عرض للطباعة
الاخوة الكرام اعضاء منتدي نايل موتورز
قام العضو Honda_lover بالاتصال بي وطلب منتج وقمت بشحنه له مرتين وقام مندوب شركة الشحن بالاتصال به ولم يحضر لمقابلته او يرد علي هاتفه وكلفني قمية الشحن مرتين
في المرة الاولي اعتقدت بانه لدية ظروف او شبه ذلك فقمت باارسال له مرة اخري ولم يرد علي مندوب شركة الشحن او عليا
ارجوا الانتباه وتوخي الحذر في التعامل معه وشكرآ للجميع وادارة المنتدي
السلام عليكماقتباس:
المشاركة الأصلية كتبت بواسطة seat2066
الاستاذ هوندا دائما بشوف تعليقاته وموضوعاته وبصراحه عمرها ما غلط في حد او قال حاجه تدايق حد
طبعا الموقف ده والموضوع ده المفروض يدخل يرد عليه علشان
القارئ سمع وجهة نظر واحده ومش سمع التانيه
وبصراحه انا خايف انه يتحول لموضوع فيه تشهير واحنا مش سمعنا الطرف التاني
ياريت الاستاذhonda_lover يدخل يرد علي الموضوع
علشان الحقيقه تبان ثم يغلق الموضوع
مبدئيا كده انا مبحبش اتناقش في مواضيع زي دي بصراحة ولا اكتبها علي حد حتى وان كنت علي حق ولكن طالما حضرتك اشتكيت وحذرت الناس مني فكان لازم ارد وادافع عن نفسي .اقتباس:
المشاركة الأصلية كتبت بواسطة seat2066
بسم الله الرحمن الرحيم
نبدا اولا بسرد القصة والحوار اللي تم ما بيني وما بين الاستاذ الفاضل seat2066
قمت بمشاهدة اعلان له عن منتج وهو ( جهاز كشف اعطال مجموعة فولكس ) ولاني من هواياتي تجميع الاجهزة والعدد وبحكم شغلي قمت بالاتصال به للاستفسار عن المنتج
قام بالرد عليا باسلوب في منتهى الشياكة والادب والاخلاق السامية وتحت امرك وكلام زي كده وعرفته اني بكلمه من منتدى نايل موتورز لانه في الاعلان موضح انه يوجد سعر خاص للاعضاء فستفسرت منه علي السعر فقالي 550 الكابل والبرنامح شامل التوصيل وده بعد تجارب عديدة مع كابلات مشابهة وده احسنهم ان شاء الله قولتله اوك انا عايز واحد مع العلم انه متوافر فالاسواق ب 420 جنيه وضمان سنه وكل حاجة قولت بسيطة مش فارقة 100 جنيه زيادة وبعدين الراجل هيتفضل مشكورا يبعتهولي لغاية عندي المهم انا كلمته يوم الخميس واتفاقي معاه انه هيبعتهولي يوم الاحد علي كلامه انتظر السبت الاحد الاتنين الثلاثاء الاربعاء مفيش حد كلمني ولا في حاجة وصلت قولت اكلمه لعل المانع خير رد عليا وبيقولي مين قولتله انا اللي طلبت من حضرتك جهاز الفولكس قالي هو ده رقمك ? اصلك كنت كلمتني من رقم تاني قولتله لا هو ده رقمي وهو اللي كلمت حضرتك منه وممعيش ارقام تانية قالي انا اسف جدا جدا انا بعت الجهاز واديت رقمك لشركة الشحن غلط عالعموم انا اسف جدا وهبعته لحضرتك تاني ان شاء الله قولتله الف شكر يا باشا مشكور علي تعبك قالي ولا يهمك قولتله حضرتك هتبعتهولي امتى قالي يوم الاحد ان شاء الله قولته تمام وانا في الانتظار الكلام ده يوم الاربعاء بالليل زي محكيت فالاول تاني يوم كان عاشوراء وكنت صايم وكنت عامل الموبايل صامت وانا فالصيام بعمل كده دايما ومبصش فالموبايل الا بعد الفطار المهم بعد الفطار ببص في الموبايل عشان اعرف مين اللي كلمني لاقيت رنات كتيرة من ارقام غريبة ورقم الاستاذ seat2066 فقمت بالاتصال به فورا رد عليا وبيقولي يعني ايه ابعتلك الجهاز ومندوب شركة الشحن يكلمك متردش عليه اتضايقت جدا جدا جدا لدرجة محدش يتخيلها مش من طريقة كلامه لا من عدم احترام المواعيد وجاي يلومني اكني انا اللي غلطلت وشكرا يا باشا وانا تحت امرك اني اشحنهولك مرتين ومتردش عالموبايل انا قولتله كلمة واحدة هو معادنا النهاردة وحضرتك ليك الحق انك تعاتبني لما يكون في معاد مسبق ما بينا وانا اخل بيه ومحترمهوش قالي انا تحت امرك سلام قولتله سلام .
والله العظيم اللي احسن مني ومن الدنيا كلها اني حكيت اللي حصل بالظبط ولا كلمه اكتر ولا كلمة اقل والله علي ما اقول شهيد
انا عايز راي كل اعضاء المنتدى فاللي حصل ده وهل انا غلطان زي مبيقول ولا لا بس بما يرضي الله ورسوله لكم مني فائق الاحترام والتقدير
السيد المحترم Honda_lover اولآ
انت بتقول تشهد الناس تمام كلام سليم
حضرتك طلبت حاجة اول مرة وعارف جيالك تاني يوم كلام جميل
يبقي طبيعي اكيــــــــــــــد حتي هتسأل علي الحاجة مجتش او اتأخرت او تتابع الحاجة معايا وانا يمكن بقالي سنة ونص مقبلتش الموقف اللي انت عملته حقيقي معايا . حد بيطلب حاجة بيكلمني يتطمن ويتأكد الحاجة جت وله مجتش والمندوب اتأخر وله اية النظام صح وله انا بقول كلام غريب اي حد لازم بيعمل كدة لكن تكلمني بعد اسبوع تقولي مبعتش الحاجة ليه
ابعتهالك تاني وبرضه
يااخي بالله عليك الراجل ضرب مشوار لحد العاشر واتصالات وانت ولا سألت ولا كلفت نفسك تكلمني تشوف الحاجة اللي انت طلبتها وده جزاتي اني نزلت الفجر لما عرفت العربية هتطلع بدري عشان الحاجة توصلك ومتتأخرش
ما علينا تاني مرة
الارقام الغريبة اللي بتقول عليه بتواع الشحن يتصلوا عليك ولا بترد من الساعة 1 الظهر وكلموني واتصلت عليك ومش بترد من 1 ظهرآ لحد 6 مساء كل ده والتليفون صامت ولا اخد بالك للرقم لمدة خمس ساعات
وبالصدفة ادخل المنتدي علي 6 مساءآ لقيتك اونلاين حاولت اتصل بيك وبرضة مفيش رد
ولما اتأكدت من ان حضرتك بتهزر ومفيش جدية تمامآ
نزلت الموضوع لقيتك كلمتني بعدها علطول ياتري لحظت اخيرآ الرقم والله يااخي بالله عليك انا في حياتي اتعملت قليل وكتير مقبلتش حد عمل الموقف اللي عملته
اخر حاجة انك تدخل موضوع اسعار وكلام زي كدة يوضح انك مش لاقي حاجة تتكلم فيها وبتدخلنا في قصة تانية خالص
كل اللي يهمني فالوقت الحالي هل انا صادق في سرد الحوار كاملا ولا لا?? وباقي الاشياء هقوم بالتعليق عليها فيما بعد بعد ردود الاعضاء وتعليقهم علي الحوار الذي تم بيني وبين حضرتك ?? ثانيا هل المواعيد التي تم ذكرها في سردي للحوار صحيحة ام اني مخطئ فيها ??? ارجو الرد منك علي تلك الجزئية فقط دون التطرق الي نواحي واتجاهات اخرى بالموضوع لك مني فائق الاحترام والتقدير واشكرك لسعة صدرك وشكرا مقدما للرد علي هذه الاستفساراتاقتباس:
المشاركة الأصلية كتبت بواسطة seat2066
استاذ سيات2006 عذرا حضرتك الغلطان
يعني ايه تطلع حاجة لحد من غير ما تبقى مرتب معاه يومها او قبلها بيوم؟
و كمان مطلعها من غير معاد و عايز مستقبل الحاجة يتابع معاك مع انك اتفقت معاه على معاد و خلفته و كان الواجب طالما خلفت المعاد انك تكلمه و ترتب معاه معاد جديد مش تبعت الحاجة و خلاص زي ما عملت
طبعا انا قريت الموضوع من اوله لاخره وانا شايف ان حضرتك غلطان في الموقف الثاني جدا ولكن في الموقف الاول في استهتار بسيطاقتباس:
المشاركة الأصلية كتبت بواسطة honda_lover
الموقف الاول كان محتاج حضرتك تتابع معاه ولو حسيت منه عدم الجديه تلغي الديل ويبقي تمام لكنك مش غلطان
الموقف الثاني حضرتك غلطان لان انا لو مستني حاجه حتي لو في اجتماع او صيام او اي حاجه بكون مركز مع الموبايل علشان تعرف الناس توصلني
انا شايف ان الاعتذار مش عيب ونفضل حبايب واصدقاء
حضرتك استاذ هوندا مش غلطان في الموقف الاول وغلطان في الموقف الثانياقتباس:
المشاركة الأصلية كتبت بواسطة seat2066
وحضرتك برضك غلطان انك في المره الاولي اتاخرت عليه جامد جدا والمفروض ان حضرتك تاكد عليه ان الحاجه جايه مش تطول الفتره دي كلها
اسلوب حضرتك في الاتصال في المره الثانية اكيد من زعلك او فهمك الموقف انه استخف بالاتفاق خلاك اتكلمت بحده وعصبيه وده طبعا مش مقبول
اعتقد ان كل واحد فيكم مدين للثاني باعتذار
ونقفل الموضوع ونسامح بعض علي كده
واتمني كلامي ميزعلش حد فيكم
اقتباس:
المشاركة الأصلية كتبت بواسطة تامر.محمد
استاذ تامر محمد مع احترامي لحضرتك حضرتك مش متابع الموضوع بالظبط حاول تركز فيه بشكل كويس
واحدة واحدة
استاذ هوندا اتصل بيا وطلب الحاجة توصله الاحد قولته هيكون عندك يوم الحد
المندوب طلع وارح العاشر ومعرفيش يوصل لان الرقم مكنش مظبوط اول مرة تمام
بلغت مندوب الشحن يركن الحاجة عنده علي اساس هيتصل الاخ هوندا يقول اية الاخبار حتي موصلش ليه
المرة التانية بقي كلمني بعدها باسبوع يقولي الكابل ما وصلش
يبقي ده اسمه كلام بالله عليك
قولته معلش هبعتهولك تاني هيوصلك بعد يومين لان شركة الشحن اكيد قفلت
وكلمت شركة الشحن قالولي ممكن المندوب ياخده الفجر منك
قولت كويس يوصله بدري
المندوب يتصل بيه وانا اتصل بيه من 1 الظهر لحد 6 ولا رد
وعارف اتصالات يعني لو مين هيرد
هو بيقول عامله صامت ومش فاضي انا صايم
تمام الساعة 6 اتصل بيه لما لقيته علي المنتدي وبرضة مش بيرد
قولت لا ده بيهزر بقي احط الموضوع راح اتصل علطول والله ما عندي كلام تاني وخلاص الانسان بيتعلم وشكرآ للجميع
في حاجة حضرتك مخدتش بالك منها يا فندم المرة التانية اتفق معايا انه يبعتهالي يوم الاحد واحنا كنا يوم الاربعاء بالليل يعني بعد اربع ايام واكدنا علي كده مع بعض اذ يفاجئني بالحاجة تاني يوم ويزعل اني مردتش ارد او مردش كل واحد وله ظروف حياه لا يعلمها الا الله وهو ارد في حالة واحدة بس فقط لما يكون في ميعاد ما بينا متفق عليه لاكن ده مش معادنا خالص وبعدين هو انا لازم اكون موجود في اي وقت يحب يبعت فيه هو لا طبعا لازم يكون باتفاق تحياتي لكاقتباس:
المشاركة الأصلية كتبت بواسطة muhmado_furp
علي فكرة انا مخلفتش مواعيد اتبعت في ميعاده لكن شركة الشحن كانت كاتبة الرقم غلط وهو عارف اليوم ده رايحله الكابل ما اتصلش وطلبت من الشركة تركن الكابل ومتصلش قولت مفيش جدية
تاني مرة هو الميعاد المفروض يروحله فيه الكابل يوم السبت لانه اتصل بيا الاربعاء بالليل قولتله هشحن الخميس ويوصلك السبت
لقيت العربية بتطلع فجر الخميس قولت كويس يوصله بدري
لمندوب يتصل بيه وانا اتصل بيه من 1 الظهر لحد 6 ولا رد
وعارف اتصالات يعني لو مين هيرد
هو بيقول عامله صامت ومش فاضي انا صايم
تمام الساعة 6 اتصل بيه لما لقيته علي المنتدي وبرضة مش بيرد وادخل المنتدي القيه 6 موجود واتصل ومش بيرد ولما نزل الموضوع اتصل عليا اقول اية تاني
علي فكرة انا بحاول اربط الموضوع عشان الموقف يتفهم مظبوط فبضطر اعيد الكلام تاني
ولا يهمك يا فندم احكي زي متحب عشان الصورة تكون واضحة للاعضاء والحمد لله ان كلامنا احنا الاتنين واحد عن الحوار اللي دار ما بينا وفي انتظار راي الاعضاء فالموضوعاقتباس:
المشاركة الأصلية كتبت بواسطة seat2066
طيب ياباشا انت اول مرة اتصلت بيا وقولتلك الكابل هيوصلك اليوم الفلاني مكلمتنيش ليه تتابع معايا اتاخر او موصلش ليهاقتباس:
المشاركة الأصلية كتبت بواسطة honda_lover
ليه كلمتني بعد اسبوع
تاني حاجة من 1 الظهر لحد 6 بنتصلك عليك مش بترد ولما ببص بالصدفة في مشاركات مكتوبه لقيت فيها تليفون بالصدفه ولقيتك اونلاين اتصل عليك مش بترد او لما نزل الموضوع انت اللي اتصلت بيا تسميه اية بالله عليك
اولا والله انا اتصلت بيك بناءا علي المكالمة التي لم يرد عليها ومكنتش شوفت الموضوع وعلي فكرة انا لسة شايف الموضوع النهاردة ثانيا المنتدي معمول له سيف عالكمبيوتر يعني اي حد بيقعد عليه من الاولاد بكون اونلاين وانا اساسا مبكنش قاعد عليه ثالثا معادنا كان يوم السبت او الاحد علي حسب متفقنا مش تاني يوم اللي هو الخميس حتى لو حضرتك كنت عرفتني قبلها كنت هعتذر منك عشان اليوم اللي بكون صايم فيه بزهد الدنيا عشان مرتكبش سيئات وابوظ صيامي رابعا انا بحترم المواعيد جدا وبحترم اللي يحترمها خامسا انا علي اتم استعداد لدفع قيمة الشحن الخاطئ والشحن الثاني ومش عايز الكابل بس لازم حضرتك تكون واثق من اني بحترم المعاملات والمواعيد ولا يمكن اني اخلف اتفاق بيني وما بين شخص لاي سبب كان تحياتي لكاقتباس:
المشاركة الأصلية كتبت بواسطة seat2066
ياباشا كلامك علي عيني وراسي بس مردتش برضة علي سؤالي اول مرة بعتلك الكابل واتفقنا هيوصلك في ميعاد محدد مكلمتنيش وسألت ليه
وانا ركنت الكابل في شركة الشحن يومين
وبعدها كلمتني باسبوع تسأل الحاجة ما وصلتش
لان بكل بساطة ومن خلال تعاملاتي فالشراء بالشحن الشركة العارضة لمنتج معين هي اللي بتتصل بالعميل لتاكيد جدية الشراء وهي اللي بتتابع معاه مش هو اللي بيتابع معاها لاني وبكل بساطة طالب سلعة مش اساسية زي دواء مثلا عشان اكون انا اللي مستعجل عليها انا عامل اوردر بسلعة ثانوية جت جت مجاشتش مش مشكلة ممكن اجبها من حد تاني او في اي وقت تاني اكون مهتم في حالة ان الشركة تتصل وتاكد عليا موعد الاستلام اكيد هكون منتظر فالموعد المحدد مسبقا وظروف شغلي بجد مرهقة جدا وبفكر في حاجات كتير اكيد انا مش عايش بحلم بجهاز تشخيص الاعطال في حاجات كتير في حياتي اليومية اولى بالتفكير ارجو ان تكون وجهة نظري وصلت لحضرتك. تحياتي لكاقتباس:
المشاركة الأصلية كتبت بواسطة seat2066
والله ياجماعه انا اكتر حاجه عجباني في الموضوع الاحترام اللي في الحوار بجد ومن الواضح احترامكم لبعض في الردود وطالما كل واحد فيكوا وضح ظروفه ووجهه نظره للتاني يبقي الموضوع انتهي كل الحكايه انه ملوش نصيب يبعلك وانت ملكش نصيب تشتري منه بس لكن ده كان يوم عاشوراء يعني يوم مفترج فكل سنه وانتوا طيبين ومحدش يزعل من التاني حصل خير ورأيي الشخصي برفض ان حد من الاعضاء يغلط حد فيكوا لان انتوا الاتنين حصل بينكوا سوء تفاهم مش اكتر لكن نيه البيع والشراء كان موجوده وبجديه
طيب كلامك جميل يعني اكيد بترد علي التليفونات لما الشركة هي اللي بتابع معاك مش هتسيب ارقام تتصل عليك من 1 الظهر لحد 6 مساءآ وحتي مش بقولك تتصل انت
علي كلامك انت اللي بتقول هما اللي يتصلوا عليك يعني كدة اتضحت الرؤية الحمدلله انك بترد علي تليفونات
بس الغريبة برضة مش بترد حضرتك
والله ياباشا انت بتحاول تخرج من الموضوع وترجع تقول كلام تاني
مندوب الشحن وانا نتصل بيك من 1 الظهر ل6 مساءآ وانت مش عايز ترد ومش مبرر انك تقول اني عامله صامت ياريت ياباشا ترد علي التليفون ده علي كلامك انت مش حد تاني بعد كدة لانهم هم المفروض اللي يتابعه معاك وهيتابعه ازاي وانت مش بترد علي تليفونات حيرتني والله بجد
كل سنة والجميع بخير واحلي ادارة منتدي واعضاء وبرضة العضو هوندا واعتذاري للجميع للاطالة
يا باشا حضرتك بعتلي الحاجة يوم السبت زي متفقنا ولا بعتها في معاد قبلها وهو معاد غير متفق عليه ????? ارجو الرد علي هذا السؤال فقطاقتباس:
المشاركة الأصلية كتبت بواسطة seat2066
يااستاذ meero_boy2000 والله الزبابة دية دوختني اللي فالصورة بتاعتك هههههههههه وحصل خير وانا يااستاذ هوندا لو غلطان في حقك او حق اي حد بقولكم حقكم عليا مع اني مش مقتنع اني قصرت معاك والله بس مش مشكلة ربنا يعوض خير للجميع واعتذرانا للادارة وبنتقل عليهم لغلق الموضوع وشكرآ للجميع وكل سنة وانتم طيبين
اشكرك علي سعة صدرك وانا سعيد جدا بالحوار معك بالرغم من اختلافنا فالراى ولكن راي حضرتك يحترم وعلي راسي ولك مني فائق الاحترام والتقدير وسوف اقوم بالاتصال بك لاحقا وتسوية الامور ان شاء الله تعالي وحتي لا يتكرر ذلك الموقف سوف انسق موعد مع حضرتك لاخذ الجهاز بطريقة مباشرة دون اللجوء لشركات الشحن وتجنب الاخطاء المحتمل حدوثها وكل سنه وحضرتك بالف صحة وعافية.اقتباس:
المشاركة الأصلية كتبت بواسطة seat2066
يااستاذ هوندا ده يشرفنا واحنا كلنا هنا اخوة فالمنتدي وحتي لو اتقبلنا اكيد بس خلي بالك بقي متعملش التليفون صامت عشان الناس متفهمش غلط ويتطور الموضوع للي حصل كدة والواحد يرجع يندم انه يقول حاجة في حق حد او شخصية محترمة زيك وعلي فكرة اوعي تشتري ابو 430 ده مضروب انا حذرتك اهوو هههههههههههه
اكيد طبعا كلنا فالمنتدى اخوة والشرف ليا اني اتعرف علي حضرتك بغض النظر عن موضوع الشراء وشكرا لكلامك الطيب الاخلاق انت اهلها ومتقلقش هنفعك وهشتري منك هههههههههههاقتباس:
المشاركة الأصلية كتبت بواسطة seat2066
بجد انتو الاتنين زى العسل صاف يالبن
بصراحه انا كان ليه تعامل مع الاخ honda-lover بصراحه كان فى قمه الذوق والاخلاق معايه كان بالصدفه كنت نازل العاشر واتعرفت عليه وعرفت انه عضو فى المنتدى لو حضرتك مش فاكر انا اللى كان معايه العربيه الاسبرانزا m11