الموضوع: نصايح خبراء الفولكس بوينتر

المشاركة الأصلية كتبت بواسطة eraser

العربية كويسة ثابتة واعتمادية جدا زى باقى الفولكس وان كانت فيها شوية عيوب بسيطة زى الابواب تقيلة شوية والفتيس مش سلس بالمقارنة بالجولف اللى كانت معايا مثلا
يعنى العربية كويسة بس فولكس الالمانى وسيات انا شايفهم احسن
انا معايا 1600cc وسحبها معقول مش زى الجولف بردو بالنسبة لموديل 2004 اعتقد هيكون 1000cc حاسس انه قليل (حسب سواقتك)
بالنسبة لقطع الغيار الاستهلاكية زى العفشة والتيل موجودين و سعرهم زى باقى فولكس اغلى من الكورى بشوية بس معمرين اما بالنسبة للصاج اسمع انه قليل وغالى بس ما احتجتوش الحمد لله
الصيانة بعملها عند بتوع فولكس بس مش كلهم بيشتغلوا فيها
الخلاصة عشان ما اتوهكش العربية لو حالتها كويسة وانت مش هتضايق من الموتور ال1000 (على فكرة هو موفر جدا فى البنزين) هاتها وهتبقى كسبت موديل عالى وعربية اعطالها قليلة
موضوع الصيانة وقطع الغيار هتلف عليهم شوية فى الاول بس زمايلنا هنا فى اسكندرية هيساعدوك وممكن تبص على مواضيع قطع الغيار واسعارها فى قسم فولكس وسيات (الاتنين نفس الاجزاء الميكانيكية مع اختلاف الشكل فقط) عشان تاخد فكرة
السعر انا بقالى فترة مش متابع
بالتوفيق وابقا طمنا

اولا انا متشكر جدا يا باشمهندس شريف علي ردك وعلي وقتك :)
احب بس اوضح لك ان العربية 1400 مش 1000 سي سي
ثانيا بالنسبة للاكسسوارات من فوانيس وكدا هدوخ عليها ولا الموضوع مش زي ما انا متصور ?
بخصوص السعر هي صاحبة العربية كاتت طالبة 40 الف ومن هنا لهنا ماسكة غلي 39 الف وحجتها انها لسة مغيرة التيل وللسيور وعاملة لها صيانة وعلي كلامها لو اخدتها مش هصرف عليها.

الكلام دة مناسب ولا ايه راي حضرتك ?!

ايه يا شباب محدش ليه رأي في الموضوع ده ولا ايه ؟

الف شكر يا باشمهندس تعبتك معايا .

طيب بالنسبة للسعر المطلوب ايه رايك فيه ??