الموضوع: لاول مرة من 3 سنين: ستاندرد اند بورز ترفع التصنيف الائتماني لمصر

المشاركة الأصلية كتبت بواسطة eslamrace

ربنا يباركلك على المعلومات دى ودايما تاعبك انا باسئله كتير بس معلش حابب اعرف لو حسبنا قدراتنا الدفاعيه والجويه اللى اتكلمنا فيها قبل كده فى موضوع "التسليح الروسي " بعد اضافه الصفقات دى مقارنه بالاسلحه الاسرائيليه كدوله معاديه تفتكر كل بلد تاخد كام من 10 فى اسلحه الدفاع الجوى والقدرات الجويه علشان بس نفهم وضعنا الحالى مع اعتبار ان اسرائيل بتطور اسلحتها بنفسها .
وشكرا ليك على المعلومات .
تحياتى .

تقديرى الشخصى من خلال معرفتى بقدراتنا و قدرات الاسرائيليين هتخلى التقييم ينقسم ل 3 حاجات.....
1- تكنولوجيا
2- تجربة و فعالية فى الميدان
3- العامل البشرى بقدراته و تدريبه

اسلحة الدفاع الجوى:
1- التكنولوجيا:
مصر 8.5/10....................... اسرائيل 9/10
هتقولى ايه اسباب تفوق اسرائيل حتى لو بدرجة بسيطة...... هقولك السبب انهم بيستخدموا تكنولوجيا فريدة من نوعها و بيطوروها بنفسهم و بيصمموا بيها انظمة ليس لها مثيل فى العالم زى مظلة الدفاع الجوى المتعددة الطبقات اللى كنا اتكلمنا عليها قبل كده...... احنا بقى فى اسلحة الدفاع الجوى مازلنا بنعتمد فيها على اسلحة روسى فعالة جدا لكن التكنولوجيا بتاعتها ليست على درجة التقدم التكنولوجى لدى الاسرائيليين...... عاملة كده زى البندقية الكلاشينكوف...... هى افضل سلاح شخصى لفرد مقاتل فى العالم و الاكثر انتشارا...... مش عشان التكنولوجيا بتاعتها...... لكن عشان سهولة الاستخدام و الصيانة و قلة الاعطال رغم انها ليست الادق فى التصويب مثلا

2- التجربة و الفعالية فى الميدان:
مصر 9/10.................. اسرائيل 8.5/10
اسلحة الدفاع الجوى المصرية لانها معظمها روسى فهى اتجربت فى ميادين القتال المختلفة حول العالم و اثبتت فعالية عالية جدا على مر العقود من 1973 و ما تلاها........... اسرائيل انا اعطيتها 8.5 لسببين اولهم اعتمادا على نسبة نجاح نظام القبة الحديدية فى اعتراض صواريخ القسام و دى كانت 85%...... ثانيا ان لسه النظومتين المكملتين اللى هم مقلاع داوود لاعتراض الصواريخ المتوسطة المدى بتاعة حزب الله و نظام حيتس 2 لاعتراض الصواريخ الباليستية الطويلة المدى بتاعة ايران دول لم يتم تجربتهم ميدانيا اصلا خاصة لو stress test اللى نظام الاعتراض بيبقى معرض انه يتعامل مع عشرات الاهداف فى وقت واحد
المشكلة ان الاسرائيليين مبيهمدوش و لا يرضوا بأقل من الدرجة الكاملة او قريبا منها جدا...... عشان كده ال 85% نسبة نجاح نظام القبة الحديدية هيفضلوا يحسنوا فيها لغاية ما توصل ال 95-98% على الاقل

3- العامل البشرى بقدراته و تدريبه
مصر 9/10................. اسرائيل 9/10
هنا تعادل فى ناحية التدريب و القدرات الفنية مع عامل مهم يصب فى صالح الجندى المصرى...... هى شعار النصر او الشهادة اللى عند الجندى المصرى و مش عند الجندى الاسرائيلى...... احد الظباط اللى حاربوا فى 73 حكى مرة قصة ذات مغزى فى السياق ده....... فى مدفع مضاد للطائرات بأربع مواسير...... بيقعد عليه جندى واحد و يتثبت عليه و عند اقصى قدرة نيرانية بيضرب 4000 طلقة فى الدقيقة يعنى بيعمل خرطوم من النيران يصل الى السماء...... الظابط اللى قلت عليه ده كان مسئول عن كتيبة دفاع جوى فى 73....... قال ان احد جنود كتيبته استشهد و هو يشتبك مع طائرة فانتوم اسرائيلية بعد ان قامت الطائرة الاسرائيلية بأصابة موقعه اصابة مباشرة نتج عنها شظايا فصلت النص الاسفل للجندى...... لكنه استمر فى الضرب على الطائرة لحوالى 30 ثانية بعد اصابته فى مشهد لا يصدقه العقل...... الى ان تمكن من اصابتها و تدميرها....... و بعدها سقط شهيدا من على مدفعه....... هو ده الفرق بين الجندى المصرى و الاسرائيلى
------------------------------------------
القدرات الجوية:
1- التكنولوجيا:
مصر 7.5/10 ................. اسرائيل 9/10
طبعا دى الكلام فيها واضح و رغم ان المكون الامريكى حاليا عندنا كبير و احنا حاليا عندنا ما لا يقل عن 200 طائرة f16 على مدار ال 30 سنة اللى فاتت...... الا ان الرادارات بتاعتها مثلا مش بنفس مدى الرادارات اللى فى الطائرات الاسرائيلى....... الطائرات الروسى الجديدة لما تنضم لاسطولنا الجوى ممكن تزودنا نصف درجة كمان

2- التجربة و الفعالية فى الميدان:
الاتنين يتساويان لان كل الطائرات اللى بيستخدمها الجيشين مجربة و معروفة مع ملاحظة الفروق السابق ذكرها بين كفاءة رادرات نفس الطائرة فى حالة كلا الجيشين و غيرها من فروق و هنا انا بتكلم عن الطائرات ال f16 تحديدا و اخواتها

3- العامل البشرى بقدراته و تدريبه
الاتنين يتساويان ايضا كقدرات فنية مع اضافة دافع النصر او الشهادة السابق ذكره للطيار المصرى