سيات ليون 2014 ؟أرجو الافادة

**Eng.Sameh** · 21-11-2013 01:14 AM

المشاركة الأصلية كتبت بواسطة syd

يا باشا رأيك على العين والراس .. بس حضرتك بتقول اللي مركبش الماني وحضرتك متعرفش العربيات اللي انا ركبتها .. عموما انا ركبت عربيات كتير وامتلكت عربيات كتير ( بغير كل كام شهر )

تسلم عينك
بعتذرلك لو كنت فهمتني غلط - بس انا بتكلم في منتدي يعني حضرتك وغيرك هيقرا الكلام دة وانا والله لما بتكلم مش بقصد بالتحديد العضو اللي انا واخد اقتباس منه - انا بوجه كلامي لكل اللي هيقراه - وباخد الأقتباس عشان يكون طرف اكمل منه كلامي واعبر عن وجهة نظري
ورأي حضرتك بالتأكيد علي راسي من فوق

ثانيا انا مقارنتش بكوري ومش بحب الكوري اصلا عشان نقطة الثبات والجودة ..

1+

انا كلامي مبني على المقارنة بينها وبين الجولف في قوة المحرك .. يعني مروحتش بعيد .. وكمان بيجو ٣٠٨ واللي اعتقد انها هتحقق نجاح اكتر بكتير من الليون والجولف كمان نظرا لشكها الغير ظريف اطلاقا في رأيي ..

تمام
اولاً ماينفعش نقارن الليون بالجولف - لسبب
ركيب الأبيزا او سيات عموماً عارف انه شاري عربية فولكس متبكدجة packing في هيكل من تصميم سيات اما جميع المكونات الداخلية من انتاج فولكس وطبعاً دة لأنها مبنية علي منصة platform فولكس الجديد mbq يعني مشتركة مع الجولف في وضعية المحرك وناقل الحركة والعفشة والفرامل وبيت المحرك والمقصورة الداخلية والشنطة - يعني فعلا هي جولف متعبية في هيكل ليون من انتاج وتصميم سيات مع الحفاظ علي النقاط الرئيسية للهيكل اللي لازم هتشترك فيها مع جولف وبردو ركيب الأبيزا بيعرف الكلام دة لما بيلاقي اجزاء خارجية كتيرة جداً متوافقة مع الجولف والبولو

اما عن المقارنة مع البيجو
للحقيقة انا مش ملم اوي بتفاصيل 308 غير بس اني بشوفها في الشارع
فعلا شكلها تحفة لكن والله ماعرفش اي حاجة عنها رغم ان ابن عمي مقدم علي شراء واحدة
بس عموماً ركيب الفرنساوي (بيجو - سيتروين - رينو) مختلف عن ركيب الألماني والسيات تحديداً

سواء الجولف او ال ٣٠٨ او اي هربية اوروبي برضو قوة الحصان اللي بتعلن هي الواقعية .. مش ميزة يعني في الليون .. انا عارف انهم لما بيقولوا ١٠٥ بيكونو فعلا ١٠٥ .. بس اال ١٠٥ دول في ظل المنافسة يعتبر نقطة قصور كبيرة ..

ليه ؟؟!!!
105 مش قليل اولاً - ثانياً التسارع والسرعة القصوي تعتبر نقاط للمقارنة
وعموماً انا متأكد ان اللي هيشتريها هيشتريها لميزة توفير الأستهلاك
علي سبيل المثال - لي صديق اشتري اوكتافيا 2014 وبيحط بنزين 92 بناء علي توصية من وكيل سكودا (طبعا دة اي كلام في اي حتة وانا اقنعته بالدليل من دليل المستخدم انها بتستخدم 95) لكن هو نظراً لغلاء ال95 مش بيحطه
لما النهاردة اجيبلك عربية 1.2 ببنزين 95 هتبقي زيها زي ال1.6 ببنزين 92
يبقي انا اسمي استمتعت بموتور قوي (تربو) وفي نفس الوقت حافظت عليه بالأضافة لأني ماصرفتش كتير لأنه محرك موفر جداً في استهلاك الوقود

خالص تحياتي

سعيد جداً بالنقاش مع حضرتك واتشرفت جداً بمشاركة حضرتك في القسم
تحياتي لشخصكم الكريم

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/seatnilemotors

يا باشا انا مقتنع ان الموتور حلو في حد ذاته .. لكن اللي مزعلني هي المقارنة مع الجولف .. يعني انا واحد من الناس مش عاجبني شكل الجولف وقافل منها للسبب ده .. وكنت مستني اشوف مواصفات الليون عشان شكلها احلى من الجولف بكتير وتعتبر جولف في الباقي .. لما نزلت اقل من الجولف في الموتور قفلت جدا ... يعني انا واحد من الناس عايز شكل وكماليات وقوة عربية .. وكده هما حطو الواحد ما بين مقارنة الشكل في الليون والقوة في الجولف .. ولازم تتنازل عن حاجة .. فببساطة فاكس الاتنين :)

**kariko** · 21-11-2013 01:26 AM

This is the link about the new leon with all the specs & prices, in my opinion it's a great deal & better than 308 & golf plus its Much more cheaper & has more options than other cars.
http://www.nilemotors.net/Nile/390352-2014.html

**برنس الليالي** · 21-11-2013 03:14 AM

ايوة كدا يا رجالة انا احب الناس العملية اللي تجرب وتدينا مش المتمسكين بالسمعة القديمة اللي زمنها ولى

انا كنت واثق 100% ان المحرك ممتاز وتسارع ممتاز واستهلاكه للبنزين ممتاز ومينفعش نقول خسارة المبلغ دا في العربية

يعني انتو عشان تقتنعو بالعربية لازم تكون بنفس محرك الجولف الجديدة وعايزنها بنفس سعرها ؟ يبقى احنا كدا بنهزر وتبقى الجولف بارت

المشاركة الأصلية كتبت بواسطة syd

انا اقول لحضرتك ليه بندافع عن المحرك ال1.2
اولا لأنه مش ضعيف زي ما الناس بتتكلم
لأن اللي ماركبش ألماني له حق يقول اكتر من كدة
لما محرك ألماني يتقال عليه انه بيخرج 105 حصان يبقي بجد بيخرج 105 حصان مش زي كتير من المصنعين اللي بيقولوا 115 وفي الأخر بالكشف يطلعوا كلهم علي بعض 87 بالعيش والسلطات
ودور في مواضيع المنتدي وحضرتك هتكتشف دة بنفسك من ردود الأعضاء
وعن تجربة شخصية لمحركات فولكس ال1.0 وال1.4 وال1.6 محركات قوية بجد وتحسها اكتر بكتير من سعتها اللترية

ثانياً الأستهلاك ودي ميزة تنافسية في وقت اولا ال95 ب6 ج ثانياً حد السرعات وحالة الطرق لا تسمح باكتر من كدة

اتمني قبول رأيي بصدر رحب

تحياتي لشخصكم الكريم

قصد حضرتك تقول ان المحرك الـ1.2 الموجود في الليون دوناً عن باقي محركات فولكس اللي مش بيتأذى من البنزين 92 زيهم ؟

**SYD** · 21-11-2013 11:00 AM

المشاركة الأصلية كتبت بواسطة eng.sameh

يا باشا انا مقتنع ان الموتور حلو في حد ذاته .. لكن اللي مزعلني هي المقارنة مع الجولف .. يعني انا واحد من الناس مش عاجبني شكل الجولف وقافل منها للسبب ده .. وكنت مستني اشوف مواصفات الليون عشان شكلها احلى من الجولف بكتير وتعتبر جولف في الباقي .. لما نزلت اقل من الجولف في الموتور قفلت جدا ... يعني انا واحد من الناس عايز شكل وكماليات وقوة عربية .. وكده هما حطو الواحد ما بين مقارنة الشكل في الليون والقوة في الجولف .. ولازم تتنازل عن حاجة .. فببساطة فاكس الاتنين :)

يا باشا ماتزعلش نفسك
انا متهيألي بنسبة 90% ان اعلي فئة في الليون هتنزل بالمحرك 1.4
ولو مانزلتش في موديل 2014 هتنزل السنة اللي بعدها
اتعودنا علي كدة مع فولكس وباقي سيارات المجموعة - الاول فولكس تنزل عربياتها بالتكنولوجيا الجديدة وبعدها بسنة تنزل في كل عربيات المجموعة
وبالتالي ممكن تنزل السنادي لأن جولف 7 نزلت من اول موديل 2012 بالشاسيه الجديد يليها في 2013 ليون بالشاسيه الجديد ثم اوكتافيا الجديدة في 2013

تحياتي

**SYD** · 21-11-2013 11:06 AM

المشاركة الأصلية كتبت بواسطة برنس الليالي

قصد حضرتك تقول ان المحرك الـ1.2 الموجود في الليون دوناً عن باقي محركات فولكس اللي مش بيتأذى من البنزين 92 زيهم ؟

لا انا ماقولتش كدة وماينفعش اقول كدة
انا قولت ان ال1.2 مش هيحسس صاحبها بغلاء ال95 لأنها موفرة جداً وبالتالي مصاريف البنزين هتبقي كأنك راكب 1.6 ببنزين 92

لكن انا عمري ما افتي واقول ان محرك tsi يشتغل عادي ببنزين 92 بدون مشاكل

تحياتي

**ahmad_starac** · 21-12-2013 08:07 PM

بالنسبه للموتور انا شايف انه مش ضعيف للدرجه دى....وانا شخصيا مجربتوش...بس انا على قناعه تامه انه افضل من اى موتور 1600 بدون تربو موجود على الساحه مهما كانت عدد احصنته
الفرق ممكن ميبقاش كبير...بس يستحيل ان ال1600 العادى يتفوق على ال1200 تربو بتاع الليون وكفايه انك هتكسب نقطه توفير البنزين والترخيص...
الكلام دا اجتهاد شخصى بس بناء على تجربة شخصية مع التربو فى البرافو اللى امتلكتها لمدة عام كامل 1400 120hp ولاحظ انها 120 حصان بس يعنى اقل من السيراتو والالنترا والسيفيك ودول العربيات اللى انا شديت معاهم بنفسى....والسيفيك بالذات لانها مع واحد صاحبى شديت معاه على جميع السرعات ومن الثبات لحد 180 والله فعلا حتى مقرب منى....تقبلوا مرورى
اه نسيت..ابن عمى معاه ابيزا 2010 dsg عامله 81000 كيلو وحتى الان بدون اى مشاكل والحمد لله وهو على حسب معرفتى ميعرفش التوكيل دا مكانه فين اصلا...شكرا

**CosmicOne** · 23-12-2013 06:55 AM

يا شباب الفيصل فى اداء المحرك و الي بيحسسك بالقوه هو عزم المحرك

الليون ١٧٥ نيوتن متر يعني اقوى من اي محرك ١.٦ عادى في مصر حاليا

تاني حاجه مظنش ان في اي عربيه ١،٦ فى مصر سرعتها القصوى الرسميه في الكتالوج توصل لل١٩١ كم بتاعت الليون خالص

سؤال بقا

ليه بنزين ٩٢ ممكن يعمل مشاكل؟ التوكيل بيقول عادي ؟؟

**corolladestroyer** · 23-12-2013 12:31 PM

المشاركة الأصلية كتبت بواسطة cosmicone

يا شباب الفيصل فى اداء المحرك و الي بيحسسك بالقوه هو عزم المحرك

الليون ١٧٥ نيوتن متر يعني اقوى من اي محرك ١.٦ عادى في مصر حاليا

تاني حاجه مظنش ان في اي عربيه ١،٦ فى مصر سرعتها القصوى الرسميه في الكتالوج توصل لل١٩١ كم بتاعت الليون خالص

سؤال بقا

ليه بنزين ٩٢ ممكن يعمل مشاكل؟ التوكيل بيقول عادي ؟؟

بص حضرتك هوا حتى الان مفيش مشاكل خالص مع ال ٩٢ والحمدلله مفيش كركره برضو نهائي...
والسحب ممتاز والاستهلاك برضو...

الموضوع: سيات ليون 2014 ؟أرجو الافادة

LinkBack

أدوات الموضوع

عرض

-

-

-

-

المواضيع المتشابهه

شراء أٍسترا كوزمو ....أرجو سرعة الافادة 2014

سيات ليون 2000

سيات ليون!!!!!!!!!!!!!

سيات ليون

الكلمات الدلالية لهذا الموضوع

المفضلات

المفضلات

ضوابط المشاركة