استشارة فى بيع شقة عليها شيكات
اخويا عنده شقة فى مدينتى ونتيجة للظروف حيبعها
والشخص اللى عايز يشتريها حيشتريها بعقد وكالة
لان نقل الملكية فى الشركة بيتكلف حوالى 30 الف جنيه :no2:
طبعا شقق مدينتى عليها اقساط بشيكات للشركة
والشيكات دى حتفضل باسم اخويا لان مينفعش الشيكات تكون باسم حد تانى غير صاحب الشقة
السمسار بيقولنا عادى وكله بيبيع كده...قلتله طيب ولو المالك الجديد مدفعش الشيكات خاصة انه حيكون استلم
قالى تقدم طلب للشركة تسحب الوحدة والفلوس اللى ترجعها الشركة بعد الخصم ترجع للمالك الجديد لانه هو اللى تقاسع عن الدفع...وقالى طبعا يستحيل مالك الشقة الجديد يعمل فى نفسه كده
وانه يعنى هو اللى حيبقى خايف مش انت
ايه رايكم؟
اخويا محتاج يبيع لان الدنيا واقفة وطبعا حتتباع بسعرها اللى شاريه بيها من 4 سنين