سلام عليكم
ياجماعة سمعت انى فيه مول اسمه سيتى سكيب فى اكتوبر
المول ده حلو قوى للاطفال بيقولوا عند شرطة النجدة
حد يعرف فين المول ده وفى الحى الكام وياترى فيه باركنج ولا لا
وياريت لو حد راحه يقولنا ايه الاخبار هناك
عرض للطباعة
سلام عليكم
ياجماعة سمعت انى فيه مول اسمه سيتى سكيب فى اكتوبر
المول ده حلو قوى للاطفال بيقولوا عند شرطة النجدة
حد يعرف فين المول ده وفى الحى الكام وياترى فيه باركنج ولا لا
وياريت لو حد راحه يقولنا ايه الاخبار هناك
لو حضرتك من اكتوبر
لو انت جاى من الحصرى حتعدى ميدان الحصرى وتفضل ماشى طوالى لحد الميدان اللى بعدة وتدخل يمين حتلاقيه فى اخر الشارع على ايدك الشمال وحيبقى فى المنطقة دى بردة فى ميدان تانى فى اخر الشارع
ايوة المول فى بارك للسيارات
نظام المول انا معرفوش لانى مرحتوش غير مرة يمكن اول ما فتح وبيتهيالى اكيد اتغير واكيد فى محلات كتير فتحت كل اللى اعرفة
انة فية مجموعه كافيهات
وصاله تزحلق للاطفال
وسينمات
وف اخر دور فى فيديو جيم للاطفال بردة
وفى فرع لسبينس موجود فيه بردة بس صغير جدا عن اللى فى مول العرب
الثالث
بعد الحصرى على المحور الخدمى مش المركزى
الاطفال هناك اللى اعرفه
تأجير حصان لعبة بس حجم كبير وتزحلق جليد
وفيه سينما وسبينس
انتا مش اول ما تخش اكتوبر هتلاقي النادي على يمينك اول ما يبقى النادي على يمينك امشي على طول هتلاقي صنية. صنيتين. التالته على طول سيتي اسكيب عندها ولا تسئل ولا تحتار ولا يمين ولا شمال بس ده سنتر صغير او مول بي بي كده مش يعني واااااو. قوي بس سبحان الله واخد صيت قوي ومسمع في المنطقه
وممكن كمان تخلي النادي على يمينك وتمشي على طول وعد بالزبط يا باشا خمس مطبات. هو بالزبط بعد خامس مطب ب ١٠٠ متر
معلش يايارس اصل موضوع الباركنج ده عاملى عقدة
هل المول ده فيه باركنج وامان زى مول العرب كده ولا هاركن فى الشارع
وياترى فى ايه مميز كده للاطفال
لو جاى من بعيد بلاش
يبقى حاجة قربك ماشى
لو قريب يبقى تمام
فيه خروجة تانية عن حاجة اسمها القرية الكونية عند مدرسة المتفوقين ورا حى الاشجار
دى فيها مجسم لكل اثار مصر
ممكن تشوف تليفونها
اعتقد تبقى خروجة كويسة معاها