التليفزيون الليد الجديد فلسع ..

**yasserelsayad** · 15-11-2013 04:46 AM

ايه علاقة الضمير بالموضوع دا وبعدين انت منين متأكد انه اتكسر عندك .. هل انت جربته قبل ما تروح بيه

انا لسه شارى واحد LG من virgin وقبل ما امشى وادفع حتى خليتهم فتحوا الكرتونة وطلعوا الشاشة وشغلوها وجربت كل حاجة وبعدين دفعت واخدتها ومشيت وركبتها فى البيت بنفس السيناريو بتاعك كدا

وخلى بالك الكسر بتاعها مش سهل خالص .. انا عندى شاشة فى اوضتى LED 32 بتاعت الـ playstation دى بتتمرمط معايا بشيلها ونزلها الجنينة واطلعها كتير ومفيش مشكلة يعنى شغالة كويس الحمد لله

**naser_56** · 15-11-2013 07:07 AM

ربنا يعوضك خير تقريبا انته وبتثبت الحامل الجزء الي بيركب في الشاشه ربطت علي المسامير بشده او استخدمت مسامير اطول من اللازم مما سبب ضغط علي الشاشه من الداخل واتكسرت

**Khalid_Mostafa** · 15-11-2013 07:17 AM

المشاركة الأصلية كتبت بواسطة naser_56

او استخدمت مسامير اطول من اللازم مما سبب ضغط علي الشاشه من الداخل واتكسرت

غالباً ده الي حصل و مادمت متأكد انها حصلت عندك يبقي مينفعش ترجعها فعلاً (هم ممكن يوفقوا يرجعوها و لكن ده مش حيكون حاجه صح و فيها شبهه)

**AshTurbo** · 15-11-2013 02:15 PM

لو المندوب كتبلك على الفاتورة " تم تجربة التلفزيون عند الأستلام " يبقى أنت كده مش هينفع تغيرها .

**lanos2004** · 15-11-2013 02:35 PM

ما فيش احسن من التلفزيون اللمبات بتاع زمان تديله علي قفاه علشان يشتغل
بس كسر ال سي دي ليس بالامر السهل

**طارق _عبد السلام** · 15-11-2013 02:39 PM

مهو لازم حضرتك تتعامل مع الضمان والشركه لحل المشكله وهم يقرروا ممكن لها طرق للحل
عندنا محل كبير ومحترم فى التعامل انا بشترى منه اى حاجه اشتريت منه غساله وفتح لى الكرتونه من فوق لانى كنت عايز لون معين للزجاج العلوى تبعها وكانت توشيبا فوق اوتوماتيك قولتلهم هى دى وطلعت دفعت تمنها وقلتلهم يبعتوها على العنوان وجاتلى اخر اليوم ومنتظرتش التوكيل يركبوها فتحتها وقطعت الاكياس وانا بركبها لقيتها متطبقه من تحت كأنها واقعه من الدور السادس :)
طبعا اتقفلت وكانوا قفلوا لان تليفونهم مابيردش وتانى يوم اتصلت عليهم وحكيت لهم حاله الغساله بكل احترام قالولى هنبعت لك واحده تانيه وهناخد البايظه قلتلهم الاكياس اتقطعت وطلعت الكتالوجات قالوا عادى احنا بنتصرف مع التوكيل وغيروها حتى من غير ما اروح لهم تانى
وفى مره واحد اشترى تلفزيون منهم وهو بنفسه بعد ماجربوا له التلفزيون بيحمله على التاكسى وقع منه واتكسر
وصاحب المحل هدى الرجل وطلع له تلفزيون تانى وقالوا احنا بنعرف نرجعه للشركه متقلقش
الغرض من كل اللى انا كتبته ده حاول وان شاء الله تغيره باقل تكاليف بس تعاملك معهم وبالضمان بتاعك

**lonedoctor** · 15-11-2013 03:14 PM

انا تعرضت لموقف شبيه من سنة ونص كنت شارى شاشة 52 بوصة بلازما سامسونج من كارفور والاخ اللى جربها وطلعها من الكارتونة تعمد يدارى على كسر فى جنب الشاشة ولما قلت له فى خط كسر فى جنب قال لى ده علشان البلاستر الملزوق عليها هو سبب الخط بصراحة انا اخدت الموضوع ببساطة ولما روحت البيت فوجئت انها مكسورة
رجعت لهم تانى بعد نص ساعة لانه انا ساكن فى المعادى وكارفور جنبى وقلت للمشرف الشاشة مكسورة ياباشا ولازم تغيرها فقعدوا يماطلوا وكل واحد يرمينى على واحد تانى واستنى المدير والغفير الخ
زهقت من اشكالهم ورميت الشاشة لهم وكتبت رقم جوالى على الفاتورة ورميتها باقصى قوة فى وش المسؤل عنهم وقلت له حسبى الله ونعم الوكيل فيكم لما ضميركم يصحى ابقوا اتصلوا على ومشيت وفوضت امرى لله
بعد يومين جالى اتصال منهم مالك يا استاذ وزعلان مننا ليه وكده قلت له والله انتم زهقتنونى وانا ما عنديش وقت للكلام وساعتها كنت نازل مصر اجازة وعندى امتحان زمالة بريطانية بعد اسبوع او 10 ايام وموش فاضى المهم قال لى تعالى خد تليفزيون جديد وما تزعلش
روحت عندهم واخدت واحد تانى واعتذروا عن اللى حصل
بصراحة لو شاكك انها اتكسرت منك يبقى عوضك على ربنا وقدر الله وما شاء فعل لو شاكك انها مكسورة منهم زى ما حصل معايا اطلب تغييرها
المهم الناس دى حويطة جدا بتخليك توقع على الفاتورة انك استلمتها سليمة خلى بالك يعنى قانونا ممكن يدبسوك فلى شاشة فيها عيب ممكن يكون عيب تشغيل مثلا ويقولك انت وقعت على انها سليمة
فى اى مكان فى العالم بيحصل كدة انا موش عارف؟