الاوراق المطلوبه لترخيص سياره جديده
انهارده الحمد الله رخصت عربيتي الجديده
طبعا كان يوم متعب من اوله و قعد من س 8 صباحا لحد س 1 لحد اما اخدت الرخصه و النمر و ركبتها
المهم هنروح بدري علشان نلحق المرور قبل الزحمه بس الاسف مش كله بيكون فتح يعني في مثلا مكتب الراجل اللي بياخد البصمه جه الساعه 9.30
المهم اول ماتروح هتروح للخزنه و تقول عايز ورق ترخيص سياره جديده و تقوله عايز تجدد كام سنه الان في ورقه بتتكرر حسب عدد السنين
ملحوظه مهمه جدا : لازم ورق العربيه اللي بناخده من الاجانس يكون مختوم بختم مرور الجيزه ال 3 ورقات
اللي هي مثلا من شركه جينرال موتورز ل منصور و الورقه التانيه من منصور للوكيل و الورقه التالته من الوكيل للشاري
و نيجيب معانا كمان ايصال البيع الي بيكون فيه ثمن العربيه كام مهم جداااااااااااااا
الورق بيكون كالاتي
ورقه خاصه بالبيئه و دي بتكون لما الراجل بيفحص بيشوف طبعا ازا كان العادم ضار ولا لأ و طبعا مش بيكشف ولا حاجه
و ورقه تانيه خاصه بالطفايه
و ورقه تانيه للمرور بتاعت التجديد و التأمين الاجباري و دي بتتكرر حسب عدد سنين التجديد
و اهم ورقه ورقه الفحص بتاعت العربيه
و دول اتكلفم تقريبا 25 جنيه او 52 جنيه مش فاكر :d طبعا بالدمغات
بعد ماناخد الورق هنروح علي الراجل بتاع البصمه علشان ناخد بصمه الموتور و الشاسيه و هياخدم بالقلم الرصاص و بعد اما نخلص البصمه
نروح نخلص ورق الطفايه طبعا لو مش معاك طفايه هتروح تجيب واحده جديده من مكتب بافاريا في المرور و كانت ب 138 جنيه و 60 قرش :d
كده خلصنا البصمه و الطفايه هنروح بعد كده نطابق البصمه و هندي للراجل ورقه الفحص و ورق السياره ال 3 جوابات
بعد مطابقه البصمه علشان يتأكد ان العربيه مش مسروقه او فيها حاجه
بناخده و نروح لبتاع الفحص طبعا العربيه حديده فهو يادوبك هيبص للعربيه و هيملاء ورق الفحص و البيئه و اتئكد ان لو عربيتك نازله بفاميه انه كتب زجاج غامق علشان تتثبت في الرخصه
بعين هنلطلع علي اي مكاتب التأمين اللي في المرور برضوا و نأمن حسب عدد السنين
و بعد كده نطلع نجيب ملف عربيه زيرو و نصور البطاقه مرتين الملف عامل 10 جنيه و صورتين البطاقه ب 2 جنيه
بعدين هنطلع علي شباك ملوش اسم :d
هتديله الدوسيه كله اللي احنا مخلصين فيه الفحص و التأمين و الطفايه و ورق العربيه و ورق ملف الزيرو
و ايصال بيع العربيه
هتاخد الورق منك و هتديك ورقتين فيهم مصاريف تجديد العربيه بتاعت المرور انا جددت 3 سنين عربيه 1500 سي سي ب 850 جنيه تقريبا
هتروح تدفع في الخزنه و ترجع تديها الوصل و هتقولك استني بقي دورك تاخد الرخصه مش هتاخد وقت و بعديها تروح تستلم النمره و تركبها
طبعا الموضوع ده انا مكنتش اعرف فيه حاجه و لفيت و دوخت لحد اما خلصت الورق الحمد الله
التكاليف الكليه تقريبا حوالي 1400 جنيه لل 3 سنين
بس لازم تكون مفضي نفسك الان الموضوع بياخد وقت شويه علي ما تخلص الرخصه و النمر
انا حبيت اكتب الموضوع الاستفاده علشان متدوخوش كتير الاني سئلك و محدش جاوبني بس عموما ربنا معاكم في تجديد العربيه الجديده و ربنا يكفيكم شرها
تحياتي