ممكن مساعدة في انواع الدهانات والاسعار
روحت مع الصنايعية امبارح اشتري دهانات الوش الاخير والالوان لبيت البلد لقيتها هاتعدي ال 6000 جنيه شكيت فيهم وفي اسعارهم او يكون هايجيب حاجات عالية اوي من حيث الجودة واللي شككني اكتر الحاحهم المستميت اني اشتري الالوان كمبيوتر وقال ايه اللون اللي اخترته بالذات اغلى الالوان ... المهم سيبتهم ومشترتش وقلت لهم انا هتصرف وهاجيبلكم الخامات بطريقتي ..... دلوقت بقى قلولي الانواع المعقولة من الدهانات النص لمعة ومن اللاكيه وياريت لو الاسعار كمان
انا كنت عاملة شقتي من سنة ونص فاكرة ان الدهانات كانت سايبس نص لمعة وكويسة في الغسيل وفي ثبات اللون
بس مش عارفة هل هي نفس سايبس اللي كنت هاشتريها امبارح ولا بتاع امبارح كان نوع اعلى في الجودة بس الجردل كان شكله مختلف
