الموضوع: مقارنه قويه بين تويوتا كرولا 2014 و رينو فلوانس 2014

فيه موضوع ظريف جدا لواحد اشتري كورولا بعد الرينو الفلوانس وكاتب انطباعه عن العربيتين ياريت كل واحد عايز مقارنه بين الاتنين يشوف الموضوع ده . ود الرابط
http://www.nilemotors.net/Nile/359204-a.html

المشاركة الأصلية كتبت بواسطة abo assal

الله يبارك فيكم جميعا وشكرا علي الكلام الجميل العربيه لونها فيراني جميل جدا وسعرها 169500 وانا جبتها باسعر الرسمي بدون حجز حوالي 10 ايام واستلمت وجبتها من توكيل رينو الغربيه عشان انا من المحله انت طبعا عارف انطباعي عن العربيه فخامه وشياكه واحساس انك راكب عربيه حلوه والناس كلها بتبص عليها احساس حلو جدا .العربيه فعلا عاليه ومحكتش في ولا مطب والحمد لله وخصوصا ان مطبات المحله عاليه .لكن فيه حاجتين عايز اسال عليهم . العربيه في الطلعه بتتاخر كأن دواسه البنزين مبتستجيبش لحظه وبعد كده بتجمع كويس جدا معرفش ده عيب ولا عشان لسه ملينتش .. الحاجه التانيه فلاشه الكاسيت بتهنج جامد جدا والاغاني مشتغلتش كويس غير لما سجلتها علي اسكوانه وبنظام اوديو وطبعا الفلاشه بالطريقه دي عاوزه حوالي 100 اسطوانه عشان تكفي ... برده ده طبيعي ولا ايه ... شكرا واسف للاطاله .(انت اللي عرضت خدماتك)

أنا تحت أمرك فى أى وقت ... الطلعة بتاعة ال cvt طلعته بتتأخر جزء من الثانية وعشان تاخد عليها محتاج من الثبات دوسة جامدة على الدواسة هتستجيب معاك وشيل رجلك مرة واحدة وبعد كدة امشى عادى أنا فالأول استغربته جدا بس أما خدت عليه مخذلنيش ولا مرة
بالنسبة للفلاشة أنا ماستعملتهاش عشان بشغل من البلوتوث من الموبايل أو الراديو أو وصلة aux من الموبايل بردو مجربتش الفلاشة لكن جرب غير الفلاشة ممكن يكون فيها حاجة وحط عليها فايلات الميديا بس متملهاش عالآخر وشوف كدة أصل صعب يكون من الكاسيت الصراحة ولو فى اى استفسار تانى أعرف اجابته انا تحت أمرك وألف مليون مبروك ربنا يجعلها وش السعد عليك

المشاركة الأصلية كتبت بواسطة ramymechanics

أنا تحت أمرك فى أى وقت ... الطلعة بتاعة ال cvt طلعته بتتأخر جزء من الثانية وعشان تاخد عليها محتاج من الثبات دوسة جامدة على الدواسة هتستجيب معاك وشيل رجلك مرة واحدة وبعد كدة امشى عادى أنا فالأول استغربته جدا بس أما خدت عليه مخذلنيش ولا مرة
بالنسبة للفلاشة أنا ماستعملتهاش عشان بشغل من البلوتوث من الموبايل أو الراديو أو وصلة aux من الموبايل بردو مجربتش الفلاشة لكن جرب غير الفلاشة ممكن يكون فيها حاجة وحط عليها فايلات الميديا بس متملهاش عالآخر وشوف كدة أصل صعب يكون من الكاسيت الصراحة ولو فى اى استفسار تانى أعرف اجابته انا تحت أمرك وألف مليون مبروك ربنا يجعلها وش السعد عليك

انا جربت الطريقه دي ونفعت بس عاوزه شويه تعويد (شكرا)

المشاركة الأصلية كتبت بواسطة abo assal

انا جربت الطريقه دي ونفعت بس عاوزه شويه تعويد (شكرا)

يا باشا العفو أنت تؤمر فى أى وقت مش هتأخر عليك ان شاء الله

بس مش معايا ان الكورولا افضل في البيع بعد كده من الفلوانس؟

ارجو تحديد الفروق بين الفئة الثالثة و الرابعة و الخامسة للرينو فلونس ومشكوريين مقدما

انا عن نفسى هختار التويوتا مبدأيا موتور صعب يتعب
و بيستحمل و من اكتر المواتير تحمل زى الميتسوبيشى