الموضوع: زيت فتيس ويرا مانيوال

المشاركة الأصلية كتبت بواسطة d . A .\ ayman

زيوت شل كويسة ... بس لازم من بنزينة نضيفة عشان فيه منها مضروب كتير

درجة لزوجته لعربياتك 80 - 90 ...

وليست 120 - 130 وإوعى تحط اللزوجة دي لأنها غير مناسبة لعربياتنا

طبعا الكلام ده لو منوال

لو أتوماتيك يبقى ليه قصة تانية وما أنصحش غير بزيوت زي الوولف أو فالفولين لأنهم مستوردين بالكامل وزيت الأتوماتيك الغلطة فيه بفتيس وماينفعش أشجع المنتج الوطني فيه إلا لو واثق فيه 100 %


زيوت وولف .. كل اللى جربوها قالوا عنها كويسة وليهم موضوع إعلاني هنا في المنتدى في قسم الزيوت ممكن تسألهم عن فروعهم موجودة فين وعندهم فنيين ممتازين

فالفولين ... برضه أعضاء كتر قالو عنه كويس وليهم فرع في الرحاب ... أكتر من كدة ما أعرفش

كل ده عن سمع من باقي الأعضاء الكرام هنا في المنتدى .. لكن فعليا ما جربتش غير شل وممتاز معايا مافيش منه مشاكل الحمد لله ف الفتيس المانوال

شكرا يا استاذي انا عربيتي مانيوال انا بستعمل شيل بقالي سنه وهي بنزينه واحده اللي بتعامل معاها في الشيخ زايد .. هسألهم لو عندهم زيوت للفتيس وشكرا للمعلومه