حد يعرف منين أشتري زيت حار (زيت كتان) يا ريت لو سوبر ماركت قريب من مصر الجديدة... الرحاب أو التجمع الخامس؟
عرض للطباعة
حد يعرف منين أشتري زيت حار (زيت كتان) يا ريت لو سوبر ماركت قريب من مصر الجديدة... الرحاب أو التجمع الخامس؟
ده بيتجاب من السرجه .... اللى اعرفهم فى مدينة نصر .. واحده جنب عبده تلوث عند جامعة الازهر و التانيه فى حسن المامون قبل ما توصل مصطفى النحاس فى ضهر بتاع العصير اللى قصاد اليوترن
اللي أنا أعرفه أنه بيتباع في السرجه
وماشفتوش عمري في السوبر ماركت !
وفيه سرجه منتجاتها كويسة جداً وأنا بتعامل معاه من أكتر من 7 سنين
في الحي العاشر - مساكن السويسري ب - عند محطة الجامع - أو محطة المثلث - هتعرف توصل له إن شاء الله
والزيت الحار مفيد جداً ، وللإفادة -:-
1- يحتوى على نسبه عالية من الاحماض الاساسيه غير المشبعة خاصة “اوميجا3″نحو (50%) من وزن الزيت
2- يعمل على منع اضرابات الدورة الدموية من خلال توسيع الاوعية الدموية ومنع تكون الجلطة.
3- ويخفض الكوليسترول الدهون الثلاثية…
4-.ويعمل على انقاص الوزن ..خصوصا عند الاطفال المصابين بالسمنه.
5- يقوي جهاز المناعة و يمنع الأصابة بالسرطان.
6- يمنع شيخوخة الخلايا وتمنع تكسرها وبالتالي يحافظ علي نضارة الوجه والبشرة وصحة الجسم
7- يمنع تساقط الشعر
ويجب تخزين الزيت الحار فى الثلاجه للمحافظة على قيمته الغذائية لسرعة تأكسده.
من اى سرجه
عند اي منفذ بيع ( امتنان ) عندهم زيت بذرة الكتان صافي واصلي مش مغشوش ... هو اغلى من. بتاع الشارع بشوية بس. تشتري حاجة مضمونه ... وتحياتي
الاقيه فين ف الاسكندرية
متشكر جدا لكل اللي رد .. أنا اتصلت بامتنان ولقيت الربع لتر ب 32 جنيه. هما ممكن يوصلوه للبيت بس لازم تطلب حاجات ب 50 جنيه
أنا حجيبه م امتنان علشان مفيش وقت أروح لبتوع السرجه بس بعد كده حجيبه منهم لانه أكيد أرخص
الكيلو فى السرجه مش متاكد من السعر بس كنت بجيب حاجات كتير و اغلى حاجه كانت اللتر (او الكيلو) حوالين ال20 جنيه يعنى لو هو اغلى حاجه يبقى اللتر ب 20