السلام عليكم
اروح ازاى المقطم من التحرير
شكراا
عرض للطباعة
السلام عليكم
اروح ازاى المقطم من التحرير
شكراا
بالعربيه انزل نزله المقطم العاديه عند القلعه وادخل شمال واطلع كوبرى السيده عائشه اخر الكوبرى يمين للاخر فى كوبرى اطلع ولما تنزله يمين يبقى القصر العينى شمالك هتفضل ماشى لما تلاقى ميدان التحرير فى اخر شارع القصر العينى
انا قصدى بالمواصلات
ياريت مساعدة
وهتاخد وقت كام بالظبط
ممكن تسال فى موقف عبدالمنعم رياض اذا كان فى حاجه بتطلع المقطم
اللى اعرفه من مدينة نصر(و كده لفه طويله انك تروح مدينة نصر عشان ترجع للمقطم) او السيده عيشه فلو من عبد المنعم رياض فى حاجه للسيده عيشه و من هناك تركب للمقطم ...
فعلاً فيه أتوبيس من موقف عبد المنعم رياض رقمه 951 بيروح المقطم مباشرة
ولو زحمة أو بيتأخر
ممكن تركب أي حاجة من هناك هتعدي على السيدة عائشة - تكون مكتوب عليها صقر قريش أو الأباجية أو العتبة - أنزل في السيدة عائشة وهناك ميكروباصات بتروح على المقطم
ومشوار مدينة نصر أطول في المسافة والوقت فعلاً بس أسهل من وجهة نظري لأن هناك أكتر من ميني باص بيروح الحي السابع ومش بيكون زحمة - ومن الحي السابع - عند محل أرابيتا فيه ميكروباصات تروح المقطم
وربنا معاك
من التحرير ميكروباص لرمسيس
ومن رمسيس ميكروباص للحى السابع او السيده عايشه
ومن السيده عايشه او الحى السابع ميكروباص للمقطم ..............