الموضوع: طريقة فك سربنتينة السخن دايو لانوس...بالتفاصيل والصور والشرح

تسلم ايدك يا مصطفي...
مجهود هايل , انا بقيت استني مواضيعك ياباشا .
بالنسبه للماسورتين ..
عملت اللي هقولك عليه في مانفولد الميه للفيكترا عندي
وتقريبا نفس الوضع بالضبط..
اشتريت ماسورتين المونيوه صغيرين قطرهم الداخلي زي اللي عندي
اما القطر الخارجي فاتخن شويه. رحت للخراط خليته يصفي التخانه الخارجيه
بقلم المخرطه وطرف الماسوره يعمل فيه دبله (زي الدبله اللي في ايدك الشمال)
علشان لما تركب الخرطوم في الماسوره الافيز او الكوليه يعض ع الدبله وده نفس
شغل الفابريكه وبعد كده تلحمهم المونيوم في جسم السربنتينه بدل الموجودين
. ربنا يوفقك .تقبل تحياتي.

المشاركة الأصلية كتبت بواسطة MOSTAFA . AHMED

مش لاقي حاجة اقولها غير
قال صلى الله عليه وسلم: « أحب الناس إلى الله أنفعهم للناس>>
صدق رسول الله

ربنا يباركلك ياباشا فى صحتك ومالك

المشاركة الأصلية كتبت بواسطة Ahmed.Ali

حضرتك فهمتني غلط انا سؤالي ازاي افتح السخن مع الساقع اصلا ازا كان السخن بتفتح عن طريق رفع درجه اللحراره

لا مش كدة خالص
بص ياباشا
لما انت بتشغل التكييف البارد الهوا اللى جاى من برة العربية او من جوة الصالون بيعدى على المروحة اللى انت بتتحكم فى سرعتها وبعدين بيعدى على التلاجة بتاعة الساقع وبعد كدة بيروح لفتحات التوزيع بتاعة الهوا

لما انت بتشغل السخن بس بيكون انك بتشغل المروحة بس ومن البكرة اللى هيا احمر فى ازرق بتلفها على الاحمر فدة بيخلى بوابة بتفتح على سربنتينة السخن فالهوا اللى جاى من المروحة بيعدى على السربنتينة بتاعة السخن فالهوا بيسخن وبعد كدة بيروح لفتحات التوزيع بتاعة الهوا

ودة بيكون لية السلبيات اللى انا ذكرتها

عشان كدة الطريقة المفضلة عندى وعن تجارب كتير انك تخلط هوا بارد مع هوا سخن فبلاقى درجة الحرارة دافى معتدل ومبخدش برد لما انزل من العربية والعربية مبتتكمش ولا الازاز بيشبر

لو موصلتش بشكل كامل قولى وانا اشرحهالك مدعومة بالصور

المشاركة الأصلية كتبت بواسطة فادى محمد

تسلم ايدك يا مصطفي...
مجهود هايل , انا بقيت استني مواضيعك ياباشا .
بالنسبه للماسورتين ..
عملت اللي هقولك عليه في مانفولد الميه للفيكترا عندي
وتقريبا نفس الوضع بالضبط..
اشتريت ماسورتين المونيوه صغيرين قطرهم الداخلي زي اللي عندي
اما القطر الخارجي فاتخن شويه. رحت للخراط خليته يصفي التخانه الخارجيه
بقلم المخرطه وطرف الماسوره يعمل فيه دبله (زي الدبله اللي في ايدك الشمال)
علشان لما تركب الخرطوم في الماسوره الافيز او الكوليه يعض ع الدبله وده نفس
شغل الفابريكه وبعد كده تلحمهم المونيوم في جسم السربنتينه بدل الموجودين
. ربنا يوفقك .تقبل تحياتي.

متشكر جدا ليك يا فادى
وعلى فكرة انت نبهتنى لموضوع الدبلة اللى بتكون فى نهاية الماسورة عشان الكولية ميفلتش
وكويس انى قريت المشاركة بتاعتك دى قبل ما اشترى

كدة يوم السبت هروح اجيب ماسورة المونيوم نفس القطر الداخلى لكن الخارجى هجيبة اكبر وهعمل اللى انت نبهتنى لية

جزالك الله الف خير

وعلى فكرة انا هحتاج منك معلومة هامة تانية بعيدة عن الموضوع دة بس هبقى اكلمك على الخاص

المشاركة الأصلية كتبت بواسطة Mohamed Shokry

ا/ مصطفي
رائع كالعادة
جزاك الله خير و جعلة في ميزان حسناتك

ربنا يخليك ياباشا ويكرمك

المشاركة الأصلية كتبت بواسطة friendship7897

جزاك الله خير
أولاً : أنا متابعة موضوعاتك رغم عدم جرأتي لفك أي حاجة في العربية بإيدي ، رغم إني غالباً بكون واقفة على يد الميكانيكي لعمل أي شئ .

ثانياً : أول ما قرأت موضوعك ونهايته بدعوتنا للدعاء حضرني حديث لرسول الله -صلى الله عليه وسلم-، يقول: عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم،

ربنا يجعل عطاءك دا في ميزان حسناتك وميزان حسنات والدتك ( الله يرحمها ) إن شاء الله

كدة حضرتك اصبتى كبد الحقيقة
ومش هقدر اقول ورا كلامك اى كلام تانى
ومتشكر جدا لدعائك لوالدتى

المشاركة الأصلية كتبت بواسطة broadband

مجهود اكتر من ممتاز و جزاك الله كل خير
عندى سؤال انا فى عربيتى ملغى الواير اللى بيغير من سخن الى ساقع ممكن حد يقولى ازاى طريقة توصيلهه؟؟؟؟؟؟؟؟؟ و بيتحكم فى ايه

مفش مشاكل
انا هديلك رابط بتاع موضوع انا عاملة كنت بفور فية لوحة العدادات ولوحة التكييف بالفيديو
[youtube]http://www.youtube.com/watch?v=AiaOHNniMCQ[/youtube]





وفية موضوع تانى بس بالصور
وبردو ممكن يفيدك

http://www.nilemotors.net/Nile/340764-_2-a.html