اكيد متوفر وبتاخد 4 لتر
عرض للطباعة
لتر زيت ب 200 جنيه؟:waaaht:
ده اغلى من كيلو كباب :majd(4):
يفضل يا استاذ حازم زيتها الاصلى الموصى به هو فعلا ممكن يكون غالى بس الاضمن
لى واحد معرفه راح لميكانيكى قال له فيه زيت للاوكتافيا الاوتو بتغييره ب 500 جنيه يعنى قول اللتر ب90 جنيه مكملش 3 شهور وباع العربيه لانه دخل فى مشكله كبيره بسبب الفتيس وخسر كتير قوى فى عربيته
لكن اسعار الايه فور فى الزيت والفلتر للاسف ماعندى بها علم وننتظر رأى الاخوه ملاك الايه فور
بص ياباشا انا امبارح غيرت زيت الفتيس من الهاشمية
تمن لتر الزيت الالماني 130 ج وبيتغير علي 30 الف
وتمن الفلتر الالماني 150 ج
وتمن الزيت الاماني الاصلي 175 ج وبيتغير علي 60 الف
وتمن الفلتر الاصلي 350ج
انا اشتريت الزيت الاصلي اشتريت الفلتر الالماني وغيرتهم والعربية والحمد لله تمام التمام لان حصل عندي نتشة في الفتيس بعد 30 الف كيلوا لاني مكنتش مغير الزيت الاصلي
انا عندى نفس المشكلة بس انا من اسكندرية رحت لواحدة اسمة هريسة قالى 550 جنية المانى
mohamedbook كلام الباشا صح والاسعار صح
نصيحة خليك فى الزيت الاصلى بتاع الفتيس وهتلاقيه عند الهاشمية وكمان غير معاه الفلتر هيكون افضل طبعا وخلى بالك ان اى نوع زيت تانى ممكن يطير لك الفتيس
انا مش هقولك غير حسبي الله و نعم الوكيل في كل التجار و التوكيل هنا و الهري اللي بيحصل في البلد بص انا مغير زيت الفيتيس من 3 سنين و نص من حوالي 51000 كيلو بالتمام و الكمال ( ما شاء الله عليه بجد ) و هنزله علي 60000 عادي خالص و اللتر عامل ايامها 75 جنيه الماني ( febi belstein ) جميل رحت قبل ما اشتريه اعرف مواصفاته و عرفت مواصفات الاصلي اللي موجود في التوكيل ابو 1200 جنيه ال 4 لتر و بعت ايميل لشركة سكودا بالمواصفات كل واحد وحده و كان الرد ان الاتنين نفس المواصفات الفرق في التعبئة واحد نصف لتر و التاني لتر اظن مفيش احسن من كده و الكلام ده ربنا هيحاسبني عليهز ما تمشيش ورا اي كلام يا باشا و التوكيل و الكلام ده لان سياسة التجارة عندنا في مصر السرقة في المقام الاول اعمل اللي انت بتفهمه صح و لو حضرتك مش متأكد ارجع للمصنع بتاع العربية احسن في مصر الفتايين كتير و اسف علي الاطالة. ملحوظة :انا عربيتي A4 اوتوماتيك 2003
انا متابع الموضوع ده باهتمام وكنت عاوز اعرف حاجه سمعتها كتير في الفتيس الاتوماتيك الخاص بالاوكتافيا وكذلك البورا انا معت ان في مشكله بتحدث بكثره ويمكن في حوالي 80% من السيارات وهي ان البلوف بتتسد بتاع الفتيس وديه بتحتاج تغيير لمبلغ كبير جدا ومش عارف ده بسبب تغيير الزيت او استخدام زيت غير مطابق ام ده طبيعي وهل لو حبيت اشتري سياره ازاي ممكن اعرف انها مفيهاش المشكله ديه وابق اتدبست
اللي سمعت اكثر انه بيحصل فيه الموضع ده الاوكتافيا a5 لكن ال a4 مش عارف يا ريت حد ينصحنا انا المهم عندي كمان الفولكس البورا لاني اعتقجد ان الاثننين فتي واحد
وشكرا