
<<<كل الكلام ده باعتبار إنها 405 العادية وليست برستيج>>>
وبالتوفيق

عكس كل اللي فات
انا شايف ان الفلشيا كتكنولوجيا ومكونات وقطع غيار افضل من البيجو 405 كتير

تحياتي

نفس المأزق امامى 405 مو 94 -1600 سى سى مشدوده بالكامل امامى سمكره ودوكو وميكانيكا مقابل عربيتى فليشيا 2000 التى لم ارى منها تقصير قط بل بتشم البنزين - حتى مش عارف الاسعار هتكون ازاى فى العربيتين لكن محتار -حد يقطع علينا الحيره دى مع العلم بان العربيه لو كبيره وعزمها قوى مطلوبه معايا
بشرط احس بانه تم اضافة شىء بعد الفليشيا

http://www.nilemotors.net/Nile/29796-405.html كل ماتريد معرفته عن البيجو 405