تجربة شراء سيارة مستعملة

**abohend** · 13-11-2013 08:03 PM

السلام عليكم و رحمة الله
انقل ليكم تجربتي لعل حد يستفاج منها فيما بعد و يمكن المناقشة تفيدني و تفيد جميع اﻷعضاء
البداية
إعلان على إحدى مواقع النت سيارة بيكانتو 2010 1100cc
فابريقا بره و جوه
كاملة ...سنتر زجاج أمامي كهرباء تكييف كايت سي دي باور إنذار
المطلوب 62 ألف
استبن لم يستخدم- 35000 كم-صيانة بالتوكيل

في البداية والدي ربنا يحفظه هو اللي راح شافها و هو مالوش فالعربيات أوي و سايق شاهين من 2002 و قبلها 132 فيات..يعني أي عربية حديثة هتبقى بالنسبة له ناعمة و فراملها ممتازة

المهم هو راح شافها و قالي مبدئيا العربية عاجباني و هجيب ميكانيكي يبص عليها و خلاص
أنا رفضت و قلتله ﻷ لازم نروح التوكيل (من واقع خبرتي مع الميكانيكية مع ال206 أكتشفت أنهم مبيفهم ش حاجة)
قابلت الراجل تاني يوم بعد محجزت فحص فالشركة العالمية بالتليفون (توكيل كيا و رينو) بحجر النواتية عند الترعة
شفت العربية من برا على السريع مفيهاش غير خدوش بسيطة جدا زي مالراجل قال و حتة بسيطة عند الفانوس الخلفي شمال واخدة فرشاة..سألته عليها و قالي ده مش رش و لا حاجة دي مجرد لون
بعدها سيبناها للتوكيل عشان يفحص قالينا تعالوا كمان ساعتين
المهم رجعنا بعد ساعتين كانت العربية خلصانة..دفعت 330 جنيه

التقرير جاء كالتالي
يلزم تغيير سكاترا
4 جنوط
طقم دبرياج
كبل دبرياج
ترصيص
يوجد تسريب زيت و لكن لا نستطيع تحديد سببه ....لازم تكشف فالعامرية
السمكرة و الدوكو برضه لازم تكشف فالعامرية لكن لا يوجد شئ واضح
الكهرباء تمام

طبعا صاحب العربية قعد يقولي دول بيهولوا و التوكيل دايما كده
خدت العربية و ركبت معاه...بس لﻷسف مكنش في مكان أجري أخري 90
الدبرياج تقيل أوي و لازم تكبس البدال لﻵخر
الفرامل جيدة لكن ال206 أفضل
صوت الموتور واطي
مشيت فأماكن وعرة بعض الشئ لم أسمع أي صوت من العفشة
المهم قلت للراجل تمام بس 61 ألف كتير عليها
صمم على الرقم
قلتله بينا تليفونات
دخلت لمهندس الصيانة فالتوكيل و سألته عن رأيه عن العربية ككل و عن السعرالمطلوب فيها
قالي آخرها 56 ألف
قلتله إزاي عربية بقالها 35 ألف كيلو بس فيها كل المشاكل دي قالي سوء استخدام
المهم إعتذرت لصاحب العربية و تراجعت عن الشراء و لبست 330 جنيه غير المشوار
ايه رأيكم هل تصرفت التصرف السليم و لا العربية كانت فرصة كويسة
و هل فعلا التوكيل بيهول
و هل في أماكن فحص محترمة فاﻷسكندرية الواحد يروحها أرخص من التوكيل و موضوعية في فحصها
برجاء آراءكم و مقترحاتكم و تقييمكم للتجربة

**FAR!D** · 14-11-2013 01:31 AM

لأ طبعا انت صح واوي كمان معلش اعذر الحاج مكانش على ايامه توكيلات وانا مش بتريأ عندي منه ومعاه 128 و تخيل النوبيرا بالنسباله تبقى ايه....ربنا يخليهم لينا جميعا

**abohend** · 14-11-2013 02:56 AM

المشاركة الأصلية كتبت بواسطة أسامه طياره

كان معايا بيجو 307 كان في حملة فحص مجاني في رمضان اللي فات لا اللي قبليه في توكيل الصحراوي والعربيه كانت معايا زي الفل قولت مش هخسر حاجه لما اكشف عليها والله العظيم طلعولي ورقة الفحص مفيهاش مكان فاضي من كتر كتابة الاعطال والعيوب لدرجه قفلت من العربيه وقالولي محتاجه 22 الف طلعت من التوكيل عملت اعلان عالنت وبعتها في ظرف اسبوع .. ورجعت ندمت الصراحه .. توكيل الكيا متعاملتش معاه لكن على حد كلام الناس دايما واللي انا شوفته مع توكيل بيجو التهويل لا حدود له :(

ده مربط الفرس
لو كل التوكيلات بتهول يبقى الفحص زي قلته..فلوس على الفاضي
و في نفس الوقت الواحد خايف يعتمد على ميكانيكي يدخلني فحيطة و اشرب عربية تعبانة
لو في مكان فحص الواحد يعتمد عليه أكيد هيبقى أرخص و معندوش تهويل التوكيلات و تقييمه موضوعي الواحد يبني على أساسه قرار
يارب يكون في مكان كده فأسكندرية
يابخت إخواتنا القاهريين عندهم بدل المكان عشرة..اللهم لا حسد

**abohend** · 17-11-2013 12:27 AM

المشاركة الأصلية كتبت بواسطة hema60

انت تمام بس اللي انت عايزة نادر جدا الا في حالة الزيرو وربنا يوفقق في عربية أفضل

كلية التربية الرياضية - جامعة بنها

معنى كده إني صعب ألاقي مستعمل مش محتاج مصاريف
وبعدين الموضوع لو اسطوانة و اسكترا يبقى مقدور عليه
ن تسريب زيت الموتور ده اللي موضوع...مش شايف أني طالب المستحيل
بية مستعملة إستعمال نضيف...أنا معاك أن الفرص بتتخطف بسرعة
بس ده مش معناه أني أجيب عربية تعبانة أو أن مفيش حل غير الزيرو