استرا
استرا
استرا طبعا بدون مقارنه
شكرا للرد و الإهتمام، غالبا هتوكل على الله في الأسترا إن شاء الله بس عندي شوية أسئلة:
- استهلاك البنزين إيه ظروفه؟
- منصور سيء للدرجة دي؟ يعني الموضوع لو وقف على قد الصيانة مقدور عليه؟
- قطع الغيار غالية أوي زي ما الناس بتقول، ولا زي بقيت العربيات في الفئة دي؟
- لسه مفيش حل في موضوع البلوتوث ده؟
و أخيرا، محدش جرب ال 2014؟ هل في أي اختلافات عن السابقة؟ منصور عارضها على 196 (الكوزمو)، بس ناس كتير بتقول استنى لأن منصور عادة ما بيخلص موديلات السنة السابقة و ينزل عروض على الموديل الجديد. إيه رأيكم؟
انا ماشي ١٤ الف بيها لغايه دلوقتي متوسط استهلاك البنزين ٩.٢ لتر لكل ١٠٠ كم
منصور بحس انه مش فاهم اوي فيها و اسعاره مبالغ فيها فعلا
و قطع الغيار لو حتجيبها من منصور فعلا غاليه لكن من بره حتلاقي سعرها رخيص خصوصا انها مشتركه مع الابترا فى حاجات منها تيل الفرامل
و بالنسبه للبلوتوث اللى سمعته ان موديل ٢٠١٤ نازل بيه بس اتاكد من المعلومه دي
و بصراحه لا متجبهاش ب ١٩٦ استني شويه او اسال بره ممكن تجيبها على ١٩٠ مثلا بدام فيها بلوتوث
استهلاك البنزين مابين ٨ و ٩ لتر لكل ١٠٠ كم
التوكيل لحد دلوقتى كويس لان الموضوع صيانات دوريه فقط وربنا يستر علينا ومنحتاجش غيرها
اعتقد موضوع قطع الغيار اصبح واحد فى كل الموديلات الجديده مفيش غالى ورهيص كله اصبح غالى واللى بيفرق هو انتشار العربيه اللى بيخلى ليها سوق قطع غيار خارج التوكيل
بالنسبه للبلوتوث عرفنا انه بيركب مع gpsبحوالى ٦ الاف جنيه وشخصيا انا مش محتاجه ويمكن هو ده الفرق الوحيد فى ٢٠١٤
بخصوص الاسترا هل لازم بنزين 95 ،ولو 92 هل ممكن الموتور يحصله حاجة على المدى الطويل
وبسمع ان فيها مشاكل واصوات غريبة ، يعنى كده هتبقى اعطالها كتيرة بعد 3 او 4 سنين من الاستخدام
وبالنسبة لسحب العربية هل هو احسن وﻻ الكورولا
الأسترا عربية جميلة، و التويوتا كمان. بس وطيان التويوتا غالبا هيخليني أصرف نظر عنها.
راي يا اوبل يا كورولا
الاول بسم الله الرحمن الرحيم دى اول مشاركه ليا فى المنتدى المحترم دا وبجد عاوز اقول انه فادنى جداااا ساعه لما قررت اجيب عربيه لانى كنت تقريبا فى نفس الحيره دى بس الحمد لله ربنا وفقنى وجبت السيراتو وهنا عاوز اقول ان سيراتو فى الشكل الجديد غيرت فكره الكورى عندى تماما لان انا كل اللى ركبته كان كورى معادا مره كان معايا جيب ٩٨ بس طبعا مش عاوز اقولكو البنزين كان عامل ازاى :waaaht: المهم السيراتو طبعا اوبشن حدث ولا حرج ونصيحه اللى يجيب يجيب اعلى فءه فيها علشان متندمش على حاجه ممكن تشوفها وتقول يارتنى وطبعا كل واحد وقدراته بس اللى انا عاوز اتكلم عنه دلوقتى مش الشكل ولا الاوبشن لا ابسلتولى ،،،،بجد انا عاوز اتكلم عن الثبات اللى كيا عملاه وعن تجربه مش مجرد سمع العربيه انت ممكن تمشى بيها ١٨٠ ولا تحس بالسرعه دى خالص ونظام التعليق فيها محترم جداااا انا طبعا مش هفتى واقول احسن او مش احسن لانى مجربتش التويوتا ولا الاسترا بس السيراتو الجديده فعلا غير الكورى اللى الواحد كان عارفه واتمنى انى اكون فدت الناس اللى قلقانه من قصه الثبات فيها وانا تحت امركو فى اى سوءال تحبو تسءلوه