انا متجوز من على النت و طلعوا ناس زي الفل و عادي ماجواز الصالونات زي النت زي البطيخه لما تفتحها حتعرفها
عرض للطباعة
انا متجوز من على النت و طلعوا ناس زي الفل و عادي ماجواز الصالونات زي النت زي البطيخه لما تفتحها حتعرفها
بعد عشرين ستة هيبقى جواز النت عامل زي جواز الصالونات دلوقتي
و لعد عشرين ليه .. هم عشر سنين كويسين
:)
صاحبى اتجوز واحدة عرفها من على الفيس و قابلها و الموضوع مشى و اتجوزوا الشهر اللى فات
صاحبى اجوز من عالنت من 4 سنين و مبسوط و عنده ولد وبنت وانا كمان بدخل و ادور بس لسه مالقيتش الى يناسبنى .. من الاخر الى بتستخدم النت هى اختك او قريبتك او جارتك المهم بتستخدمه ازاى و فى ايه
النت اصبح بديل عن الشارع وحتى الكافيه وخلافه.الدايره زمان كانت تشمل الجيران والحبايب والصحاب كلنا كنا بنقف في الشارع في الحاره عالناصيه جنب السينما في الملاهي عالكورنيش الخ....اختفى الكلام ده واستبدل اجتماعيا وفكريا وحواريا بالنت والفيس والبلوجز الخ.نعم جواز الانترنت قد يكون قسم من الاقسام النوعيه الحديثه لطريقه المصريين والعرب السائده في الزواج الا وهو زواج الصالونات العظيم اللي اغلبيتنا من ضحاياه هاهاها
النت ممكن يكون وسيله جيده لجس النبض من الشاب للفتاه
بمعنى يعرف شيى بسيط عن طريقه تفكيرها المبدأيه....... توجهاتها....... اهتمامتها متوافقه معاه ولا لا
ولكن ده كله بشرط اساسى وهااااااااااام جداااااا
انها متعرفش انه بيفكر فى الجواز منها لانها لو عرفت يبقى انسى بقى كل الكلام اللى فات ده
وفى كل الاحوال سواء شوفتها على الانترنت او فى الشارع او صالونات عندك فترة الخطوبة طول فيها على اد متقدر علشان كل مالفترة بتطول الاقنعة بتقع والاصول والاخلاق الحقيقية بتبان من الطرفين
لكن الناس بتاخد الخطوبة فى مصر انها فترة تجهيز الشقة مش دراسة الاخلاق
انا ارتبطت ارتباطات جاده كتير من على النت ومن على الفيس تحديدآ كان اكتر
بس للاسف كان بتخلص على مافيش مناقاشات حاده
تعالى الاهل فى طلبات الزواج
ومش كل البنات اللى شوفتهم كانو كويسين
مش هتقيد واقول ان النت وحش والتعارف عليه مش كويس لان اللى هشوفهم على النت ممكن اشوفهم فى مكان تانى غيره
بس الفكره كلها ان الانترنت بيكون التعارف فيه اكتر واسهل واسرع فاللى ممكن ما تشوفهوش فى الشارع تلاقيه على النت
بمعنى تانى ان النت موجود فيه الكويس والوحش بس انتا ممكن تقابل الوحش اكتر لانك بتجرب مش داخل تدور على حاجه معينه وموصفات معينه
مثال
جواز الصالونات بتطلب موصفات معينه وبيجيلك على اساسها اللى انتا طلبتها وممكن برضه يطلع عيب
الانترنت بتطلب موصفات لو مواقع جواز وانتا ونصيبك
على الفيس بطيخه قارعه بمعنى الكلمة اولآ انتا مش بتطلب حاجه
والفكره فى الاول انك بتكون صداقه وما تعرفش اللى بتكلمها ظروفها ايه ولا عقليتها ايه ولا اى حاجه عنها غير اللى بتأخده منها هى بس وما بتكنش تعرف اهلها ولا تعرفها الا فى خطوه متقدمه
تانى حاجه اعتراضى حاليآ للتعارف على الانترنت بقى اعلى من الاول
الاول كنت بجرب وبقول اشوف نصيبى
دلوقتى اكتشفت انه ما ينفعش
اولآ هتقابل ناس مش مناسبة تمامآ وممكن تكون علقت نفسك ودخلت فى مرحلة حرجه مافيش فيها رجوع
تانى حاجه هتضيع وقت على ما توصل لهدفك يعنى نزول وخروج وصرف وممكن فى الاخر يطلع بلح
تانى حاجه ثقتك فى اللى قدامك عامله ازاى مسلم امرك ولا عارف انتا بتدوس فين