أريد أن أشتري سيارة جديدة

**osman hisham** · 08-07-2007 08:30 PM

أقتباس
اعادة بيع الله اعلم بيها (كفاية انها كوري وشيفورلية بتداري دايو بالعلامة بتاعتها)
الرد
طبعا ده مش منطق شوف فولكس عملت أيه فى الأسكودا و كمان سيات
و شوف برضه رينو بعد ما أشترت داتشيا
يا جماعه الشركات الكبيره لما تشترى الشركات دى بتغير من مستوى الأنتاج و الكواليتى كنترول و بتنتج عربيات بشكل تانى و ألا لن تنجح و تلقى نفس مصير الشركه القديمه
أرجوا التأكد من الأفيو و الأوبترا حيث أنهما مختلفين كليا عن مستوى أنتاج الدايو
هشام عثمان

**معاذ الشرباصى** · 08-07-2007 09:10 PM

المشاركة الأصلية كتبت بواسطة SM777

أريد أن أشتري سيارة جديدة و حقيقة مدي ما أستطيع دفعة هو في مدى التسعينات .... رأي أقرب للأوبترا
و لكن هناك من خوفني منها من عدة مواضيع كالنشوفة و الصاج الخفيف و عدم رفاهية المقصورة
و الآن أنا أقارن بين الأوبترا و النوبيرا و ألنترا و الهوندا سيتي و الياريس

إية رأيكم يا جماعة؟؟؟
و لا في عربية أحسن في نفس السعر؟؟؟؟؟؟؟؟؟

انت عايز ايه من العربية؟
يعنى عائلية و لا لأ؟
الثبات مهم و لا لأ؟
استهلاك البنزين فارق اوى؟
الوسع الداخلى؟

فى حاجات كتير بتحكم الاختيارات, و ممكن تبدأ المقارنة بكام عربية و تنتهى بعربية غير اللى كنت حاططهم فى اختياراتك

و اقرب مثال على كده كريم منير, كان محتار بين الانترا الجديدة و لانسر, جاب كورولا 1300

ليه متفكرش فى الصنى, دلوقت بقت بتبدأ من 85الف, و انا برجحها على الاوبترا

**Sharky** · 09-07-2007 09:13 AM

السلام عليكم

رأى الشخصى لو تقدر تجيب مستعمل كسر الزيرو يبقى كرولا لكن لوعايو سيارة زيرو يبقى فى الإختيارات اللى محددها تويـــــوتــا يــــــــــــاريـــــــــ ــس أنا شايف إنها أحسن واحدة فى الإختيارات دى عن تجربة.

**أبو عمار** · 16-07-2007 10:52 AM

بصراحة إحترت جامد جدا ورسيت فى النهاية على الأوبترا الأوتوماتيك و هى عربية زى الفل قيمة و سيمة و شكل رائع و سحب ووسع وفخامة و كماليات وفوق كل ده سعر منافس جدا
92 ألف جنيه

عيبها الوحيد متوسط إستهلاكها فى البنزين حوالى 9.5 لتر/100كم

الحقيقة أنا كان عاجبنى الإلنترا بس علشان أجيبها بضاعة حاضرة من غير حجز هادفع فرق 13 ألف جنية فوق سعر الأوبترا و برده كورى طيب حد يقنعنى :!:

والله يا أخى إسمع كلامى تنازل عن الحلم اليابانى و خليك فى الأوبترا و مش هاتندم

**إسلام شاهين** · 16-07-2007 11:04 AM

<marquee/>ياجماعه انا سمعت إن الاوبترا 6 سلندر علشان كده حريقه بنزين الكلام ده صحيح ؟<marquee>

**osman hisham** · 16-07-2007 11:09 AM

الأوبترا 4 سلندر طبعا !!! :shock: :shock:
و مش حريقة بنزين للدرجه اللى أنت متخيلها
أنا على السفر عملت 400 كم فى الصفيحه معايا من شهر :P

**احمدعبدالعزيز** · 01-08-2007 10:26 AM

مبروك chevy Optra ياباشا

**hazem_khidr** · 01-08-2007 04:10 PM

كلامك صح يا طارق بس الراجل عاوز يركب عربيه زيرو و النوبيرا اللي اشتراها زيرو اشتراها من زمان من 4 او 5 سنين بمعني انها قدمت خلاص انا مش بقول وحشعه بس لما احب اركب عربيه جديده اركب عربيه معقوله و افضل راكبها 4 سنين ولا حاجه ما يتقال عليها قديمه او في موديل نزل بعدها علشان افضل مستمتع بيها فتره طويله مش يدوب اشتريها والاقي الموديل الجديد نزل و يدوب الفرق كان كام شهر او الموديل اتوقف انتاجه و كلمه دايو خلاص انتهت و بقت شيفورليه...دا قصدي بس.