عاوز أضع مبلغ كبير في البنك

**kondor** · 16-11-2013 06:08 PM

فلوسك كده كده مضومنة فى اي بنك داخل مصر من البنك المركزي فامتخافش من النقطة ده و بما انت فاتح حساب فى NSGB اتكل على الله و رحلهم و ادخل على نظام الصفوه معاملة مختلفة و احسن من اي بنك تاني (طبعا علشان تدخل قسم الصفوه لازم يكون المبلغ كبير نص مليون على الاقل) بيكون ليك موظف مخصوص و مفيش حاجة اسمها طوابير انتظار و ممكن تتصل بيهم فى اي وقت و في اي يوم ده غير بتاخد حساب توفير مجاني و حساب جاري مجانيو تحويل اموال الى اى مكان فى اي وقت و حاجات تانية كتير بس نصيحة روح من فروعهم الكبيرة الى فيها خدمة الصفوه

و ده معلومات اكتر عن نظام الصفوه من NSGB
Safwa Universe Benefits:
Safwa Universe members automatically receive the access to a world full of tailor made benefits you choose from, based on your personal preference and financial need to help you manage your wealth in the most profitable way:
1. Personalized banking experience through a dedicated Safwa Relationship Manager
2. Dedicated cash service in the branches
3. Free FonaBank service with 24/7 Safwa treatment
4. Safwa fast track treatment in processing all banking requests
5. Free Safwa Checking account with preferred interest rate
6. Free EGP sight cheque collection inside the clearinghouse
7. 50% discount on the Safwa cheque books’ fees
8. Free Savings account
9. Free automatic transfers (TransClick service)
10. Privileged Time Deposits rates based on the amount and duration
11. Special credit facilities* treatment in terms of limits and rates
12. Special secured, car and cash loans* admin fees
13. Free NetaBank service with special daily transfers limit of EGP 30,000
14. Special transfers rates (waiving the admin fees and swift charges as well as discounted commission)
15. Dealing with the bank remotely by fax
16. Free cash withdrawal over the counter
17. Free cash withdrawals from non The bank ATMs Locally (for Safwa payroll clients)
18. Special VISA Electron daily cash withdrawal limit up to EGP 9,000
19. Safwa safe boxes

**د.محمود صلاح** · 16-11-2013 06:17 PM

تحويل لخارج مصر اعتقد مافيش بنك في مصر بيقدم الخدمة دي ..

**KemozTanta** · 16-11-2013 06:27 PM

مفيش احتمال ولو 1% ان البنوك تفلس ، البنوك فلوسها كلها محطوطة تحت رقابة شرسة من البنك المركزي المصري ودا ملوش مصلحة مع اي بنك ، مصلحته هي اموال الشعب .. لو بنك بيفكر او بيلمح انه يتعرض لخسائر المركزي بيتدخل ودايما بتكون في ضمانات اكبر من اموال المودعين في البنك
ماتقلقش من البنوك ، انت تقلق لو الفلوس معاك جنبك للاسف في وضع البلد المريب !

**h_shahin** · 16-11-2013 10:48 PM

بنك الإعتماد و التجارة فلس فى كل مكان فى العالم أما فى مصر فتم دمجه فى بنك مصر و حسابات عملائه كلها ضمنها بنك مصر اللى هو أفوى من الإعتماد و التجارة عشرات المرات

بنك القاهرة فى أوائل الألفية كانت حجم محفظة القروض المتعثرة اللى إخدها رجال الأعمال بالفساد منه أكبر بكتير من الحدود القصوى الآمنة و كان البنك تقريبا بنك ورقى لا يملك من الأرصدة التقدية ما يواجه به متطلبات تشغيله البومبة و مع ذلك تم دعمه بأقصى ما يمكن و لم ينهار بنك القاهرة و السنة الحالية متوقع يحقق أرباح طائلة

بنك تشيس منهاتن كان داخل فى الثمانينات بشراكة مع البنك الأهلى (بنك تشيس الأهلى) و فجأة و لسبب لا أتذكره قرر بنك تشيس الإنسحاب من قطاع المصارف المصرية و رغم ما نتج عن هذا الإنسحاب من هزة مؤلمة إلا أنه قد تم إمتصاص الصدمة و تحول البنك إلى أحد أكبر و أنجح البنوك المصرية و هو البنك التجارى الدولى

و الأمثلة كثيرة منها بنك المهندس و بنك الدلتا و البنك الوطنى للتنمية و غيرها جميعها لم يخسر مةدع فيها أى ودائع

**mk3** · 16-11-2013 11:17 PM

شباب محتاج تأكيد لمعلومه ايداع فى مصر اموال تحت حساب فرع بدوله اخرى وسحبها من الخارج

**Trondo** · 16-11-2013 11:56 PM

مينفعش تعمل ايداع هنا و تسحب من الحساب من الخارج حتى لوالبنك له فروع فى الخارج
لكن ممكن بكروت السحب الالى او كروت الفيزا بالمصاريف اللى بيحددها البنك
اللى هى تقريبا ٢.٥٪ + ٤٥ جنيه للسحبه الواحده

**homme49** · 17-11-2013 12:22 AM

المشاركة الأصلية كتبت بواسطة h_shahin

بنك الإعتماد و التجارة فلس فى كل مكان فى العالم أما فى مصر فتم دمجه فى بنك مصر و حسابات عملائه كلها ضمنها بنك مصر اللى هو أفوى من الإعتماد و التجارة عشرات المرات

البنك المركزى المصرى فى 24 ديسمبر عام 1992 أقرض بنك مصر مبلغ مليار جنيه مصرى بدون فوائد على عشرة سنوات كسيولة مقابل قيام قيام بنك مصر بضمان ودائع عملاء بنك الإعتماد و التجارة (مصر)
و مبلغ المليار جنيه مصرى هو عبارة عن ثلاثمائة مليون دولار أمريكى بسعر 3.25 فى ذلك الوقت -تبرع شخصى من المغفور له الشيخ زايد بن سلطان - حيث أن حكومة أبوظبى كانت المالك الرئيسى لرأسمال بنك الإعتماد و التجارة الدولى .
رحم الله المغقور له الشيخ زايد بن سلطان و رحم الله المغفور له محمد حافظ رئيس مجلس إدارة بنك مصر الذى أدار عملية الدمج

**samehafez** · 17-11-2013 02:44 AM

offshore account اعمل سيرش علي النظام ده كده و اعتقد hsbc عنده النظام ده ...

**ahmed4000** · 17-11-2013 09:47 AM

مفيش تحويل بره مصر ياباشا من بعد الثورة الا لما يكون فى سبب وفاتورة او مستند جاى من هناك
حتى لو حتحول لحسابك الخاص بره فى نفس البنك وده عن تجربة
فسيبك من موضوع ان البنك يفلس والكلام ده احتمال صعب اوى