تويوتا ياريس صيانة 30 الف و اعمال صيانه
العربية موديل 2007 معايا من الزيرو -- كيلو متر قليل نظرا للعمل بالخارج لفتره - الموديل ده تحديدا كان فيه مشكله بطقم الدبرياج و لكنى حاولت اغيره اثناء الضمان و لكنهم غير مقتنعين بالمشكله و بصراحه هى كانت بسيطه و مقدور عليها بتبقى عايزه سانده بنزين فى الغيار الاول
انا روحت التوكيل اللى بتعامل معاه من فتره بالتجمع اليومين دول و عملت الاتى
1- تغيير طقم الدبرياج جديد فى التوكيل و مصنعيات و جوانات حوالى 1750ج
2- تغيير مياه رادياتير 80ج
3- تغيير جوز طنابير و تيل امامى 2255+520 السعر بالترتيب
4- تغيير سير المجموعه (الموتور) 285ج سعر السير
5- فلتر زيت 60ج
6- فلتر هواء 90ج
و عمل الصيانه الدوريه الاتيه و للامانه الناس دى بتعمل البنود الاتيه كلها لانهم فى الصيانات السابقه كانوا بيكتبوا فى التعليق بعد الصيانه المطلوب عمله فى الصيانه التاليه و الطنابير دى منبهين على تغيرها من الصيانتين السابقتين 20 و 25 الف كم .....
صيانة 30.000 كم -------------------------- 800.00 جم
تشمل الأتى:
* تغيير زيت المحرك موبيل 1 + فلتر الزيت.
*فحص و تنظيف فلتر الهواء.
* فحص دورة التبريد.
* فحص و تظبيط السيور. تم تغيير السير
* فحص و تزويد سائل تبريد المحرك. تم تغيير مياه الرادياتير مياه حمراء
* فحص و تزيد زيت الجير بوكس.
* فحص زيت الفرامل .
* فحص بدال الفرامل و فرامل اليد. تم تغيير التيل الامامى و الطنابير
* فحص دورة و غاز التكييف .
* فحص البطارية و الكاشافات و الأنوار و المساحات .
* فحص العدادات.
* تشحيم أقفال الأبواب.
* فحص زيت طلمبة الدريكسيون.
* تربيط العفشة.
*فحص و تربيط نظام التعليق الأمالى و الخلفى.
* ظبط ضغط الإطارات .
* تبديل مواضع الإطارات.
* غسيل السيارة.
