أنا إن شاء الله حستلم كيا سبورتاج 2014 هاي لاين خلال كام يوم كدة...فا كنت عاوز أسأل الناس اللي جابتها:
- حد عند شكوي منها و ندمان انه اشتراها؟؟
- إيه مدى نعومتها على الشارع و السحب بتاعها؟
- و إيه مدى قدرتها على طلوع المطالع بسهولة؟؟
- إيه أخبار التكيف و العزل للصوت الخارجي وإنت قافل الزجاج؟
- إيه اللي لازم افحصه في العربية و أنا باستلمها ؟؟
- لو أي حد جابها و باعها...ممكن يقول باعها ليه؟؟؟
متشكر جداً ليكو...أنا أصلي بقالي 7 شهور مستنيها بس مش عارف ليه قلقت لما قالولي انها جت :d
يا باشا العربيه ان شاء الله هاتستلمها كمان كام يوم ليه شاغل بالك بالشترى و الباع و الجابها و ندمان, العربيه ان شاء الله تستلمها و تتمتع بيها و يكفيك شرها بأذن الله
انا مع كلام الاستاذ اللى فوقى ممكن واحد يكون محبهاش لاى سبب عادى ولو دخل قالك كدا اكيد هتتأثر بكلامه فحضرتك اشتريتها والمفروض انك شاريها عن اقتناع استمتع بالعربية ومتشغلش بالك بالكلام دا كله :) والف مبروك مقدمااا
الف مبروك العربية حلوة جدا كفاية شكلها بسم الله ماشاء الله ربنا يبارك فيها اسنعيذ بالله من الشيطان ومتفكرش غير أنك تفرح بيها ...وألف مبروك مرة تانية
استرا و بيجو 508 افضل منها بمراااااحل
تستلم على خير ان شاء الله
فعلا اختيار موفق
عندك حق و الله متشكر لك...بس عارف ساعات الواحد بيبقى قرب اتمام الوضوع قلقان بالذات من السعر و الفلوس اللي حتدفع فيها...يلا ربنا يسترها ان شاء الله و دعواتكم. :-)اقتباس:
المشاركة الأصلية كتبت بواسطة السريع
متشكر جدا لرأيك و فعلا اعطيتموني ثقة عشان انتابني شوية خوف كدة :-)اقتباس:
المشاركة الأصلية كتبت بواسطة carfreak92
اشكرك و الله استاذ حازم لذوقك و كلامك الجميل ده...اول ما توصل ان شاء الله و اجربها حاعمل تقرير شاملاقتباس:
المشاركة الأصلية كتبت بواسطة hazem osman
والله بصيت كتير عليهم...لكن اتساع السيارة و ارتفاعها عن الارض و مقاس الجنوط كانت عوامل مهمة ليا في تحديد الاختياراقتباس:
المشاركة الأصلية كتبت بواسطة ahmed opel
ربنا يبارك لك فيها عربيه جميله وهتبقي اجمل معاك استمتع
الحقيقه العربيه معايا بقالها شهرين تقريبا و العربيه جميله جدا و ما شاء الله ثابته على السرعات العاليه (بس مش العاليه اوى يعنى :wink10:). هو بس بداية السحبه مش عجبانى اوى(يعنى لازم رجلك تتقل على الدواسه جامد عشان تبتدى تطلع الوحش اللى جواها) لكن بعد كده تسارعها كويس جدا. و استمتع يا باشا.
الله يخليك يا افندم و اشكرك والله على كلامك الجامد ده :wink10:اقتباس:
المشاركة الأصلية كتبت بواسطة sonybony
الله يطمنك يا محمد باشا...ربنا يبارك لك فيها و يكفيك شرها..آمين. :up:اقتباس:
المشاركة الأصلية كتبت بواسطة Mohamed said
موفق في الاستلام ان شاء الله
الف مبروك ربنا يبارك لك فيها و يكفيك شرها..آمين
متوجعش دماغك ان شأالله تعجبك العربية وتستمتع بيها ومبروك مقدمأ ربنا يكفيك شرها ويديك خيرها
الراجل اشتري وهايستلماقتباس:
المشاركة الأصلية كتبت بواسطة ahmed opel
ايه اللي دخلهم في الموضوع
الف مبروك العربية حلوة جدا
اختيار موفق ان شاء الله
جميلة ومالهاش صوت ماشاء الله
عفشتها ناشفة شوية (انا نازل من لانسر) :) وبيقولوا بعد التليين ح تنعم
العزل خرافي
والكاسيت انضف كاسيت سمعت له صوت لغاية دلوقتي
ربنا يبارك لك فيها
الف مبروك :)اقتباس:
المشاركة الأصلية كتبت بواسطة ikorayem
- لا
- عفشتها ناشفة شوية بس بيقولوا بتنعم بعد كده، سحبها حلو
- عادي ما بتحسش ان صوتها بيعلا او بتعافر مثلا
- التكييف ممتاز، العزل 100%
- اتأكد ان مافيش حاجة في البودي معووجة او مخبوطة او لونها متغير، جرب كل الحاجات شوف فيه حاجة بتزيق مثلا او مش شغالة، اتأكد ان كل الاوبشنز موجودة فعلا
- ما حصلش
اختيار موفق ان شاء الله
ياريت تتطمنا وصلت لايه
ربنا يخليك يا أستاذlkorayem وطمنا وصلت الجميلة ولا لسه
عربيه محترمه جدا ومش منتشره ومش راكبها غير الباشاوات
ألف مبروك مقدما
لو رجع الزمن هشتريها تاني
كفايه الكلام الحلو ده من الناس الحلوة دية
كفاية انك معاك انضف توكيل في مصر !