شكر واجب للاستاذ مصطفي حسن ...zarif

**atpo56a** · 16-11-2013 04:49 PM

اولا بالنيابه عن نفسي وعن كل اعضاء المنتدي اقدم لك الشكر للاستفاده من موضوع اصلاح سربنتينه السخن موضوع شيق وجديد ربنا يؤجرك كل خير والي موضوعات جديده ان شاء الله
اطلب من حضرتك تعمل موضوع خاص بكيفيه تغيير زيت الباور لدايو لانوس ونوع الزيت ايه وكيفيه تفريغ الهواء من الدوره انا عارف انك تحب المغامره نتمني نعرفها منك طريقه تغيير الزيت بعد اذن حضرتك ولك جزيل الشكر

**مصطفى-حسن** · 16-11-2013 06:43 PM

والله يا باشا انت بتحرجنى لما تعمل موضوع لشكرى
واحنا كلنا اخوات واللى بيعرف معلومة بيقدمها لغيرة والثواب عند الله

وربنا يسهل قريب فى موضوع زيت الباور
بس خلى بالك هوة سهل قوى
بس الفكرة لما الموضوع بالصور وعملى هيبقى اسهل للناس من الشرح النظرى

**ahmedzizo131** · 17-11-2013 10:29 AM

بسم الله الرحمن الرحيم
الف الف شكر يا استاذ / مصطفى
بالنيابة عن جميع الاعضاء الكرام
على جميع مواضيعك الجميلة
و فى انتظار المزيد باذن الله

**مصطفى-حسن** · 17-11-2013 11:38 AM

المشاركة الأصلية كتبت بواسطة atpo56a

الف شكر لتقديرك وردك الجميل
الكل في انتظار موضوع تغيير زيت الباور
ربنا يوفقك في تركيب سربنتينه السخن بس لي اقتراح بدل موضوع اللحام بالارجون ممكن تنظف المواسير الالومنيوم كويس وتركب ماسورتين بلاستيك وتحط سيليكون حراري للتقفيل ده مجرد اقتراح لانني اعرف ان مواسير السباكه الخضراء gmبتتحمل الحراره الشديده
قوللي ايه رأيك في الكلام ده

للاسف مينفعش عشان هيبقى جسم معدن وجسم بلاستيك او ارتيلون على ما اعتقد وحتى لو لحمتهم بالمادتين هتبقى مش مضمونة لان خروج ودخول السربنتينة قصة مش بالسهل عشان نجرب كذا مرة

انا خلاص لحمتهم بالارجون وتم التركيب ولسة فاضل انى اوصلهم خراطيم المية

وبالنسبة لموضوع تغيير زيت الباور هو سهل زى ما قلت لك مش قصة وربنا يسهل فية

ومتشكر جدا على كلامك الجميل وردودك الاجمل

المشاركة الأصلية كتبت بواسطة ahmedzizo131

بسم الله الرحمن الرحيم
الف الف شكر يا استاذ / مصطفى
بالنيابة عن جميع الاعضاء الكرام
على جميع مواضيعك الجميلة
و فى انتظار المزيد باذن الله

العفو يا استاذ احمد احنا كلنا اخوات وبنساعد بعض
وبالنسبة للمواضيع الجديدة فية كام موضوع انا شغال عليهم

1- اصلاح كل مشاكل كلاكس الانوس ب 4 ج بالفيديو
2 - عمل اضاءة لحوض الانوس
3 - حل جذرى لكل اللى بيعانى من مشكلة نقص المية سواء كانت مشكلة عادية او مزمنة
4 - طريقة تجديد واصلاح غطا القربة وفلتر الهوا بدون تكلفة مالية

وربنا يسهل من عندة

**friendship7897** · 12-12-2013 02:11 PM

المشاركة الأصلية كتبت بواسطة atpo56a

اولا بالنيابه عن نفسي وعن كل اعضاء المنتدي اقدم لك الشكر

شكراً لموضوعك دا وأحب أضيف بالنيابة عن كل أعضاء وعضوات المنتدى

المشاركة الأصلية كتبت بواسطة ZARIF

العفو يا استاذ احمد احنا كلنا اخوات وبنساعد بعض
وبالنسبة للمواضيع الجديدة فية كام موضوع انا شغال عليهم

1- اصلاح كل مشاكل كلاكس الانوس ب 4 ج بالفيديو
2 - عمل اضاءة لحوض الانوس
3 - حل جذرى لكل اللى بيعانى من مشكلة نقص المية سواء كانت مشكلة عادية او مزمنة
4 - طريقة تجديد واصلاح غطا القربة وفلتر الهوا بدون تكلفة مالية

وربنا يسهل من عندة

جزاك الله خيراً نحن في أنتظار موضوعاتك الشيقة والإقتصادية
والموضوع الأول الخاص بمشاكل كلاكس اللانوس دا يهمنى أوي !
لأن عندي مشكلة في كلاكس عربيتي ومعرفش دا عادي في اللانوس ولا عربيتي فقط ؟
إن صوت الكلاكس لما بستعمله بيكون الصوت عندي في الصالون أكتر مش طالع لبره
لدرجة إني كل ما أضرب كلاكس ( أنا اللي أتخض - هههههه )