الموضوع: هل الحياة عادلة ؟!

المشاركة الأصلية كتبت بواسطة eng wael

الحياه هى قدرك الذى كتبه الله عليك من رزق وولد وصحه وجاه ومنصب
فاعلم ان الله هو العادل الحق
عندما يضيق الله عليك الرزق فانظر الى بدنك السليم واحمد الله لان غيرك مصاب ويتمنى الصحه
الرضا ثم الرضا بما قسم الله

الحمد لله حمداً كثيراً

المشاركة الأصلية كتبت بواسطة amr011111

ماذا تقصد بهل الحياه عادله هل من منظور المال ام من اى منظور
معظم الناس إلا من رحم ربى بتعتقد ان علشان الحياه تبقى عادله انه المفروض يبقى غنى جداً وساكن فى فيلا وهكذا وذلك لأننا ننظر للحياه بمفهومنا أحنا ولكن فيه أشياء بنغض الطرف عنها فمثلا فيه ناس معاهم فلوس كتير جداً ومش هقول ان صحتهم تعبانه لا صحتهم كويسه برضه بس فيه حاجات بتخليه مش مبسوط كأنه مثلا فقد أحد أبنائه او أحد والديه فى سن صغير او انه معندوش راحة بال

زياره واحده فقط لاى مستشفى والانسان يحمد ربنا من هنا لاخر يوم فى عمره

ولو حصل وكل الناس معاها فلوس هتلاقى كل الناس مش محتاجه تشتغل ومش هنلاقى الزبال ولا السباك ولا النجار و...

أقصد التعب فى الحياة وتحصيل القليل فى حين أن هناك من لا يتعب والدنيا تحت أطراف أصابعه، والحال ينطبق على الدول والبلدان، بلاد غنية بالثروات والخيرات والموارد وأخرى لا تجد ما تداوى به مرضاها .. الأمر عجيب!

المشاركة الأصلية كتبت بواسطة mgheam

طبعاً ليست عادلة
ولو كانت عادلة ماكان هناك اخرة تقتص من الظالم ويأخذ المظلوم حقة اللى ضاع في الدنيا

إذن أنت ترى أن النصف الأول (الحياة الدنيا) غير عادل ..

المشاركة الأصلية كتبت بواسطة حاتم سليم

rapid بك

اذا كنتُ تقصد بالحياه

الوقت من الميلاد للموت

فقطعاً هى ليست عادله . :n_no[1]:

اما اذا كنت تقصد بالحياه الوقت من الميلاد مروراً بالموت

ثم البعث و الحساب ثم الخلود فى الجنه او النار ( و العياذُ بالله )

فهى عادله و زى الفل ...

سيد حاتم،
بالطبع أقصد الحياة الدنيا التى نعيشها قبل الموت
معادلة السعادة والشقاء الدنيوى !

المشاركة الأصلية كتبت بواسطة imhotep

ايه هى الحياة؟ هى عبارة عن التفاعلات اللى بتحصل بين الناس و بعضهم كنتيجة للتعاملات بينهم يعنى الواقع اللى احنا عايشينه
و بالتعريف ده فهى طبعا غير عادلة

و لازم نفرق بين حاجتين عشان اللخبطة

الواقع و هو ده اللى غير عادل لان حياتنا كل شئ فيها نسبى و البشر كمان تقديرهم للاشياء نسبى فبالتالى مفهوم العدل بين البشر ايضا نسبى

لازم نفرق بين الواقع بتعريفه اللى فات ده و بين القدر اللى ربنا كاتبه لكل شخص...... و ده العدل فيه مطلق لانه يكتسب هذه الصفة من عدل الله سبحانه و تعالى و علمه المطلق ببواطن الامور

هل الواقع جزء من القدر؟

المشاركة الأصلية كتبت بواسطة rapid

هل الواقع جزء من القدر؟

الاجزاء اللى فى واقع الانسان اللى لم يختارها فى حياته هى جزء من قدره. . . يعنى اهله و بلده و المكان اللى اتولد فيه و هكذا. . . لكن لما بيكبر الانسان ممكن يغير حاجات من دى

المشاركة الأصلية كتبت بواسطة imhotep

الاجزاء اللى فى واقع الانسان اللى لم يختارها فى حياته هى جزء من قدره. . . يعنى اهله و بلده و المكان اللى اتولد فيه و هكذا. . . لكن لما بيكبر الانسان ممكن يغير حاجات من دى

للأسف التغيير ليس فى استطاعة الجميع