الفيرنا بقت تفرمل زى باقي العربيات (الحمد لله شكر خاص استاذ كريم منير )
بعد صراع دام 4 سنوات من عدم اقتناعى بفرامل العربية
بقت احب الفرامل وجت على اهون سبب
بعد تغير التيل بانواع مختلفة لقيت احسن واحد رغم ان فرقة مش كبير اوى لكنة مؤثر هو التيل الاصلى
لكن بردوا كنت حاسس ان فى فرق بنها وبين اللانسر كنت بحس ان الفيرنا غبية فهمها بطى الدوسة بتاعة الفرامل مش مؤثرة رغم كل المحاولات مع الميكانيكى بيكون الرد ان هى كدة
لكن بعد لما قريت الموضوع اللى كان عاملة استاذ كريم منير عن تغيرة لزيت الفرامل عند "ولف" وان الزيت لازم يتغير كل سنتين
قلت ايه المشكلة لما اروح اجرب مش هخصر حاجة الزيت دة فى العربية من يوم ما جت اصلا يعنى من (2006) 7 سنين ورد الميكانيكى طلما القربة بتاعة الزيت مليانة كله تمام (ولكم ان اجيبت)
روحت المركز بتاع ولف اللى فى السادس الصراحة هما ناس محترمين
وسحبوا الزيت القديم كلة بعد لما كشفوا علية ولقوة محتاج تغير
والفنى حط الزيت الجديد واقعد يسحب الهواء من العجل بجهاز زى المنفاخ كدة طبعا عند اونكل الميكانيكى هيقلك ابقى كارك فرامل كدة وهى هتبقى حلوة وهتسمع الكلام
العربية خدت عبوة كاملة وحبة من عبوة تانية انا احتفظت بيها لان الفنى هناك قالى زيت الدبرياج عاوز يتغير وورانى لونة قالى خلى الميكانيكى بتاعك يعملهولك
فالحمد مراحتش على غير فايدة
النتيجة ان العربية بقت استجابتها سرعية جدا للفرامل ومش زى الاول تدوس والدوسة تاثيرها ضعيف والحمد لله انا مبسوط اوى اوى من العربية
وبكرر الشكر لاستاذ كريم منير وشكرى لمركز ولف
انا غيرت عندهم زيت المتور بردوا بس لسة عارف احكم علية لانى كنت مغير فلتر وبوجيهات فى نفس اليوم لكن العربية فايقة والحمد لله هنشوفة كمان 5000 كيلو ونقول الدنيا فيها ايه