الموضوع: تظبيط اوكتافيا بجلد طبيعى بدل الجلد الفرفور اللى مش بيستحمل الشمس ده :d !!

المشاركة الأصلية كتبت بواسطة طارق _عبد السلام

يعنى عايز تفهمنى انك كنت بتغسل زراير الزجاج بمياه ومأثرتش على الكهرباء للزراير ؟!!

على العموم انا كان معايا عربيه ايه فايف وبعتها وكان فيه حته فى الباب زى اللى حضرتك قولت عليها ليه بقى لان صديقى اللى انا كنت شاريها منه كان بيغسلها اكتر مابيركبها وكانت تقريبا لا تتعدى 2 سم بس مكنتش شاغل بالى بيها والمفترى كان بيلمع التابلوه بزيت نيتنج اويل بنشتغل بيه فى النسيج ده لوحده كفيل مايخلى فيها جلد من الاصل
وزرار اللوك بردوا كان معلق مفكيتوش لان الكهربائى قالى لازم يفك الكنسول طبعا نفضت لانى لو عايز افك اللوك للابواب الاربعه كنت بفتح باب السواق واقفله :)
لكن زراير الزجاج انا فكتها بنفسى ونضفتها من اثر الصدأ واشتغلت فله ومن ناحيه ترس الزجاج الحمد لله عربيتين اوكتافيا محصلش معايا الترس ده ولله الحمد
مش كل مشكله تحصل فى عربيه نظن انها مشكله عامه فى كل العربيات ربنا يبارك لك فى عربيتك هى لو معاك من الزيرو كنت قيمتها صح متعرفش اللى قبلك بيتعامل ازاى مع عربيته
اقسم لك صديق لى كان شارى مرسيدس كمبيروسر زيرو ايام ماكان الكمبيروسر تقريبا عشر عربيات هما اللى نزلوا مصر على بعضها فى اول الموديل ده ومفيش شهرين وحصل تشققات فى جلد الكراسى عمل مصيبه مع التوكيل وجابوا ناس من المانيا صوروها فيديو وعوضوه بعدها لكن هل هذا عيب شائع فى مرسيدس .. مش ممكن طبعا دى مرسيدس ملهاش غير تعظيم سلام
بس بالله عليك عايزين تقرير مصور عن ا لتجديد متبخلش علينا واعمل الارضيه كمان جلد هتستريح جدا جدا بفكر اعملها عندى بس متردد لان العربيه شكلها حلو من جوه عندى وللعلم الفرش البيج عندى بيخلى العربيه من جوه وضع تانى خاااااااااااااالص غير الاسود

اكيد مش بغسل الزراير بس الابواب بتتغسل بمياه فى بنزينه والزراير فى الباب والحته الجلد اللى فى باب دى فعلا عندى صغيره جدا مش ماثره فى حاجه انا بس مستغرب ليه فى عربيخ محترمه زى الاوكتافيا عملينها جلد مش يتحمل الحراره وبعدها تانى والله انا بحب الاوكتافيا احسن من الانسر مليون الف مره بس الموضوع سببه الحاجات دى انا شايفها اضعف من نفس الحاجات فى الانسر ده كل موضوع وعجبنه جداااااااااا تعليق حضرتك على مرسيدس وفعلا ملهاش غير تعظيم سلام وكمان الاوكتفيا من نظرى ليها تعظيم سلام وانا من موضوع ده حسيت ان عربيتى علشان مانيوال فهما عملين فيا كده ومش كل العربيات زى عندى وعلى فمره يا باشا رار الوك واحد فكه ونضفو عندى فى اقبل من دقيقتين فك وتنظيف وتركيب واشتغل فل ومن غير ميفك الكونسول ثوانى كان زرار فى ايدى انا والله ملحقتش اشوف طلعوا ازاى والا ركبو ازاى والكونسول راكب مع العلم كنت قاعد جمبه وزراير الزجاج انا شارى عربيه بزراير اكتشفت انها صينى فاستغربت ازاى يكونو تلفو واتغيرو فى وقت ده وكنت شوفت موضوع هنا فى منتدى عربيه فانتزيا 2009 جلد التبلوه عمل منه نفس اللى حصل معايا فى جلد الباب فكده هو مش بيتحمل الحراره لانه شكله بالظبط كانه محروق بمكوه وانشاء الله حصورلك كل حاجه بس الاقى صنايعى تمام يعمل الشغل وتقبل تحياتى طارق باشا