إختلاف مواصفات الكاوتش الامامى والخلفى

**D . a .\ AYMAN** · 21-09-2008 02:30 PM

المشاركة الأصلية كتبت بواسطة mohsen

طلعنا الفردتين الهانكوك ادام والمشكلة اتحلت تماما والعربية بقت متزنة وكله تمام
وشكرا لكم جميعا

كدا إحتمال يكون الفردتين دول فيهم فيهم عيب أصلا وكان باين قدام لكن لما ركبتهم ورا العيب مابقاش باين عشان العجل اللى ورا محكوم أكتر بالعفشة الخلفية اللى مافيهاش مقصات ولا اسكاترا ولا علبة الدركسيون

انا كان عندي مرة جنطين ملووحين وكانوا عاملين قلبان في العربية كلها ولما ركبتهم ورا ولا كأنهم فيهم حاجة

**mohsen** · 21-09-2008 02:44 PM

المشاركة الأصلية كتبت بواسطة NYSMA

كدا إحتمال يكون الفردتين دول فيهم فيهم عيب أصلا وكان باين قدام لكن لما ركبتهم ورا العيب مابقاش باين عشان العجل اللى ورا محكوم أكتر بالعفشة الخلفية اللى مافيهاش مقصات ولا اسكاترا ولا علبة الدركسيون

انا كان عندي مرة جنطين ملووحين وكانوا عاملين قلبان في العربية كلها ولما ركبتهم ورا ولا كأنهم فيهم حاجة

تمام كده الفردتين ال جى تى الجداد الى تاريخ الصنع بتاعهم 2008
بايظين (كده مبقاش فى ثقة فى حاجة) ومش معنى ان قطعة الغيار جديدة انها سليمة

**MMamdouh** · 21-09-2008 02:51 PM

يا جدعان فى حاجة اسمها تليين الكااااااااوتش

اول ما جبت الفرد النانكانج كانت العربية اكنها فيها كاوتش مصنوع من المهلبية.... بعد حوالى 250 كيلو بقوا تمام

search google for tire break in procedures

MMamdouh

**MMamdouh** · 21-09-2008 03:19 PM

متاكد ان الهوا فيهم مضبوط؟؟

MMamdouh

**msobhy** · 22-09-2008 10:57 AM

يا جماعة عن تجربة انا استخدمت كاوتش جي تى بس فى عربيتى القديمة وكان زى الزفت واللانوس كان فيها كاوتش هانكوك وبرضو مكنش عجبنى
ولما غيرت ركبت ميشلان (انا عارف انه غالى حبتين بس بجد الغالى تمنة فيه) وفعلا حسيت انى راكب عربية تانية بالذات من حيث الثبات لأنى كنت بعانى من مشكلة انى كل لما امشى بالعربية فوق ال 100 كيلو القى الدريكسيون بيتهز شمال ويمين

**MMamdouh** · 22-09-2008 12:33 PM

انا مجرب الGT 62 الف كيلو و كان زى الفل

MMamdouh

**msobhy** · 22-09-2008 03:20 PM

مش عارف يا محمد باشا لكن فى ناس بتشكر جدا فى الgt وناس بتقول انه زى الزفت وانا تجربتى معاه فعلا كانت بشعة لكن فى واحد صاحبى بيقول انه اكيد كان متخزن تخزين غلط

**MMamdouh** · 23-09-2008 01:07 PM

احتمال..

انا الفرد اللى جبتها كانت انتاج 4 شهور قبل تاريخ شرائى ليها و لما غيرت الكاوتش من كام الشهر الراجل كان عندة كاوتش انتاج 2004 (انا الكاوتش اللى فكيتة و رميتة كان انتاج 2005)...احتمال كبير اوى التخزين كان غلط او الكاوتش تاريخ انتاجة قديم جدا

كمان راعى ان مش كل الموديلات زى بعضها.. يعنى عندك البريللى P3000 ممتاز على الميه و عن تجربة 40 الف كيلو فى حين ان البريللى P400 زبالة على المية و الاتنين بريللى

انا الGT اللى جربتة كان GT champiro 65 مقاس 185/60/14
MMamdouh

الموضوع: إختلاف مواصفات الكاوتش الامامى والخلفى

LinkBack

أدوات الموضوع

عرض

-

-

-

-

-

المواضيع المتشابهه

سؤال قى سحب العربية وانواع البيلى الامامى والخلفى

غيرت التيل الامامى والخلفى ولكن !

مامقياس نفخ الكاتش الامامى والخلفى فى سيارت التيوتا

سعر تيل الفرامل الامامى والخلفى

تجربتى مع الدفع الامامى والخلفى

الكلمات الدلالية لهذا الموضوع

المفضلات

المفضلات

ضوابط المشاركة