انا بسمع صوت تسقيف ضعيف جدا لما الشارع بيكون في حاله سكون دا من ايه اكسنت ار بي اوتو 2012 عامله 11000 كيلو وشكرا
عرض للطباعة
انا بسمع صوت تسقيف ضعيف جدا لما الشارع بيكون في حاله سكون دا من ايه اكسنت ار بي اوتو 2012 عامله 11000 كيلو وشكرا
في الغالب من البنزين بتاعنا,,
وبرضه لو حاطط زيت موبيل أو نوع زيت تاني نص تخليقي أو لزوجته عالية ممكن يخليها تسقف.
لأن العربية كانت بتسقف معايا بغباء لما كنت بحط لها موبيل في التوكيل,
عندى نفس القصه بس راحت لوحدها مش عارف ليه
-التسقيف بيقل في الشتاء و بيزيد في الصيف مع التكييف و الحر
- و احب اقولك انه عيب Octane البنزين لاني مجرد ما كنت بحط 95 قبل ارتفاع سعره كان بيسكت التسقيف وقتي و كمان ال compression ratio بتاعها 10.5:1 و ده محتاج بنزين نظيف
-تعايش مع الامر لكن انا عندي ملاحظة لو قرصت على العربية حبتين على Steptronic او kick-downs التسقيف بيقل بصورة ملحوظة
كنت قريت في منتدي أجنبي إن الزيت التقيل بيحمل علي عمود الكامات العلوي,, وعلي عمود الكرنك اللي بيحرك البساتم لفوق وتحت,,
كمان المواتير الجديدة كلها متصممة أنها تمشي بزيت تخليقي كامل وهيا لسه جديدة,,
عشان الزيت دي بتقدر توصل لدرجة حرارة التشغيل الطبيعية في أقل وقت,
وبتقدر تقوم وتشغل الموتور من درجات حرارة منخفضة جداً بتوصل ل -35
ودا مش بيحصل مع الزيوت النص تخليقي والمعدنية اللي بتخلي الموتور ميدورش لو درجة الحرارة قلت عن صفر,,
عندك كمان الزيت التقيل بياخد وقت أطول علي ما يوصل لدرجة حرارة التشغيل الطبيعية
وكمان بياخد وقت علي ما يوصل لكل أجزاء الموتور الداخلية ويزيتها كويس, وفي الوقت دا بيحصل تأكل خفيف في البلوك.
والزيوت التخليقية الكاملة عليها أضافات بتساعد علي حماية البلوك والبساتم,, وعشان تعيش الزيت لحد سنة كاملة, أو 10 الأف كيلو كا متوسط,
الكلام دا مش موجود في الزيوت النص تخليقية والمعدنية,,
أخر حاجة زيت موبيل التخليقي كامل اللي هان في مصر سئ إلي أقصي درجة ممكن تتخليها,
لما كنت بحطة في التوكيل كان بيخلي العربية تسقف تسقيف هيستيري علي السرعات المتوسطة ومع نقلات الغيارات لو دوست لها شوية عشان أجمع سرعة,,
من ساعة ما غيرت لزيت شيل الحمدلله العربية أتظبطت كتير, ومبقتش تسقف غير كل فين وبسمعها بالصدفة,
أسنخدام زيت تقيل ولزوجته عالية لموتور مصمم أنو يمشي بزيت تخليقي كامل واللي بيقولو عليه 10 ألاف كيلو يقصف عمر طلمبة الزيت عشان بتعتل عشان تضخ زيت اتقل من اللي هيا مفروض تضخه وده يقلل من كميةو الزيت اللي رايحة وش لاساندر وكمان تسد الكستبانات اللي دورها كبس الصبابات لأسفل داخل غرفة الحريق فتبص تلاقي العربية الصبح تترج وتشتغل 3 سيلندر او حتى 2 لغاية متسخن العربية تنتظم.
أبقي أقراء المشاركة دي هتفيدك كتير,
http://www.nilemotors.net/Nile/28353-a.html#post307246
طيب ايه رايك انا بحط الكاسترول ايدج سبورت 10w60 تخليقى كامل طبعا
لان زيت شل التخليقى لما استخدمته لاحظت انه اتحرق على 3000 ك بس مكنش ناقص بس فى نفس الوقت لما كنت بطلع ايدى من الشباك ( لانى مبعرفش اسوق غير كده :) كان سخونة شديدة جدا من ناحية الموتور بتطلع لدرجة انى مكنتش بستحملها ولذلك مبحطتش شل مع انى كنت بشتريه من محطاته
ولما نزلته لقيت الفنى بمركز الخدمة بيقولى هو ده زيت التليين شوف لدرجة ايه
-10ًW60 ده Racing oil ده ولا ايه.....الزيت ده اكبر غلطة في التاريخ :Oc_sun1[1]:
-يابيه العربية عندي ماشية ب 5W30 زي الفل و ده كلام اللي مصنعها..
- أضف لمعلوماتك ان كل اللزوجات بره بينزل منها Conventional oils و synthetic oils
-مش لازم يكون Synthetic عشان يكون خفيف
-يعني فيه لزوجات 0W40 0W30 5W30 Conventional oils عادي جدا
-ال synthetic مفيد لانه بيوفر سريان عالي في درجات الحرارة المنخفضة قوي او منخفضة بس زي عندنا
ولانه زيت Synthetic فهو بيعطي حماية للزيت من oxidation و الhigh shear ( اللي بيأدوا لفقدان الزيت لزوجته عند درجات احرارة العالية ) عند درجات الحرارة العالية جدا و المواتير الTurbo-charged ا
-أكثر Wear للموتور بيحصل عند بدء التشغيل و ليس التشغيل العادي
-الموتو كده كده شغال عند درجة تشغيل ثابته سواء صيف او شتاء بسبب دورة تبريد المياه و الزيت
-10W60 ده هيوسع motor clearances ( هتفقد ال Copmression العالي بتاع المحرك بتاعك و بالتالي HP ) و طبعا طبعا هيأثر على عمل CVVT و هيرفع استهلاك البنزين جدا
-أنا عايز أقولك بعد ما حطيت 5W30 بدل 5W40 فرق درجات اللزوجة عند 100 درجة من13.1 الي 12.2 ( عند درجة حرارة الموتور العادية ) و الجو بقى شتاء استهلاك البنزين مش بيرتفع عن 8 لتر-100كم
-يا بيه 8 ده في عز الزحمة و كبري اكتوبر في القاهرة أكيد عارف زحمته
-ايه المشكلة 4000 كيلو في شهر و لا في يوم الزيت الموصى به هيقوم بالوظيفة مش فارقة و هيقلل الاجهاد... اصلا لان الخلوص الصغيرة مع زيت كثيف بيعمل Friction losses و Stress عالي على المحرك
-العربيات القديمة لما نحب نسكتها شوية و نمنع استهلاك الزيت بنستخدم xW50 و دي مواتير مستهلكة ...حضرتك تحط في موتور صناعة 2012 زيت xW60 حرام
-لا عادي والله, انا قلبي واجعني بس على الموتور بتاعك ده زمانه بيعاني من ال xW60 ده :beatdeadhorse5:
-والله عامة الزيوت اللي مش ليها شركات كبيرة في مصر و اماكن ثابته زي البنزينات و كده بتجنبها عشان المغشوش بيكون منه كتير
-بس Valvoline من الكلام على الورق يعني انا مجربتوش و موزعينه كتيير هيكون افضل زيت و اهم حاجة اللزوجة... التوكيل دلوقتي بيحط زيت API SN
زي ما toty_305 وضح لك الزيت اللي أنت بتحطة دا غلطة في حق موتورك, ومش مناسب ليه,,
ومش معني أن شيل بقي أتحرق أو بقي لونه أسود علي 3000 كيلو أنو بقي بايظ,, الزيت التخليقي بيسود عشان الأضافات اللي فيه واللي بتتأكسد مع الشغل عليه ومع الزمن ودي اللي بتخليه يعيش لفترة أطول توصل ل 10 الأف كيلو كمتوسط أو سنة أيهما أقرب,
يعني من الأخر الزيت لو منزلش أسود تخاف منه لأنو معني كدا أنو مشتغلش كويس ولا حافظ علي الموتور ولا نضف كويس,, ولو الموتور مطلعش الصهد الطبيعي بتاعه برضه تخاف من الزيت ومتنبسطش لأن الزيت المفروض أنو بيشتت الحرارة لخارجة الموتور برضه,,
الزيت اللي أنت بتحطة دا لو مش بتحس معاه بحرارة دا طبيعي لأنو عالي جداً علي موتورك, ومكتوب حتي علي موقع كاسترول أنو Approved for BMW M Series
وأنت عارف يعني أيه M
كلها مواتير حرق وحامية وعايزة زيت يستحمل شغل حامي,,
لكن عشان تحطة عندك وتنبسط أنو الموتور مش بيسخن أو إن الزيت بينزل نضيف وتفكر أنك كدا ماشي صح فانت غلطان,,
كدا الزيت مش بيلحق يشتغل أصلاً,, وكدا أنت هتوسع الخلوص بتاعت موتورك زي ما toty قالك وهتقصف عمر موتورك بدري بدري,,
أمشي علي اللزوجة اللي محددة في الكتالوج بتاع عربيتك, والمناسبة لموتورك,
واللي هيا في الغالب 5w30 أو 5w40
بالتوفيق.
بص يا معلم,, الزيت دا مش مناسب لموتور عربيتك,
دي نصيحتي ليك وtoty نصحك نفس النصيحة,,
أقراء كدا الصورة دي مكتوب عليها أيه, وشوف عربيتك فيهم ولا لأ.
http://img853.imageshack.us/img853/4351/50ju.jpg
الموديلات اللي هوا نازل عشانها,
Product Descripption
1998 Z3 M Roadster 1999-2001 Z3 3.2L-6 2006-2007 Z4 2000-2003 Z8 2001-2006 M3 2000-2003 M5 2006-2007 M5
http://www.amazon.com/Castrol-10W-60.../dp/B00AED05PS
http://www.bobistheoilguy.com/forums...Number=2454750
وبغض النظر عن إن عربيتك تتحمله وتقبله أو متقبلهوش,,
أنت أكتر زيت مناسب لعربيتك ومعظم العربيات في بلدنا, هما 5w30 أو 5w40
وهتلاقي دا مكتوب في كتالوجك بالمناسبة.
اللى انا بحطه ده http://www.castrolarabia.com/arabic/...edgesport.aspx
غير الايدج بروفيشنال واعتقد دى منتج خصيصا للبى ام حتى مواصفة api مختلفة
http://ecx.images-amazon.com/images/...L._SL1500_.jpg
بص أنت مش قادر تفهمني أنا و toty برضه,,
القصة مش قصة هوا أيدج سبورت ولا بروفيشنال,,
القصة هما خلوة ريكومنديد للBMW فئات M و Z ليه ؟؟
لأنها مواتير حامية وحرقها عالي وأكتر مشيها علي RPM عالي,,
وكمان بتحرق طول الوقت علي كل الغيارات,,
الزيت دا هيكون مناسب ليها لأنو بيتحمل درجات الحرارة العالية والشغل المتواصل علي الحرق دا.
واللزوجة دي مش مناسبة لمواتيرنا لأننا مش بنحرق الحرق دا ولا مواتيرنا بتوصل لنفس درجة الحرارة اللي بتوصلها المواتير ال M
فا هيا مش هتفرق هوا مكتوب عليه سبورت ولا بروفيشنال مخصص للBMW,
كدا كدا اللزوجة العالية في الأتنين دي مش مناسبة لموتورك خالص,,
هديك مثال تاني انا أعرف ناس معاها أفيو 2013 وبتحط لها زيت معدني,!
وواحد تاني صاحبي روحنا بنزينة نغير زيت ولاقيته بيحط زيت 20w50 ل جيتا موديل 2012 !!
والعربيات بتمشي وعادي, بس هل دا صح ؟
أحنا بنقولك علي الصح,
وأنت طبعاً شوف اللي يناسبك وأعمله.