ياريت حد يقولى الأسعار دى مظبوطه ولا أضحك عليا
السلام عليكم
كانت ظهرت عندى مشكله فى العربيه ووديتها للميكانيكى يصلحها وبالصدفه كان فاضى فسيبت العربيه معاه كذا يوم وقولتله شوف كل الحاجات التالفه فى العربيه وغيرها " لان العربيه فيها حاجات كتير كانت عايزه تتغير بس طبعا اى ميكنايكى كان بيعمل الشغل المطلوب منه وخلاص محدش بيلفت نظرى لحاجت تالفه انما من حسن حظى ان الميكانيكى المره دى كان فاضى فأتسلى عليها وطبعا كنت كل يوم بروح اقعد معاه بليل واشوف الشغل قدامى
المهم يا جماعه غيرنا الحاجات التاليه وفى حاجات مكانتش موجوده اصلا زى مسامير هقولكوا عليها وجبناها طبعا بس انا بتمنى لو حد من الاعضاء الخبره فى الجيب شيروكى اربعه سلندر 93 يقولى اسعار الحاجات دى مظبوطه ولا اضخك عليا لانى بخلى الميكانيكى يروح يجيب قطع الغيار بنفسه وبحاسبه فى الاخر
الحاجات اللى أتغيرت كالتالى :
طرمبه ميه = 300 جنيه
3 طبات ميه = 75 جنيه
2 رشاش = 100 جنيه
كتاوت دنمو = 120 جنيه
2مساعدين شنطه = 280 جنيه
فلتر بنزين = 50 جنيه
فيش وكتاوت للأسف مش فاكر عددهم = 200 جنيه
مسمارين كبس شكمان = 50 جنيه "بيقولى المسمار ب 25 جنيه "
10 مسامير فرن = 100 جنيه " بيقولى المسمار بعشره جنيه "
بلية شداد = 25 جنيه
اسبراتير = 450 جنيه
مصنعية كهربائى عشان رمم الضفيره اللى فوق جنب الموتور = 300 جنيه
ياريت يا جماعه الناس تقولى الاسعار دى معقوله ولا أتعمل عليا اشتغاله ؟