دا انا مطلعتش لوحدي الي قاعد بتابع فتكات
عرض للطباعة
الحمد لله ان فيه ناس فهمتنى .. ياجماعه انا مش بدور على واحده اقضيها و امشى معاها زى ماتهمتونى و الا هجوز ليه ماهم كتير اعمل معاهم كده و مش معنى انى عاوز واحده عاديه يبقى انا مش محترم و هى كمان الموضوع كله دماغ و افكار و طباع و انا اقتنعت انها ماتناسبنيش عشان السن مش اكتر من كده ..
من وجة نظرى - انتا تحلم بإيه احسن من كده
اولا هى مش مقفله اوى زى ما انتا بتقول - لإنها لو مقفله من الناحيه الدينيه ماكنتشى حتقولك ان الابراج حلال
هى ممكن تكون لسه خام - و دى ميزه مش عيب
اللى ممكن يبقى عيب الى حد ما هو موضوع السن - بس صدقنى مش عيب خطير و انا شخصيا متجوز واحده (اكبر منى ) بشهرين :) و اعرف ناس غيرى متجوزين ستات اكبر منهم بسنين و عايشين عادى يعنى - المهم المخ ازاى
من الاخر اتكل على الله بعد الإستخاره
والله انا محتار فى نفس موضوعك بس فى اختلاف هيا اصغر منى ب 5 سنين ولما اعدت واتكلمت معاها مكنتش عارف اتكلم من كتر ادبها وان هي خااام لدرجة انها متعرفش مدينة نصر ولا سيتى استارز ومقفول عليها
انا كنت رافض لاسباب
1- انها تعليمها اقل منى
2- انها خاااااااام
3- كنت عايز واحدة تقدر تفهمنى وتكون تفكرها قريب من تفكيرى
وللعلم انا مش ناوى انها تشتغل
بس الجماعة فى البيت اعدو يتكلمو معايا انها متربية ودة قليل جددددددددا فى اليومين دول
والبنات كلنا عارفين عاملين ازاى فا بصراحة خفت من الموضوع دة وصليت صلاة استخارة وان شاء ربنا همشى فى الموضوع
عقبالك
الحمد لله انك سبتها
لانها ماتناسبكش خاااالص ..... عايزه واحد متدين اكتر من حضرتك
واحد يقدر قيمة الدين وقيمة كل من يمتثل للدين بحق
واحد يعرف يعني ايه " فاظفر بذان الدين تربت يداك"
سياتك شوف واحده كده ........ قشطه
عسوله يعني
بغض النظر عن العروسه اللي بيتكلم عنها الاخ الفاضل
الناس للاسف بتفهم غلط
مش معنى انها مقفله وخام تبقى متدينه !!!
بالعكس دي مش حاجه كويسه
فيه ناس كتير ولاد وبنات عرفتهم كانوا مقفلين وخام لكن ملوش علاقه بالتدين ولما فتحوا الدنيا باظت معاهم
انا كنت هرتبط بواحده مقفله وشكلها خام وكنت فاكر انها كده متدينه ومحترمه وكانت تتكسف تبص في وش ولد في الكليه ...وطلع انها بسبب انها كانت قطه مغمضه
ولما فتحت مسبتش ولد الا وكانت مكلماه وجرت معاه كلام !!!
برضه بكرر ان الكلام ده بغض النظر عن العروسه اللي اتكلم عنها الاخ الفاضل
انا بحاول اشرح الفكره ذات نفسها ...مش شرط انك مقفل تبقى متدين
فيه بنات متدينات وحافظات كتاب ربنا ومنتقبات ومحتشمات وبميت راجل في شجاعتهم وقوتهم وحسن ادارتهم للامور واعتمادهم على نفسهم