-
استفسار بخصوص الشكمان
من ساعة ما جيبت العربية من سنتين والشكمان (العلبة الخلفية) مصدية ومنيله ولقيتها مرة بتنق مية المهم رحت لبتاع شكمانات لحمها وقالى تمشيك سنة كمان. كبرت دماغى.
وكان صوت العربية عالى لكنه هدى لما غيرت جوان الفرن (وانا بغير الطبب)
المهم من رمضان اللى فات صوت العربية على وروحت للميكانيكى قالى عادى. وروحت لواحد بتاع شكمانات قعد يخبط ويرزع فى العلبة الخلفية قالى عايز يتغير (بس كان حرامى ) لكن المفاجـأة لقيت صوت العربية هدة وعادى.
حاليا الصوت مش عالى قوى لكن مش مريحنى
فعايز اعرف علامات تلف الشكمان.
ملحوظة: العربية بتجيب 120 بالقوة من ساعة ماجيبتها وانا مغير تقريبا كل حاجة. طرمبة البنزين ما بتزنش ولاحاجة.
مش ممكن كتمه الشكمان هى اللى تعمل كدة ىن صوت العربية ببدأ يعلى بعد 80
-
غير الشكمان
بص انا ليا تجربة مماثلة
كان عندي السحب ضعيف شوية يعني كنت بجيب 120 بالعافية
وكان كل حاجة زي الفل .. بس كان صوت العربية غريب (عالي شوية) وكان في صوت شخلله في الشكمان وتحس ان العربية مكتومة شوية
قلت لازم اشيك على الشكمان عشان اقطع الشك باليقين
لقيت كل علب الشكمان متآكلة من الداخل
غيرتها كلها بحوالي 450 جنيه (بديل علبة البيئة+العلبة الوسطى+العلبة الخلفية) (النوع: ابو اليزيد)
الحمد لله العربية دلوقتي فوق الممتازة .. السحب فوق الممتاز .. الصوت رايق .. جبت بالعربية لغاية 160 وكنت ممكن ازود.
ياريت اكون افدتك
-
هحاول اكشف على الشكمان وياريت حد يقولة على حد بتاع شكمانات كويس غى المنصورة انا كنت سائل على العلبة الخلفية كانت ب180 از 200
-
لسه مركب العلبه الخلفيه ب200 ابو اليزيد
-
العربية لو مكتومة من الشكمان اولا السرعة هتقل جدا والعزم كمان هيقل جدا كمان عمر الموتور الافتراضى هيقل والعربية هتسخن بسرعة وكل المشاكل اللى ممكن تتخيلها لدرجة انها ممكن متدورش بسبب كتمة الشكمان وطبعا السرعة والسحب والصوت والشخلله كل دة من اعراض ضياع الشكمان
-
انصح بعمل اي شغل في الشكمان من تغيير علب و علبه بيئه او بديلها .. عند شركه ابو اليزيد لأن الشركه دي هيه اللي عامله شكمان الدايو في مصر ..و شغلهم نضيف و فاهمين و كتير بيشكروا فيهم .. كلمت مره مهندس اسمه امير هناك و سألته عن تغيير علبه البيئه فقاللي انهم عندهم العلبه الاصليه و ليها بديل بردو أرخص .. و قاللي فرق الصوت لا يذكر .
-
العربية سحبها ماشاء الله كويس لحد 100 بعد المية لو ركبت على بدال البنزين بنوصل ل120 ل130 بالقوة. ومعنديش صوت عالى
-
-
ممكن اعرف مكان ابو اليزيد فين فى القاهره علشان انا عندى نفس المشكله
-
المصنع في 6 اكتتوبر ... و ليهم فرع في احمد سعيد - العباسيه ... و تقريبا ليهم فرع للصيانه في الملك الصالخ
اتصل بارقام المصنع و اسال علي مراكز خدمه الصيانه : 02-38331091, 02-38330657, 02-38334090, 02-38334071
Content Relevant URLs by
vBSEO 3.6.0 PL2