فيلا الكونت دراكيولا بذات نفسه في مصر وللبيع كمان (تحفه معماريه في العبور )

وانا قاعد عالفيس وكالعاده اعلانات دويزبيل الي مبفتجهاش من اساسه متلقحه
بس لقيت اعلان عن فيلا
وصوره غريبه محطوطه
ابص فيها شمال ويمين مش شايف ولا عارف ايه ده
فتوكلت علي الله ودوست علي اللينك اشوف الاعلان

تخميني انها بيت دراكيولا وانه لما لقي الناس معندهاش دم في مصر راح ياكل في حته تانيه
وتعليق تاني قال انها فيلا ماسونيه بحته
ومن رايي انها تنفع كباريه معتبر لعبده الشيطان
مش لاقيلها تفسير فعلا
فاسيبكم مع الصور يمكن حد يقدر يفسرلنا التحفه المعماريه دي المعماريه دي

http://87421a79fde09fda7e57-79445249...ed349/main.JPG
http://87421a79fde09fda7e57-79445249...ed349/main.JPG


http://87421a79fde09fda7e57-79445249...ed349/main.JPG


http://87421a79fde09fda7e57-79445249...918dd/main.JPG


http://87421a79fde09fda7e57-79445249...a87d4/main.JPG



صحيح
صاحبها طالب 4 مليون و200 (:
وحد يقولنا الناس دي بتشرب ايه علشان منشربش منه

شوفتلها اعلان في دوبوزيل بردو ب 9 مليون و400 الف .. بس ايه السر ان السعر ينزل النص كدة ...

هيا بصراحة شكلها يقرف بس ملفتة اوي للنظر وفكرتها مطرقعة

التفسير انه بني ادم محدث نعمة و فاهم ان كل الناس هتحسده و بما انه بني ادم بيئة و جاهل فهو فاهم ان رسمة العين هتحميه من الحسد

أموت و أعرف المعمارى كان بيفكر فى إيه !!!

اقتباس:

---

المشاركة الأصلية كتبت بواسطة eng f3lix

شوفتلها اعلان في دوبوزيل بردو ب 9 مليون و400 الف .. بس ايه السر ان السعر ينزل النص كدة ...

هيا بصراحة شكلها يقرف بس ملفتة اوي للنظر وفكرتها مطرقعة

---

حتلاقيه شال منها ادوات التعذيب والخوازيق
كل ده بيعمل فلوس برضه

اقتباس:

---

المشاركة الأصلية كتبت بواسطة أحمد كمال

التفسير انه بني ادم محدث نعمة و فاهم ان كل الناس هتحسده و بما انه بني ادم بيئة و جاهل فهو فاهم ان رسمة العين هتحميه من الحسد

---

بس واخده ناصيتين برضه يا كمال دي حقيقه منقدرش ننكرها ههههههههه

اقتباس:

---

المشاركة الأصلية كتبت بواسطة ahmed_ramadan

أموت و أعرف المعمارى كان بيفكر فى إيه !!!

---

دا محماري مش معماري يا رمضان
تلاقيه كان ضاربله شريطين هلوسه وراح راسمها
راح واحد تاني كان ضارب 200 قرض غيابب ماضي معاه عقد انه ينفذها

دراكيولا ولا المسيخ الدجال؟

ده كان بيت رعب بس المشروع فشل

تعليقات الاخوه الاعضاء هلكاتني ضحك :) :)
بصراحه مش عارف الرموز والطلاسم دي ايه وتماثيل وحركات
وموضوع اعلان ب 9 مليون وبعدين ب 4 ده مش عارف ممكن يكون اعلان وهمي ؟؟

على فكرة الراجل دة دماغة عالية جدا جدا وعندة خيال كمان
دة فية ناس برة بتعمل بيوتها على شكل قوارب وعلى شكل احذية

الناس مش شايفة الوجة الاخر للموضوع
فن معمارى جديد فى مصر مبتكر ومفتكس وفية خيال عالى

بصراحة موقعها اصلا متميز .. الحي الرابع على الطريق الواصل بين جيرو لاند والعبور من جوة .. وقدام بوابة جمعية عرابي يعني الخروج منها في منتهى السهولة ... بس ده ميمنعش انها تقرف بردو

ايه المنظر المقرف ده

ههههههه صباح الدماغ المتكلفه
بس هي بخلاف العين ملهاش علاقه بدراكولا و عبده الشياطين و كده
ده شكله راجل جاي من ادغال افريقيا
و راسم الادغال دي علي الفيلا
دي فيه اسود و فهود و فيله

هى تنفع فى حاله واحده لو هاخدها اعملها اسطبل حصنه لحسن مضيقين عليا البيت وبدورلهم على مكان يعيشوا فيه
ههههههههههههههههههههههههه هههههههههههه
بس دى اكيد نقاش هو اللى حط تصميم البيت ده ههههههههههههههههههههههههه ههههههههههههههههههههههههه ههههههههههههههه

شكلها مش طبيعي و غير مريح زي ماتكون جنينه حيوانات

المعماري مش ليه ذنب
تصميمه بيكون بناء علي طلب صاحب المكان
وبيعرض عليه اكتر من تصميم للشغل اللي هو عايزه وبيختار بينهم
يعني المعماري يستحق التحيه علي شغله

اقتباس:

---

المشاركة الأصلية كتبت بواسطة أحمد كمال

التفسير انه بني ادم محدث نعمة و فاهم ان كل الناس هتحسده و بما انه بني ادم بيئة و جاهل فهو فاهم ان رسمة العين هتحميه من الحسد

---

مين قالك انه هو فاهم ان رسمة العين هتحميه من الحسد ؟
مش يمكن اختار التصميم دا لمجرد انه بيدور على تصميم غريب او غير تقليدى او ايا كان اللى ف نيته

و بعدين ملكش الحق انك توصف انسان متعرفوش بالاوصاف دى
مش ممكن يكون متعلم احسن منك ؟ ,, فا بلاش توصفه بالجهل

و اصلا الرجال حر ف بيته ,, يصممه ع الشكل اللى يريحه هو بس
طالما هو مضرش حد و طالما هو اللى بيدفع و طالما هو مرتاح كده

@SHNORY

يا سيدى الفاضل ,, مش من حقنا اننا ناخد صور ممتلكات الناس و نجعلها مادة للسخرية
لو كان طلب رأى الناس فيها كنا قلنا ماشى كل واحد يقول راية ,, انما دا عارضها للبيع
اتمنى ان حضرتك تمسح الموضوع لانه تعدى على حريه الاخرين

فين الصورة مش ظاهرة ليييييييه ؟

حلوة بعد ما تتهد وتطلع من اول وجديد

اقتباس:

---

المشاركة الأصلية كتبت بواسطة monamize4

@shnory

يا سيدى الفاضل ,, مش من حقنا اننا ناخد صور ممتلكات الناس و نجعلها مادة للسخرية
لو كان طلب رأى الناس فيها كنا قلنا ماشى كل واحد يقول راية ,, انما دا عارضها للبيع
اتمنى ان حضرتك تمسح الموضوع لانه تعدى على حريه الاخرين

---

فلا .. معاك حق

راجل مهووس.

اول مرة اشوف حاجة كده بصــراحة !

شكلها مش حلو
بس بعد انتشارها على الانترنت بالطريقة دي تعتبر دعاية مجانية وممكن تتحول لمشروع تجاري
مثلاً مطعم الاستايل بتاعه مصاصين دماء او حاجه زي كده
وممكن تنجح جداً نظراً لغرابة الفكره والشكل والدعاية المجانية اللى اخدتها من استغراب الناس لها ونشرهم لصورها

غريبة جدا بصراحة

شوف ياشنورى
الفيلا دى احتار الاطبا فى فهمها ناهيك عن المهندسين
بس معلومة كدة على السريع انا من يوم ماسكنت فى العبور والفيلا دى معروضة للبيع ولحد دلوقتى ماتباعتش
المعلومة التانية بقى ان صاحب الفيلا عرضها للبيع بمجرد الانتهاء من عملها
تقريبا عملها يضايقنا بيها وخلاص

الفيلا دى مبنية على طراز معمارى ظهر فى اسبانيا اسمه الارنفو بس بصراحة مكانش اوفر اوى كده - فى الغالب الفيلا خليط بين نظام الارنفو و السسشن و الاردكو

ممكن تشوفوا اعمال انطونيو جاودى فى اسبانيا هاتعرفوا ان احنا بس الى متعودين على ستايل البناء الصندوقى بتاع مبانى الستينات

فى مبنى فى مصر قريب من كده بس من غير الحاجات دى كلها و هو المعبد اليهودى نفس الطراز ده