أخوكم شاري لانوس جديد ومحتاج المشوره فسمكره ودوكو

**arabsniper** · 13-11-2013 02:24 PM

وفقنى الله واشتريت لانوس 2006 كامله مانيوال من واحد صديق كانت بتاعته من الزيرو لكن الساره تحتاج الي سمكره خفيفه من الخارج ورش حزام نضافهاروح فين ياجماعه خصوصا انى خايف من فك فرش ابواب السيارات عند سمكرى وحش يكسر ليا الفبر والكلبسات ويشوهلى فرش العربيه شورو عليا ياجماعه جزاكم الله خير واللى يعرف سمكرى وبتاع دوكو كويس يقولى انا ساكن فى جسر السويس

**arabsniper** · 13-11-2013 05:13 PM

43 قراءه للموضوع ولا ردود

أين خبراء اللانوس

**Mohamed Shokry** · 13-11-2013 06:57 PM

اخي الفاضل
كان نفسي افيدك باكتر من مكان بس انت في القاهرة و انا في الاسماعيلية
و لكن من قرأتي في المنتدي في ناس كتير هنا بيتعاملوا مع مركز اسمة نايل موتورز لدهان و تجديد السيارات في القاهرة و بيشكروا فية
دي الصفحة بتاعتة علي الفيس https://www.facebook.com/groups/295578580457513/
اما بخصوص فك فرش الابواب فدة اسهل حاجة يا راجل دة انا كل يومين انزل افك الفرش مش تقولي سمكري
هتلاقي هنا مواضيع في المنتدي عن فك معظم اجزاء السيارة و بالصور و الفيديو احياناً

**mado_xxx** · 13-11-2013 07:35 PM

اف مبروك ياباش
ممكن تقولى سعرها كام
لانى برضه بدور على لانوس كاملة مانيوال

**MMamdouh** · 14-11-2013 01:17 AM

شوف ورشة نايل موتورز

MMamdouh

**arabsniper** · 15-11-2013 12:54 PM

فى حد رش العربيه كلها فنايل موتورز يقدر يقولنا التكلفه كام !!

**mhopa2440** · 15-11-2013 02:33 PM

شوف على حسب السمكرة اللي عندك هتكون التكلفة

بس لو السمكرة رفارف وابواب نصيحة روح اعملها عند مركز يكون عنده جهاز شفط بيكون افضل مليون الف من اي سمكري على الاقل لا في فك ولاتخبيط هو تظبيط بسيط جدا بعد الجهاز
لو السمكرة ف مكان ف عظم او حرف باب او رفرف يبقى سمكري عادي

طيب الدهان على حسب التكلفة اللي انت عاملها للموضوع
بس لو هترش من غير السقف على الاقل 1500 ج بس بتكون بوهية نوعها سيئ بصراحة لو حبيت ترش اسكينز وبطانة اووميجا هتتكلم في 3000 الى 3500

وروح مركز نايل موتور ف الحرفيين اسئل استاذ طارق عن العنوان والتفاصيل وبيكون قريب جدا جدا جدا ليك حتى تقدر تبص على العربية يوميا
اها المركز بيعمل سمكرة لو مش هتروح الجهاز شفط روح نايل موتورز يخلص كل شئ ليك

بس اوعى تنسى تصور العربية قبل اي شغل وتصورها بعد كدا وتكتب لينا تقرير مفصل على الملاحظات عشان نقدر نستيفد ولو ف حاجة نخلي ورشة نايل موتور تظبط الامور او ملاحظاتك

بالتوفيق ان شاء الله